ਕੁਦਰਤ ਦਾ ਪ੍ਰਕੋਪ
ਕੁਦਰਤ ਬਹੁਤ ਸ਼ਕਤੀਸ਼ਾਲੀ ਹੈ। ਇਸ ਦੀਆਂ ਸ਼ਕਤੀਆਂ ਅਨੰਤ ਅਤੇ ਹੈਰਾਨੀਜਨਕ ਹਨ। ਕਈ ਵਾਰ ਕੁਦਰਤ ਬਹੁਤ ਗੁੱਸੇ ਵਿੱਚ ਆ ਜਾਂਦੀ ਹੈ ਅਤੇ ਤਬਾਹੀ ਮਚਾ ਦਿੰਦੀ ਹੈ। ਹੜ੍ਹ, ਤੂਫਾਨ, ਭੁਚਾਲ ਵਰਗੀਆਂ ਆਫ਼ਤਾਂ ਇਸ ਦੀਆਂ ਉਦਾਹਰਣਾਂ ਹਨ। ਇਹ ਜਾਨ-ਮਾਲ ਦਾ ਨੁਕਸਾਨ ਕਰਦੀਆਂ ਹਨ ਅਤੇ ਲੋਕਾਂ ਦੇ ਜੀਵਨ ਨੂੰ ਪ੍ਰਭਾਵਿਤ ਕਰਦੀਆਂ ਹਨ। ਇਸ ਸਾਲ ਮੀਂਹ ਨੇ ਜਿਹੜੀ ਤਬਾਹੀ ਮਚਾਈ ਹੈ ਉਹ ਮਨੁੱਖ ਦੀ ਸਮਝ ਤੋਂ ਬਾਹਰ ਹੈ। ਕਦੇ ਕਦੇ ਲਗਦਾ ਹੈ ਕਿ ਕੁਦਰਤ ਧਰਤੀ ਤੇ ਸੰਤੁਲਨ ਬਣਾਈ ਰੱਖਣ ਲਈ ਇਹ ਸਭ ਕਰਦੀ ਹੈ। ਅਗਰ ਕੁਝ ਸਾਲ ਮੀਂਹ ਘੱਟ ਪੈਂਦਾ ਹੈ ਤਾਂ ਸੋਕਾ ਵਾਲੀ ਸਥਿਤੀ ਬਣ ਜਾਂਦੀ ਹੈ। ਫਿਰ ਇਕ ਸਾਲ ਜਿਆਦਾ ਮੀਂਹ ਪੈਣ ਕਾਰਨ ਹੜ੍ਹ ਆ ਜਾਂਦੇ ਹਨ। ਪਰ ਕੁਝ ਇਲਾਕੇ ਧਰਤੀ ਤੇ ਇਹੋ ਜਿਹੇ ਵੀ ਹਨ ਜਿੱਥੇ ਬਾਰਿਸ਼ ਨਾਂਮਾਤਰ ਹੁੰਦੀ ਹੈ ਅਤੇ ਕੁਝ ਇਹੋ ਜਿਹੇ ਵੀ ਹਨ ਜਿੱਥੇ ਬਹੁਤ ਜਿਆਦਾ ਮੀਂਹ ਪੈਂਦਾ ਹੈ। ਇਹ ਸਭ ਕੁਦਰਤ ਦੇ ਰੰਗ ਹਨ ਜਿਸ ਨੂੰ ਸਮਝ ਪਾਣਾ ਮੁਸ਼ਕਿਲ ਹੋ ਜਾਂਦਾ ਹੈ।
ਪਰ ਸੋਚਣ ਵਾਲੀ ਗੱਲ ਇਹ ਵੀ ਹੈ ਕਿ ਕਿਉਂ ਅਸੀਂ ਕੁਦਰਤ ਨਾਲ ਛੇੜ-ਛਾੜ ਕਰ ਰਹੇ ਹਾਂ? ਮਨੁੱਖੀ ਕਾਰਵਾਈਆਂ ਦੁਆਰਾ ਕੁਦਰਤ ਨੂੰ ਨੁਕਸਾਨ ਪਹੁੰਚ ਰਿਹਾ ਹੈ। ਰੁੱਖ ਕੱਟੇ ਜਾ ਰਹੇ ਹਨ, ਕੁਦਰਤੀ ਜੰਗਲ ਖਤਮ ਕੀਤੇ ਜਾ ਰਹੇ ਹਨ, ਪੀਣ ਯੋਗ ਪਾਣੀ ਗੰਦਾ ਹੋ ਰਿਹਾ ਹੈ, ਪ੍ਰਦੂਸ਼ਣ ਵਧ ਰਿਹਾ ਹੈ, ਅਤੇ ਜਲਵਾਯੂ ਬਦਲ ਰਿਹਾ ਹੈ। ਕੀ ਮਨੁੱਖ ਦਾ ਆਪਣੇ ਮਤਲਬ ਲਈ ਇਹ ਸਭ ਕਰਨਾ ਠੀਕ ਹੈ?
ਕੁਦਰਤ ਦਾ ਪ੍ਰਕੋਪ ਸਾਨੂੰ ਸਿਖਾਉਂਦਾ ਹੈ ਕਿ ਸਾਨੂੰ ਕੁਦਰਤ ਨਾਲ ਸਾਡਾ ਰਿਸ਼ਤਾ ਸੁਧਾਰਨ ਦੀ ਲੋੜ ਹੈ। ਸਾਨੂੰ ਕੁਦਰਤ ਦੀਆਂ ਸ਼ਕਤੀਆਂ ਦਾ ਸਤਿਕਾਰ ਕਰਨਾ ਚਾਹੀਦਾ ਹੈ। ਸਾਨੂੰ ਆਪਣੀਆਂ ਗਤੀਵਿਧੀਆਂ ਇਸ ਤਰੀਕੇ ਨਾਲ ਕਰਨੀਆਂ ਚਾਹੀਦੀਆਂ ਹਨ ਕਿ ਕੁਦਰਤ ਦਾ ਸੰਤੁਲਨ ਬਣਾਈ ਰੱਖਿਆ ਜਾਵੇ ਅਤੇ ਆਫ਼ਤਾਂ ਦੀ ਸੰਭਾਵਨਾ ਘੱਟ ਜਾਵੇ।
ਅੰਤ ਅਸੀਂ ਪਰਮਾਤਮਾ ਅੱਗੇ ਹੱਥ ਜੋੜ ਕੇ ਅਰਦਾਸ ਕਰਦੇ ਹਾਂ ਕਿ ਹੜ ਦੇ ਰੂਪ ਵਿੱਚ ਆਈ ਇਸ ਕੁਦਰਤੀ ਆਫਤ ਨੂੰ ਠੱਲ ਪਵੇ ਅਤੇ ਕਿਸੇ ਦਾ ਵੀ ਕੋਈ ਜਾਨੀ ਮਾਲੀ ਨੁਕਸਾਨ ਨਾ ਹੋਵੇ। ਹੜ ਦੇ ਕਾਰਨ ਮਨੁੱਖੀ ਜ਼ਿੰਦਗੀ ਵਿੱਚ ਜੋ ਉਥਲ ਪੁਥਲ ਆਈ ਹੈ। ਪਰਮਾਤਮਾ ਕਰੇ ਮਨੁੱਖੀ ਜੀਵਨ ਮੁੜ ਤੋਂ ਲੀਹ ਤੇ ਆ ਜਾਵੇ। ਵਾਹਿਗੁਰੂ ਜੀ ਸਭ ਦਾ ਭਲਾ ਕਰਨ।
ਪਵਨ ਕੁਮਾਰ ਅੱਤਰੀ
ਕੰਪਿਊਟਰ ਫੈਕਲਟੀ
ਮਮਦੋਟ
-
ਪਵਨ ਕੁਮਾਰ ਅੱਤਰੀ , ਕੰਪਿਊਟਰ ਫੈਕਲਟੀ
ashokbti34@gmail.com
Disclaimer : The opinions expressed within this article are the personal opinions of the writer/author. The facts and opinions appearing in the article do not reflect the views of Babushahi.com or Tirchhi Nazar Media. Babushahi.com or Tirchhi Nazar Media does not assume any responsibility or liability for the same.