Big Breaking: 27 Youtube ਚੈਨਲਾਂ 'ਤੇ ਲਗਾਈ ਪਾਬੰਦੀ
ਇਸਲਾਮਾਬਾਦ, 8 ਜੁਲਾਈ 2025- ਪਾਕਿਸਤਾਨ ਵਿੱਚ ਬੋਲਣ ਦੀ ਆਜ਼ਾਦੀ ਨੂੰ ਦਬਾਇਆ ਜਾ ਰਿਹਾ ਹੈ। ਪਾਕਿਸਤਾਨੀ ਸਰਕਾਰ ਅਤੇ ਫੌਜ 'ਤੇ ਸਵਾਲ ਉਠਾਉਣ ਵਾਲੇ 27 ਯੂਟਿਊਬ ਚੈਨਲਾਂ 'ਤੇ ਪਾਬੰਦੀ ਲਗਾਈ ਜਾ ਰਹੀ ਹੈ। ਇਸਲਾਮਾਬਾਦ ਦੇ ਮੈਜਿਸਟ੍ਰੇਟ ਅੱਬਾਸ ਸ਼ਾਹ ਨੇ ਇਸ ਲਈ ਸੰਘੀ ਜਾਂਚ ਏਜੰਸੀ (FIA) ਨੂੰ ਬੇਨਤੀ ਕੀਤੀ ਹੈ।
News24 ਦੀ ਰਿਪੋਰਟ ਮੁਤਾਬਿਕ, ਦੱਸਿਆ ਜਾ ਰਿਹਾ ਹੈ ਕਿ ਪਾਕਿਸਤਾਨੀ ਪੱਤਰਕਾਰਾਂ, ਸਿਆਸਤਦਾਨਾਂ ਅਤੇ ਕਾਰਕੁਨਾਂ ਦੇ 27 ਯੂਟਿਊਬ ਚੈਨਲ ਪਾਕਿਸਤਾਨੀ ਫੌਜ ਨੂੰ ਸਵਾਲ ਪੁੱਛ ਰਹੇ ਸਨ। ਦੋਸ਼ ਹੈ ਕਿ ਜ਼ਿਆਦਾਤਰ ਚੈਨਲ ਰਾਜ ਵਿਰੋਧੀ ਸਮੱਗਰੀ ਪ੍ਰਸਾਰਿਤ ਕਰ ਰਹੇ ਸਨ। ਇਨ੍ਹਾਂ ਚੈਨਲਾਂ ਵਿੱਚ ਕਈ ਪ੍ਰਮੁੱਖ ਪੱਤਰਕਾਰਾਂ, ਰਾਜਨੀਤਿਕ ਪਾਰਟੀਆਂ (ਜਿਵੇਂ ਕਿ PTI) ਅਤੇ ਸਮਾਜਿਕ ਕਾਰਕੁਨਾਂ ਦੇ ਚੈਨਲ ਸ਼ਾਮਲ ਹਨ। ਇਹ ਫੈਸਲਾ ਫੌਜ ਦੀ ਪਕੜ ਮਜ਼ਬੂਤ ਹੋਣ ਦਾ ਸੰਕੇਤ ਹੈ।