ਲੁਧਿਆਣਾ ਕ੍ਰਾਈਮ ਨਿਊਜ਼: ਪੜ੍ਹੋ ਅਪਰਾਧ ਦੀਆਂ ਵਾਰਦਾਤਾਂ 'ਚ ਫੜੇ ਗਏ ਦੋਸ਼ੀਆਂ ਦਾ ਪੂਰਾ ਵੇਰਵਾ
ਕਮਿਸ਼ਨਰੇਟ ਪੁਲਿਸ ਲੁਧਿਆਣਾ ਵੱਲੋਂ ਮੋਟਰਸਾਇਕਲ 2 ਚੋਰਾਂ ਨੂੰ ਕੀਤਾ ਕਾਬੂ
ਸੁਖਮਿੰਦਰ ਭੰਗੂ
ਲੁਧਿਆਣਾ 28 ਜੁਲਾਈ 2025- ਪੁਲਿਸ ਕਮਿਸ਼ਨਰ ਲੁਧਿਆਣਾ ਸਵਪਨ ਸ਼ਰਮਾ ਆਈ.ਪੀ.ਐੱਸ. ਦੇ ਦਿਸ਼ਾ-ਨਿਰਦੇਸ਼ ਹੇਠ ਕਮਿਸ਼ਨਰੇਟ ਪੁਲਿਸ ਲੁਧਿਆਣਾ ਵੱਲੋਂ ਚੋਰੀ ਦੀਆਂ ਵਾਰਦਾਤਾਂ ਨੂੰ ਅੰਜਾਮ ਦੇਣ ਵਾਲੇ ਦੋ ਦੋਸ਼ੀਆਂ ਨੂੰ ਕਾਬੂ ਕੀਤਾ ਹੈ। ਇਸ ਸਬੰਧੀ ਜਾਣਕਾਰੀ ਦਿੰਦਿਆਂ ਏ.ਡੀ.ਸੀ.ਪੀ. ਨੌਰਥ /ਦਵਿੰਦਰ ਕੁਮਾਰ PPS ਨੇ ਦੱਸਿਆ ਕਿ ਇੰਸਪੈਕਟਰ ਜਸਵੀਰ ਸਿੰਘ ਮੁੱਖ ਅਫਸਰ ਥਾਣਾ ਜੋਧੇਵਾਲ ਦੀ ਟੀਮ ਨੇ ਮਿਤੀ 18.07.2025 ਨੂੰ ਐਲ.ਕੇ. ਸਪੋਰਟ ਫੈਕਟਰੀ ਬਾਹਰੋਂ ਚੋਰੀ ਹੋਏ ਮੋਟਰਸਾਇਕਲ ਦੇ ਮਾਮਲੇ ਵਿੱਚ ਦੋਸ਼ੀ ਰਾਜਵੰਤ ਸਿੰਘ ਉਰਫ ਦੀਪੂ ਅਤੇ ਸੰਨੀ ਨੂੰ ਐਲਡੀਕੋ ਚੌਕੀ ਨੇੜੇ ਗ੍ਰਿਫਤਾਰ ਕਰਕੇ 2 ਚੋਰੀ ਸ਼ੁਦਾ ਮੋਟਰਸਾਈਕਲ ਬਰਾਮਦ ਕੀਤੇ। ਦੋਸ਼ੀਆਂ ਖਿਲਾਫ ਥਾਣਾ ਬਸਤੀ ਜੋਧੇਵਾਲ ਵਿਖੇ ਮੁਕੱਦਮਾ ਨੰ. 93 ਮਿਤੀ 23.07.25 ਅ/ਧ 303(2), 305 BNS ਤਹਿਤ ਦਰਜ ਕਰਕੇ 3 ਦਿਨਾਂ ਦਾ ਪੁਲਿਸ ਰਿਮਾਂਡ ਹਾਸਲ ਕਰ ਕੇ ਦੋਸ਼ੀਆਂ ਪਾਸੋਂ ਪੁੱਛਗਿੱਛ ਜਾਰੀ ਹੈ। ਦੋਵੇਂ ਦੋਸ਼ੀਆਂ ਦੇ ਖਿਲਾਫ ਪਹਿਲਾਂ ਤੋਂ ਵੀ ਵੱਖ-ਵੱਖ ਥਾਣਿਆਂ ਵਿੱਚ ਆਬਕਾਰੀ, ਐਨ.ਡੀ.ਪੀ.ਐੱਸ. ਅਤੇ ਚੋਰੀ ਦੇ ਕਈ ਗੰਭੀਰ ਮਾਮਲੇ ਦਰਜ ਹਨ।
-------
ਕਮਿਸ਼ਨਰੇਟ ਪੁਲਿਸ ਲੁਧਿਆਣਾ ਨੇ ਮੋਬਾਇਲ ਲੁੱਟ ਖੋਹ ਮਾਮਲੇ ਵਿੱਚ 3 ਦੋਸ਼ੀਆਂ ਨੂੰ ਕੀਤਾ ਗ੍ਰਿਫਤਾਰ
ਪੁਲਿਸ ਕਮਿਸ਼ਨਰ ਲੁਧਿਆਣਾ ਸਵਪਨ ਸ਼ਰਮਾ IPS ਦੇ ਦਿਸ਼ਾ-ਨਿਰਦੇਸ਼ਾਂ ਅਧੀਨ ਅਤੇ ਏ.ਡੀ.ਸੀ.ਪੀ -1/ ਸਮੀਰ ਵਰਮਾ PPS ਜੀ ਦੀ ਅਗਵਾਈ ਹੇਠ SHO ਇੰਸਪੈਕਟਰ ਗੁਰਜੀਤ ਸਿੰਘ ਅਤੇ ਹੋਲਦਾਰ ਸਾਹਿਲ ਕੁਮਾਰ ਦੀ ਅਗਵਾਈ ਹੇਠ ਪੁਲਿਸ ਟੀਮਾਂ ਨੇ ਥਾਣਾ ਡਵੀਜਨ ਨੰ. 02 ਲੁਧਿਆਣਾ ਵਿੱਚ ਮਿਤੀ 26.07.2025 ਨੂੰ ਨਿੱਕੀ ਪੁੱਤਰ ਸੁਭਾਸ਼ ਕੁਮਾਰ ਵਾਸੀ ਪ੍ਰੇਮ ਨਗਰ ਲੁਧਿਆਣਾ ਵੱਲੋਂ ਦਰਜ ਕਰਵਾਈ ਗਈ ਸ਼ਿਕਾਇਤ 'ਤੇ 03 ਅਣਪਛਾਤੇ ਮੋਟਰਸਾਈਕਲ ਸਵਾਰਾਂ ਵੱਲੋਂ ਚੀਮਾ ਚੌਂਕ ਪੁਲ ਨੇੜੇ ਦਾਤ ਲੋਹਾ ਵਿਖਾ ਕੇ ਮੋਬਾਇਲ, ਨਕਦੀ ਅਤੇ ਜਰੂਰੀ ਕਾਗਜ਼ਾਤ ਖੋਹਣ ਦੇ ਮਾਮਲੇ 'ਚ ਮੁਕਦਮਾ ਨੰਬਰ 94 ਮਿਤੀ 26.7.2025 BNS ਧਾਰਾਵਾਂ 304(2), 351(2), 3(5), 317(2) ਤਹਿਤ ਦਰਜ ਕਰਕੇ ਤਫਤੀਸ਼ ਸ਼ੁਰੂ ਕੀਤੀ ਗਈ।ਤਿੰਨ ਦੋਸ਼ੀਆਂ ਰੋਹਿਤ ਪੁੱਤਰ ਰਜਿੰਦਰ ਚੌਹਾਨ, ਅਨੀਸ਼ ਉਰਫ ਵੱਡਾ ਕਾਲੂ ਪੁੱਤਰ ਸੁਧੀਰ ਸਾਹਨੀ ਅਤੇ ਅਜਾਦ ਪੁੱਤਰ ਕੱਲੂ ਤਿੰਨੇ ਵਾਸੀ ਇਸਲਾਮ ਗੰਜ ਲੁਧਿਆਣਾ ਨੂੰ ਵੱਖ-ਵੱਖ ਥਾਵਾਂ ਤੋਂ ਗ੍ਰਿਫਤਾਰ ਕਰਕੇ ਉਨ੍ਹਾਂ ਪਾਸੋਂ ਕੁੱਲ 20 ਮੋਬਾਇਲ ਫੋਨ, 1 ਬਿਨਾਂ ਨੰਬਰੀ ਕਾਲੀ ਸਪਲੈਂਡਰ ਮੋਟਰਸਾਈਕਲ ਅਤੇ ਦਾਤ ਲੋਹਾ ਬਰਾਮਦ ਕੀਤੇ ਹਨ। ਦੋਸ਼ੀਆਂ ਪਾਸੋਂ ਪੁੱਛਗਿੱਛ ਜਾਰੀ ਹੈ ਤੇ ਹੋਰ ਅਹਿਮ ਸੁਰਾਗ ਮਿਲਣ ਦੀ ਉਮੀਦ ਹੈ। ਦੋਸ਼ੀਆਂ ਨੂੰ ਅਦਾਲਤ 'ਚ ਪੇਸ਼ ਕਰਕੇ ਪੁਲਿਸ ਰਿਮਾਂਡ ਲਿਆ ਜਾ ਰਿਹਾ ਹੈ।