ਮੈਂ ਤੇ ਓਹ ਜਦ ਇਕੱਠੇ ਤੁਰਦੇ ਤਾਂ ਜਿਵੇਂ ਇਹ ਧਰਤੀ ਠੰਡੀ ਸੀਤ ਹੋ ਜਾਂਦੀ ਸੀ,ਇਹ ਹਵਾ ਗਹਿਣਿਆਂ ਵਾਂਗ ਚਾਰੇ ਪਾਸੇ ਆਣ ਲਿਪਟ ਜਾਂਦੀ
ਸੀ,ਤੇ ਅਸਮਾਨ ਤਾਂ ਸਾਨੂੰ ਇਕੱਠਿਆ ਦੇਖ ਨਜ਼ਰ ਉਤਾਰਦਾ ਸੀ।ਮੇਰਾ
ਓਹਨੂੰ ਹੌਲੀ ਦਿਨੇ 'ਸੋਹਣੀ' ਕਹਿ ਦੇਣਾ,ਇਹ ਅੱਜਕਲ ਦੇ ਲੋਕਾ ਵਾਂਗ ਮਹਿੰਗੇ ਤੋਹਫੇ ਨਾਲੋ ਕਿੱਤੇ ਮਹਿੰਗਾ ਅਣਮੁੱਲਾ ਸੀ। ਓਹਨੂੰ ਨਦੀ ਵਰਗੀ ਨੂੰ
ਵਹਿੰਦੀ ਦੇਖ,ਮੈ ਕਿਨਾਰੇ ਵਰਗਾ ਜਾਣ ਬੁੱਝਕੇ ਖੁਰ ਜਾਂਦਾ ਸਾਂ ਕਿ ਇਕੱਲਿਆਂ
ਕੀ ਕਰਨਾ ਏਂ ਇੱਕ ਥਾਂ ਖਲੋਕੇ। ਓਹਦੇ ਨਾਲ ਹੀ ਵਗਦੇ ਵਹਾਓ ਵਿਚ ਵਿਹ ਜਾਵਾਂ।ਓਹਨੂੰ ਨਹੀ ਸੀ ਪਤਾ ਕਿ ਖੰਡ ਮਿੱਠੀ ਹੁੰਦੀ ਏ,ਓਹਨੂੰ ਨਹੀ ਸੀ
ਪਤਾ ਕਿ ਲੂਣ ਖਾਰਾ ਹੋਵੇਗਾ,ਓਹ ਤੇ ਪਤਾ ਨਹੀਂ ਕੀ ਕੁਝ ਖੋਰੀ ਬੈਠੀ
ਸੀ।ਕਦੇ- ਕਦੇ ਮੈਨੂੰ ਪੁੱਛਦੀ ਕਿ ਜੇਕਰ ਆਪਾਂ ਕਦੇ ਵੱਖ ਹੋਏ,ਤੂੰ ਫਿਰ ਵੀ ਮੇਰੀ ਉਡੀਕ ਕਰੇਂਗਾ ਜਾਂ ਲੰਘ ਜਾਵੇਗ? ਲੰਘੇ ਪਾਣੀ ਵਾਂਗ ਵਗਦੇ ਵਹਾਅ
'ਚ ਸਾਰੇ ਸੁਪਨੇ ਰੋੜ ਦੇਵੇਂਗਾ। ਮੇਰੇ ਹੱਥਾਂ ਨੂੰ ਛੁਹ ਕੇ ਜੋ ਪਹਿਲੇ ਦਿਨ ਆਖਦਾ ਸੀ ਕਿ ਮੇਰੇ ਹੱਥ ਅੱਜ ਸੁੱਚੇ ਹੋ ਗਏ, ਮੁੜ ਮੈਨੂੰ ਵੀ ਨਹੀਂ ਛੁਹਵੇਂਗਾ, ਜਾਂ ਫਿਰ ਇਹ ਸਭ ਮੇਰੇ ਵਹਿਮ ਨੇ? ਤੂੰ ਆਵੇਗਾ ਨਾ? ਭਲਾ ਏਦਾਂ ਵੀ ਕੋਈ ਵੱਖ ਹੋਇਆ ਏ? ਭਲਾ ਚੰਨ ਤੋਂ ਬਿਨਾਂ ਵੀ ਕਦੇ ਰਾਤ ਹੋਈ ਏ? ਹਾਂ, ਹੋ ਸਕਦਾ ਏ ਕਿ ਇਹ ਕਾਲੇ ਬੱਦਲ ਕੁਝ ਪਲ ਸਾਡੇ ਦੋਹਾਂ ਵਿਚਕਾਰ ਖਲੋ ਜਾਵਣ ਪਰ ਸਦਾ ਲਈ ਨਹੀਂ, ਸਦਾ ਲਈ ਕੌਣ ਖੋਹ ਸਕਦਾ ਤੈਨੂੰ ਮੇਰੇ ਤੋਂ, ਤੇ ਮੈਨੂੰ ਤੇਰੇ ਤੋਂ। ਭਲਾ ਪਾਣੀ ਵਿੱਚੋ ਪਾਣੀ ਕਦੇ ਕੱਢ ਹੋਇਆ ਏ,ਭਲਾ ਰੇਤੇ ਵਿੱਚੋਂ ਰੇਤਾ ਕਦੇ ਅੱਡ ਹੋਇਆ ਏ, ਭਲਾ ਦਿਲ ਨੂੰ ਸਾਹ ਬਿਨ ਰਾਹ ਆਇਆ ਏ ,ਤੂੰਐਵੇ ਨਾ ਸੋਚਿਆ ਕਰ,ਆਪਾ ਕਦੇ ਚਾਹ ਕੇ ਵੀ ਵੱਖ ਨਹੀਂ ਹੋ ਸਕਦੇ
ਤੇ ਉਂਜ ਤਾਂ ਫਿਰ ਹੋਣਾ ਹੀ ਕੀ ਏ।
"ਅੱਛਾ, ਫਿਰ ਅੱਖਾ ਬੰਦ ਕਰ",
"ਕਿਓ? ਹੁਣ ਕੀ ਹੋਇਆ ਤੈਨੂੰ?"
"ਕਰ ਨਾ ਬੰਦ ਅੱਖਾਂ।"
" ਓਕੇ, ਚੰਗਾ-- ਲੈ ਕਰ ਲਈਆਂ ਨੇ।"
"ਦੱਸ ਦਈਂ ਕਦੋਂ ਖੋਹਲਾ--- ਕਿਤੇ ਮੈ ਸੌਂ ਹੀ ਨਾ ਜਾਵਾ।"
"ਚੰਗਾ ਅੱਖਾਂ ਬੰਦ ਕਰ,
ਦੋ ਮਿੰਟ, ਪੰਜ ਮਿੰਟ ਅਠ ਮਿੰਟ---।"
"ਹਾਂ ਹੁਣ ਦੱਸ ਵੀ ਖੋਲ ਲਵਾਂ ਅੱਖਾ ਮੈ? ਬੋਲ ਵੀ,ਕਿੰਨਾ ਚਿਰ ਹੋ ਗਿਆ ਏ,ਨਾ ਕੁੱਝ ਬੋਲ ਰਹੀ ਆਂ ਤੇ ਨਾ ਕੁਝ ਹੋਰ,ਬੋਲ
ਚੰਗਾ--- ਮੈ ਖੋਲਣ ਲੱਗਾ ਆਂ ਅੱਖਾਂ।"
ਬਸ ਫਿਰ, ਓਹ ਆਖਰੀ ਵਾਰੀ ਜਾਂਦੀ ਦੇ ਦੀਦਾਰ ਹੋਏ ਨੇ,ਓਹ ਜੋ ਅੱਖਾ ਦੀ ਰੋਸ਼ਨੀ ਬਣ ਜਾਂਦੀ ਸੀ।ਜਾਂਦੀ ਵਾਰੀ ਆਪਣੇ ਹੱਥਾਂ ਨਾਲ ਅੱਖਾਂ ਉੱਤੇ ਹਨੇਰਾ ਕਰ ਗਈ। ਓਹਦੇ ਹੱਥ ਪੈਰ ਬੇਬਸ। ਚਿਹਰੇ ਉੱਤੇ ਖਾਮੋਸ਼ੀ ਸੀ, ਜੋ ਸਾਫ ਸਾਫ ਕਹਿ ਰਹੀ ਸੀ,ਹੁਣ ਮੈਨੂੰ ਨਾ ਰੋਕੀਂ,ਹੁਣ ਮੈਨੂੰ ਜਾਣ ਦੇ। ਓਹਦਾ ਜਾਂਦੀ ਦਾ ਮੁਖੜਾ ਮੇਰੇ ਵੱਲ ਹੋਣਾ,ਤੇ ਹੱਥਾ ਉੱਤੇ ਜ਼ੋਰ ਓਹਦੇ ਕਿਸੇ ਆਪਣੇ ਦਾ, ਸੱਚੀਂ ਓਹਨੂੰ ਖਿੱਚਕੇ ਦੂਰ ਲੈ ਜਾ ਰਿਹਾ ਸੀ। ਮੈ ਤੇ ਉੱਥੇ ਖੜਾ ਖੜਾ ਇਕ ਉਹ ਰੁੱਖ ਸਾਂ, ਜਿਸ ਉਤੇ ਬਹੁਤ ਬਹਾਰਾਂ ਆਈਆਂ, ਤੇ ਚਲੀਆਂ ਗਈਆਂ, ਪਰ ਓਹਦੇ ਜਿਹੀ ਠੰਡੀ ਹਵਾ ਦਾ ਬੁੱਲਾ ਕਦੀ ਨਾ ਆਇਆ ਤੇ ਨਾ ਆਉਣਾ ਏਂ।
-
ਨਵ ਸੰਧੂ (ਮੁਕਤਸਰ), ਲੇਖਕ
******
8360361879
Disclaimer : The opinions expressed within this article are the personal opinions of the writer/author. The facts and opinions appearing in the article do not reflect the views of Babushahi.com or Tirchhi Nazar Media. Babushahi.com or Tirchhi Nazar Media does not assume any responsibility or liability for the same.