Canada ਵਾਲੇ ਗੁਰਮੇਲ ਬੀਰੋਕੇ ਦੇ ‘ਬਰਫ਼ੀਲੇ ਡਾਲਰ ‘ ਆ ਗਏ ਨੇ ਬਾਜ਼ਾਰ ਚ -ਖਰੀਦੋ ਤੇ ਲਵੋ ਅਨੰਦ
Surrey( Canada) :
ਕਿਤਾਬ “ਬਰਫ਼ੀਲੇ ਡਾਲਰ” ਮੈਂ ਪੰਜਾਬੀ ਸਾਹਿਤ ਦੀ ਝੋਲ਼ੀ ਪਾ ਰਿਹਾ ਹਾਂ। ਇਹ ਇੱਕ ਕਹਾਣੀ ਸੰਗ੍ਰਹਿ ਜਾਂ ਨਾਵਲ ਨਹੀਂ, ਪਰ ਇਸ ਵਿੱਚ ਇਹ ਰੰਗ ਮਹਿਸੂਸ ਹੋਵੇਗਾ। ਇਸ ਕਿਤਾਬ ਵਿੱਚ ਕੈਨੇਡਾ ਅਤੇ ਕੈਨੇਡੀਅਨ ਲੋਕਾਂ ਦੀ ਜ਼ਿੰਦਗੀ ਬਾਰੇ ਲਿਖਣ ਦੀ ਕੋਸ਼ਿਸ਼ ਕੀਤੀ ਹੈ। ਇਸ ਵਿੱਚ ਇੱਥੇ ਦੇ ਕਿੱਤਿਆਂ ਬਾਰੇ, ਸਮਾਜ ਬਾਰੇ, ਆਰਥਿਕਤਾ ਬਾਰੇ, ਰਾਜਨੀਤੀ ਬਾਰੇ, ਟੈਕਨੋਲੋਜੀ ਬਾਰੇ, ਸਿਹਤ ਸਹੂਲਤਾਂ ਬਾਰੇ, ਆਵਾਜਾਈ ਦੇ ਸਾਧਨਾਂ ਬਾਰੇ, ਵਿੱਦਿਆ ਬਾਰੇ, ਰਸਮ-ਰਿਵਾਜ਼, ਰੁੱਤਾਂ ਤਿੱਥਾਂ ਦੀ ਜਾਣਕਾਰੀ, ਕੈਨੇਡੀਅਨ ਕਾਨੂੰਨਾਂ ਸਬੰਧੀ ਗੱਲਾਂ, ਤਿਉਹਾਰਾਂ ਦੇ ਰੰਗ ਅਤੇ ਹੋਰ ਵੀ ਕਈ ਕੁਛ ਲਿਖਿਆ ਹੈ।
ਮੈਂ ਆਪਣੇ ਨਿੱਜੀ ਤਜਰਬੇ ਨੂੰ ਤੇ ਇੱਥੇ ਵਸਦੇ ਲੋਕਾਂ ਦੀ ਜੀਵਨ-ਸ਼ੈਲੀ ਨੂੰ ਪਾਠਕਾਂ ਦੇ ਸਨਮੁੱਖ ਕਰਨ ਦਾ ਯਤਨ ਕੀਤਾ ਹੈ।
ਕੈਨੇਡਾ ਵੱਸਦੇ ਪੰਜਾਬੀਆਂ ਦੇ ਸੁਭਾਅ ਤੇ ਆਦਤਾਂ ਬਾਰੇ ਦੱਸਣ ਲਈ ਕਈ ਤਰੀਕੇ ਵਰਤੇ ਹਨ। ਕੈਨੇਡਾ ਇੱਕ ਬਹੁ-ਭਾਸ਼ੀ, ਬਹੁ-ਰੰਗਾ ਦੇਸ਼ ਹੈ। ਦੱਸਣ ਦੀ ਕੋਸ਼ਿਸ਼ ਕੀਤੀ ਹੈ ਕਿ ਵੱਖੋ ਵੱਖ ਰੰਗ ਇੱਕ ਗੁਲਦਸਤੇ ਵਿੱਚ ਕਿਵੇਂ ਇਕੱਠੇ ਹਨ।
ਇਹ ਵੀ ਪਾਠਕਾਂ ਸਾਹਮਣੇ ਲਿਆਉਣ ਦੀ ਕੋਸ਼ਿਸ਼ ਕੀਤੀ ਹੈ ਕਿ ਬਰਫ਼ਾਂ ਦੇ ਦੇਸ਼ ਵਿੱਚ ਜ਼ਿੰਦਗੀ ਭਾਵੇਂ ਲੱਖਾਂ ਦੁਸ਼ਵਾਰੀਆਂ ਨਾਲ ਜੂਝਦੀ ਹੈ, ਪਰ ਫੇਰ ਵੀ ਇਸ ਦੇਸ਼ ਦੀ ਆਪਣੀ ਹੀ ਵਿਲੱਖਣ ਸ਼ਾਨ ਤੇ ਸੁੰਦਰਤਾ ਹੈ। ਇੱਥੋਂ ਦੇ ਸੱਭਿਆਚਾਰ, ਬਹੁ ਰੰਗੀਨੀਆਂ ਭਰੀ ਜੀਵਨ-ਧਾਰਾ ਨੂੰ ਸਮਝਣ ਲਈ ਇੱਥੇ ਦੇ ਸਭੇ ਲੋਕਾਂ ਬਾਰੇ ਜਾਨਣਾ ਤੇ ਸਮਝਣਾ ਬਹੁਤ ਜ਼ਰੂਰੀ ਹੈ। ਇਸ ਕਿਤਾਬ ਵਿੱਚ ਹੱਡ ਬੀਤੀਆਂ ਤੇ ਜੱਗ ਬੀਤੀਆਂ ਦਾ ਅਨੁਭਵ ਸਾਂਝਾ ਕੀਤਾ ਹੈ।
“ਬਰਫ਼ੀਲੇ ਡਾਲਰ” ਨੂੰ ਪੜ੍ਹਨ ਤੋਂ ਬਾਅਦ ਮੈਂ ਪਾਠਕਾਂ ਕੋਲੋਂ ਉਮੀਦ ਰੱਖਾਂਗਾ ਕਿ ਉਹ ਜ਼ਰੂਰ ਆਪਣੇ ਵਿਚਾਰ ਦੱਸਣਗੇ…। ਮੈਂ ਹੋਰਨਾਂ ਕਲਮਾਂ ਵਾਲਿਆਂ ਕੋਲ਼ੋਂ ਉਮੀਦ ਕਰਦਾ ਹਾਂ ਕਿ ਉਹ ਵੀ ਕਨੇਡਾ ਬਾਰੇ ਮੇਰੇ ਨਾਲੋਂ ਵੀ ਵਧੀਆ ਲਿਖਤਾਂ ਰਾਹੀਂ ਪਾਠਕਾਂ ਨੂੰ ਦੱਸਣਗੇ।
ਤੁਹਾਡਾ ਆਪਣਾ,
ਗੁਰਮੇਲ ਬੀਰੋਕੇ
WhatsApp: +1 604 825 8053
-
ਗੁਰਮੇਲ ਬੀਰੋਕੇ, writer
gurm@gmail.com
Disclaimer : The opinions expressed within this article are the personal opinions of the writer/author. The facts and opinions appearing in the article do not reflect the views of Babushahi.com or Tirchhi Nazar Media. Babushahi.com or Tirchhi Nazar Media does not assume any responsibility or liability for the same.