ਜਗਰਾਉਂ ਵੱਲੋਂ ਤਿੰਨ ਤਸਕਰ ਕਾਬੂ
ਦੀਪਕ ਜੈਨ
ਜਗਰਾਉਂ , 19 ਮਈ 2025- ਪੁਲਿਸ ਜਿਲਾ ਲੁਧਿਆਣਾ ਦਿਹਾਤੀ ਦੇ ਐਸਐਸਪੀ ਡਾਕਟਰ ਅੰਕੁਰ ਗੁਪਤਾ ਵੱਲੋਂ ਚਲਾਈ ਗਈ ਨਸ਼ਿਆਂ ਵਿਰੁੱਧ ਮੁਹਿੰਮ ਯੁੱਧ ਨਸ਼ਿਆਂ ਵਿਰੁੱਧ ਦੇ ਤਹਿਤ ਅੱਜ ਲੁਧਿਆਣਾ ਦਿਹਾਤੀ ਪੁਲਿਸ ਨੂੰ ਇੱਕ ਵੱਡੀ ਸਫਲਤਾ ਪ੍ਰਾਪਤ ਹੋਈ ਹੈ। ਸੀਆਈਏ ਸਟਾਫ ਜਗਰਾਓ ਦੇ ਇੰਚਾਰਜ ਇੰਸਪੈਕਟਰ ਕਿੱਕਰ ਸਿੰਘ ਤੋ ਮਿਲੀ ਜਾਣਕਾਰੀ ਮੁਤਾਬਿਕ ਸਟਾਫ ਦੇ ਸਬ ਇੰਸਪੈਕਟਰ ਗੁਰਸੇਵਕ ਸਿੰਘ ਆਪਣੇ ਸਾਥੀ ਕਰਮਚਾਰੀਆਂ ਦੇ ਨਾਲ ਬਰਾਏ ਗਸਤ ਅਤੇ ਚੈਕਿੰਗ ਸ਼ੱਕੀ ਪੁਰਸ਼ਾਂ ਦੇ ਸੰਬੰਧ ਵਿੱਚ ਹਾਈ ਟੈਕ ਨਾਕਾ ਜਗਰਾਓ- ਮੋਗਾ ਦੀ ਹੱਦ ਮੇਨ ਜੀਟੀ ਰੋਡ ਗੁਰੂਸਰ ਵਾਲੇ ਮੋੜ ਤੇ ਮੌਜੂਦ ਸਨ ਤਾਂ ਉਹਨਾਂ ਨੂੰ ਮੁਖਬਰ ਖਾਸ ਨੇ ਇਤਲਾਹ ਦਿੱਤੀ ਕਿ ਅੰਮ੍ਰਿਤ ਪਾਲ ਸਿੰਘ ਉਰਫ ਅਭਿਜੋਤ ਪੁੱਤਰ ਰਾਜਵੰਤ ਸਿੰਘ ਵਾਸੀ ਗਿੱਲਪੱਤੀ ਚੂਹੜ ਚੱਕ, ਸਰਬਜੀਤ ਸਿੰਘ ਉਰਫ ਸਭਾ ਪੁੱਤਰ ਕੁਲਦੀਪ ਸਿੰਘ ਵਾਸੀ ਢੁੱਡੀਕੇ ਅਤੇ ਰਵਿੰਦਰ ਸਿੰਘ ਪੁੱਤਰ ਹਰਜੀਤ ਪਾਲ ਸਿੰਘ ਵਾਸੀ ਢੁੱਡੀਕੇ ਜਿਲਾ ਮੋਗਾ ਜੋ ਕਿ ਵੱਡੇ ਪੱਧਰ ਤੇ ਹੈਰੋਇਨ ਤਸਕਰੀ ਦਾ ਧੰਦਾ ਕਰਦੇ ਹਨ ਅਤੇ ਆਪਣੇ ਪਾਸ ਨਾਜਾਇਜ਼ ਅਸਲਾ ਵੀ ਰੱਖਦੇ ਹਨ। ਜੋ ਅੱਜ ਵੀ ਉਕਤ ਤੀਨੋ ਦੋਸ਼ੀ ਹੇਰੋਇਨ ਦੀ ਸਪਲਾਈ ਦੇਣ ਲਈ ਆਪਣੀ ਕਾਰ ਮਰੂਤੀ ਨੰਬਰ ਪੀਵੀ04 ਜੇ 3351 ਉੱਤੇ ਸਵਾਰ ਹੋ ਕੇ ਮੇਨ ਜੀਟੀ ਰੋਡ ਚੂਹੜ ਚੱਕ ਤੋਂ ਜਗਰਾਉਂ ਵੱਲ ਨੂੰ ਆ ਰਹੇ ਹਨ। ਜਿਸ ਤੇ ਪੁਲਿਸ ਪਾਰਟੀ ਵੱਲੋਂ ਹਾਈ ਟੇਕ ਨਾਕੇ ਉੱਪਰ ਤਿੰਨੇ ਦੋਸ਼ੀਆਂ ਨੂੰ, ਜੋ ਕਿ ਕਾਰ ਵਿੱਚ ਸਵਾਰ ਸਨ, ਰੋਕਿਆ ਗਿਆ ਅਤੇ ਜਦੋਂ ਉਹਨਾਂ ਦੀ ਤਲਾਸ਼ੀ ਲਿੱਤੀ ਗਈ ਤਾਂ ਉਹਨਾਂ ਪਾਸੋਂ 301 ਗ੍ਰਾਮ ਹਿਰੋਇਨ, ਇੱਕ ਇਲੈਕਟਰੋਨਿਕ ਕੰਡਾ ਛੋਟਾ, ਸਮੇਤ 30 ਖਾਲੀ ਲਿਫਾਫੀਆਂ ਛੋਟੀਆਂ, ਇੱਕ ਪਿਸਟਲ ਸਮੇਤ ਤਿੰਨ ਜਿੰਦਾ ਰੋਂਦ ਤੇ ਮੈਗਜੀਨ, ਇੱਕ ਵੱਖਰਾ ਖਾਲੀ ਮੈਗਜ਼ੀਨ 32 ਵਾਰ, ਸਮੇਤ ਗੱਡੀ ਮਾਰਕਾ ਮਰੂਤੀ ਉਕਤ ਨੰਬਰੀ ਰੰਗ ਚਿੱਟਾ ਸਮੇਤ ਕਾਬੂ ਕੀਤਾ ਗਿਆ ਹੈ। ਉਕਤ ਦੋਸ਼ੀਆਂ ਦੇ ਖਿਲਾਫ ਥਾਣਾ ਸਦਰ ਜਗਰਾਉਂ ਵਿਖੇ ਮਾਮਲਾ ਦਰਜ ਕਰਕੇ ਅਗਲੇਰੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਗਈ ਹੈ।