ਘਰਵਾਲੇ ਦੇ ਸਾਲੇਹਾਰ ਨਾਲ ਨਾਜਾਇਜ਼ ਸੰਬੰਧਾਂ ਤੋਂ ਦੁਖੀ ਹੋ ਕੇ ਲਗਾਈ ਸੀ ਨਹਿਰ ਵਿੱਚ ਛਾਲ
ਧਾਰੀਵਾਲ ਪੁਲਿਸ ਨੇ ਘਰਵਾਲੇ ,ਉਸ ਦੀ ਸਾਲੇਹਾਰ ਸਮੇਤ ਪੰਜ ਖਿਲਾਫ ਮਾਮਲਾ ਕੀਤਾ ਦਰਜ
ਰੋਹਿਤ ਗੁਪਤਾ
ਗੁਰਦਾਸਪੁਰ , 20 ਅਗਸਤ 2025 :
ਬੀਤੇ ਦਿਨ ਧਾਰੀਵਾਲ ਸ਼ਹਿਰ ਵਿੱਚੋਂ ਗੁਜ਼ਰਦੀ ਅਪਰਬਾਰੀ ਦੁਆਬ ਨਹਿਰ ਵਿੱਚ ਇੱਕ ਔਰਤ ਵੱਲੋਂ ਛਲਾਂਗ ਲਗਾ ਕੇ ਆਪਣੇ ਜੀਵਨ ਲੀਲਾ ਖਤਮ ਕਰ ਲਈ ਗਈ ਸੀ। ਬਾਅਦ ਵਿੱਚ ਔਰਤ ਦੀ ਪਹਿਚਾਨ ਰਣਜੀਤ ਉਮਰ 34 ਸਾਲ ਵਾਸੀ ਪਿੰਡ ਮਰੜ (ਬਟਾਲਾ) ਦੇ ਤੌਰ ਤੇ ਹੋਈ ਸੀ। ਮਾਮਲੇ ਵਿੱਚ ਨਵਾਂ ਮੋੜ ਆਇਆ ਜਦੋਂ ਰਣਜੀਤ ਕੌਰ ਦੇ ਪਿਤਾ ਨਹੀਂ ਖੁਲਾਸਾ ਕੀਤਾ ਹੈ ਕਿ ਰਣਜੀਤ ਕੌਰ ਦਾ ਇਹ ਦੂਜਾ ਵਿਆਹ ਸੀ ਅਤੇ ਉਸਦੇ ਘਰਵਾਲੇ ਸਰਬ ਦਿਆਲ ਦੇ ਆਪਣੇ ਪਹਿਲੇ ਵਿਆਹ ਵਿੱਚੋਂ ਸਾਲੇਹਾਰ ਲੱਗਦੀ ਔਰਤ ਨਾਲ ਨਜਾਇਜ਼ ਸਬੰਧ ਸਨ। ਜਦੋਂ ਆਪਣੇ ਪਤੀ ਨੂੰ ਇਸ ਤੋਂ ਰੋਕਦੀ ਸੀ ਤਾਂ ਪੂਰੇ ਪਰਿਵਾਰ ਵੱਲੋਂ ਉਸਦੀ ਮਾਰਕੁਟਾਈ ਕੀਤੀ ਜਾਂਦੀ ਸੀ ਜਿਸ ਤੋਂ ਦੁਖੀ ਹੋ ਕੇ ਉਹਨਾਂ ਦੀ ਲੜਕੀ ਰਣਜੀਤ ਕੌਰ ਵੱਲੋਂ ਨਹਿਰ ਵਿੱਚ ਛਲਾੰਗ ਲਗਾ ਕੇ ਆਤਮਹੱਤਿਆ ਕੀਤੀ ਗਈ ਹੈ। ਉੱਥੇ ਹੀ ਧਾਰੀਵਾਲ ਥਾਣੇ ਦੀ ਪੁਲਿਸ ਵੱਲੋਂ ਰਣਜੀਤ ਕੌਰ ਦੇ ਪਤੀ ਸਰਬ ਦਿਆਲ , ਪਤੀ ਦੇ ਪਹਿਲੇ ਵਿਆਹ ਵਿੱਚੋਂ ਸਾਲੇਹਾਰ ਲੱਗਦੀ ਔਰਤ ਸਮੇਤ ਪੰਜ ਖਿਲਾਫ ਆਤਮਹੱਤਿਆ ਲਈ ਮਜਬੂਰ ਕਰਨ ਦੀ ਧਾਰਾ 306 ਅਤੇ ਹੋਰ ਕਈ ਧਾਰਾਵਾਂ ਤਹਿਤ ਮਾਮਲਾ ਦਰਜ ਕਰ ਲਿਆ ਹੈ।
ਧਾਰੀਵਾਲ ਥਾਣੇ ਦੇ ਐਸਐਚ ਓ ਹਰਪਾਲ ਸਿੰਘ ਨੇ ਦੱਸਿਆ ਕਿ ਪੁਲਿਸ ਨੂੰ ਦਿੱਤੇ ਬਿਆਨਾਂ ਵਿੱਚ ਮ੍ਰਿਤਕ ਰਣਜੀਤ ਦੇ ਪਿਤਾ ਵਰਿਆਮ ਮਸੀਹ ਵਾਸੀ ਮਰੜ ਥਾਣਾ ਸਦਰ ਬਟਾਲਾ ਨੇ ਦੋਸ਼ ਲਗਾਇਆ ਹੈ ਕਿ ਉਸ ਦੀ ਲੜਕੀ ਰਣਜੀਤ ਉਮਰ 34 ਸਾਲ ਦੀ ਸ਼ਾਦੀ 2 ਸਾਲ ਪਹਿਲਾਂ ਸਰਬਦਿਆਲ ਵਾਸੀ ਪ੍ਰੇਮ ਨਗਰ ਗੁਰਦਾਸਪੁਰ ਨਾਲ ਹੋਈ ਸੀ।ਜਿਨਾਂ ਦਾ ਇੱਕ ਸਾਲ ਦਾ ਬੇਟਾ ਹੈ। ਸਰਬਦਿਆਲ ਦੇ ਆਪਣੀ ਪਹਿਲੇ ਵਿਆਹ ਦੀ ਸਾਲੇਹਾਰ ਪੂਨਮ ਪਤਨੀ ਕਾਲੀ ਵਾਸੀ ਆਲੇਚੱਕ ਨਾਲ ਨਜਾਇਜ ਸਬੰਧ ਸਨ ਜਿਸ ਦਾ ਉਸ ਦੀ ਲੜਕੀ ਵਿਰੋਧ ਕਰਦੀ ਸੀ ਤਾਂ ਉਸ ਦੀ ਪੂਰੇ ਪਰਿਵਾਰ ਵੱਲੋਂ ਮਾਰ ਕੁਟਾਈ ਕੀਤੀ ਜਾਂਦੀ ਸੀ। ਬੀਤੇ ਦਿਨ ਵੀ ਰਣਜੀਤ ਕੌਰ ਦੀ ਮਾਰ ਕੁਟਾਈ ਕਰਕੇ ਉਸਨੂੰ ਘਰੋ ਕੱਢ ਦਿੱਤਾ ਗਿਆ ਜਿਸ ਤੇ ਰਣਜੀਤ ਨੇ ਦੁੱਖੀ ਹੋ ਕੇ ਨਹਿਰ ਵਿੱਚ ਛਾਲ ਮਾਰ ਕੇ ਆਪਣੀ ਜੀਵਨ ਲੀਲਾ ਖਤਮ ਕਰ ਲਈ ਹੈ।
ਐਸ ਐਚ ਓ ਹਰਪਾਲ ਸਿੰਘ ਅਨੁਸਾਰ ਰਣਜੀਤ ਕੌਰ ਦੇ ਪਤੀ ਸਰਬਦਿਆਲ, ਉਸਦੇ ਭਰਾ ਲੱਕੀ ਪੁੱਤਰਾਂਨ ਨਵਾਬ, ਭਰਾ ਦੀ ਪਤਨੀ ਜੋਇਆ ਵਾਸੀਆਂਨ ਪ੍ਰੇਮ ਨਗਰ ਗੁਰਦਾਸਪੁਰ, ਸਰਬ ਦਿਆਲ ਦੀ ਭੈਣ ਯਾਨੀ ਰਣਜੀਤ ਕੌਰ ਦੀ ਨਨਾਨ ਪੰਮੀ ਪਤਨੀ ਜੋਸਫ ਮਸੀਹ ਵਾਸੀ ਮੁਕੇਰੀਆ, ਅਤੇ ਪਹਿਲੇ ਵਿਆਹ ਤੋਂ ਸਾਲੇਹਾਰ ਪੂਨਮ ਵਾਸੀ ਆਲੇਚੱਕ ਖਿਲਾਫ ਮਾਮਲਾ ਦਰਜ ਕਰ ਲਿਆ ਗਿਆ ਹੈ ਅਤੇ ਮਾਮਲੇ ਦੀ ਜਾਂਚ ਸ਼ੁਰੂ ਕਰ ਦਿੱਤੀ ਗਈ ਹੈ।