ਸਿੱਖਿਆ ਵਿਭਾਗ ਦੇ ਆਈ. ਈ. ਡੀ. ਕੰਪੋਨੈਂਟ ਤਹਿਤ ਦਿਵਆਂਗ ਬੱਚਿਆਂ ਦਾ ਲਗਾਇਆ ਗਿਆ ਅਸੈਸਮੈਂਟ ਕੈਂਪ
ਪ੍ਰਮੋਦ ਭਾਰਤੀ
ਨਵਾਂਸ਼ਹਿਰ 21 ਅਗਸਤ 2025
ਜਿਲ੍ਹਾ ਸਿੱਖਿਆ ਅਫ਼ਸਰ ਅਨੀਤਾ ਸ਼ਰਮਾ ਦੀ ਅਗਵਾਈ ਹੇਠ ਸਿੱਖਿਆ ਵਿਭਾਗ ਦੇ ਆਈ. ਈ. ਡੀ. ਕੰਪੋਨੈਂਟ ਅਤੇ ਅਲਿਮਕੋ ਦੇ ਤਾਲਮੇਲ ਨਾਲ ਦਿਵਆਂਗ ਬੱਚਿਆਂ ਦਾ ਅਸੈਸਮੇਂਟ ਕੈਂਪ ਸਪਸ ਬਰਨਾਲਾ ਬਲਾਕ ਨਵਾਂਸ਼ਹਿਰ -1 ਵਿਖੇ ਲਗਾਇਆ ਗਿਆ । ਇਸ ਕੈਂਪ ਵਿੱਚ 54 ਦਿਵਆਂਗ ਬੱਚਿਆਂ ਨੂੰ 81 ਸਹਾਇਕ ਉਪਕਰਣ ਦੇਣ ਲਈ ਸੂਚੀਬੱਧ ਕੀਤਾ ਗਿਆ।ਜਿਸ ਵਿੱਚ ਅਲਿਮਕੋ ਦੀ ਡਾਕਟਰ ਟੀਮ ਵਿੱਚ ਸ਼੍ਰੀ ਸੂਰਆ ਪਾਂਡੇ,ਸ਼੍ਰੀ ਅਕਾਸ਼, ਸ਼੍ਰੀ ਰਾਜ ਰਾਘਵ ਅਤੇ ਸ਼੍ਰੀ ਅਮਰਜੀਤ ਸਿੰਘ ਹਾਜ਼ਰ ਸਨ। ਸਿਵਿਲ ਹਸਪਤਾਲ ਵੱਲੋਂ ਡਾ. ਅਮਿਤ ਕੁਮਾਰ ENT ਹਾਜ਼ਰ ਸਨ। ਡਾ.ਰਵਿੰਦਰ ਵੱਲੋਂ ਆਰਥੋ ਦੇ ਬੱਚਿਆਂ ਦੀ ਅਸੈਸਮੇਂਟ ਕੀਤੀ ਗਈ।ਆਈ.ਈ.ਆਰ.ਟੀ. ਕੁਲਦੀਪ ਕੁਮਾਰ,ਅੰਕੁਰ ਮਲਿਕ, ਰਾਕੇਸ਼ ਕੁਮਾਰ, ਸੰਦੀਪ ਕੁਮਾਰ, ਰਚਨਾ, ਸੰਦੀਪ, ਅੰਜੂ, ਰੂਹੀ ਨੇ ਵਿਭਾਗ ਵੱਲੋਂ ਲਗਾਈ ਗਈ ਡਿਊਟੀ ਨੂੰ ਸਫਲਤਾਪੂਰਵਕ ਨਿਭਾਇਆ ਗਿਆ। ਦਿਵਆਂਗ ਬੱਚਿਆਂ ਦਾ ਅਸੈਸਮੇਂਟ ਕੈਂਪ ਡੀ.ਐੱਸ.ਈ. ਨਰਿੰਦਰ ਕੌਰ ਅਤੇ ਡੀ.ਐੱਸ.ਈ. ਟੀ . ਰਜਨੀ ਦੀ ਦੇਖ ਰੇਖ ਵਿੱਚ ਸਫਲਤਾਪੂਰਨ ਮੁਕੰਮਲ ਕੀਤਾ ਗਿਆ। ਇਸ ਕੈਂਪ ਵਿੱਚ ਲਖਵਿੰਦਰ ਸਿੰਘ ਉੱਪ ਜਿਲ੍ਹਾ ਸਿੱਖਿਆ ਅਫ਼ਸਰ (ਸੈ. ਸਿ.) , ਅਵਤਾਰ ਸਿੰਘ ਬੀ.ਪੀ. ਈ.ਓ. ਨਵਾਂਸ਼ਹਿਰ -2 ਅਤੇ ਸੈਂਟਰ ਹੈਡ ਟੀਚਰ ਬਲਕਾਰ ਚੰਦ ਵੱਲੋਂ ਕੈਂਪ ਦੇ ਪ੍ਰਬੰਧਾਂ ਦਾ ਜਾਇਜ਼ਾ ਲਿਆ ਗਿਆ।
ਜਿਲ੍ਹਾ ਸਿੱਖਿਆ ਅਫ਼ਸਰ ਅਨੀਤਾ ਸ਼ਰਮਾ ਵੱਲੋਂ ਦੱਸਿਆ ਗਿਆ ਕਿ ਸਿੱਖਿਆ ਵਿਭਾਗ ਵੱਲੋਂ ਦਿੱਤੀਆਂ ਜਾ ਰਹੀਆਂ ਸਹੂਲਤਾਂ ਦਾ ਬੱਚੇ ਓਦੋਂ ਹੀ ਲਾਭ ਲੈ ਸਕਦੇ ਹਨ, ਜਦੋਂ ਉਹ ਸਰਕਾਰੀ ਸਕੂਲ ਵਿੱਚ ਦਾਖਲਾ ਲੈਂਦੇ ਹਨ। ਦਿਵਆਂਗ ਬੱਚੇ ਸਾਡੇ ਸਮਾਜ ਦਾ ਅਨਿੱਖੜਵਾਂ ਅੰਗ ਹਨ। ਸਰਕਾਰ ਅਤੇ ਸਿੱਖਿਆ ਵਿਭਾਗ ਵੱਲੋਂ ਇਹਨਾਂ ਬੱਚਿਆਂ ਦਾ ਜੀਵਨ ਪੱਧਰ ਉੱਚਾ ਚੁੱਕਣ ਲਈ ਅਤੇ ਸਕੂਲਾਂ ਵਿੱਚ ਦਿਵਆਂਗ ਬੱਚਿਆਂ ਦੀ ਪਹੁੰਚ ਲਈ ਬਹੁਤ ਉੱਤਮ ਉਪਰਾਲੇ ਕੀਤੇ ਜਾ ਰਹੇ ਹਨ।