ਜੰਗ ਦੇ ਹਾਮੀਆਂ ਨੂੰ ….ਦੋ ਟੁੱਕ
ਆਓ ! ਇਨਸਾਨ ਬਣੀਏ
————————-
ਅਸੀ ਅੱਜ ਵੀ ਨਹੀਂ ਭੁੱਲੇ
ਬਾਠ ਪੈਂਠ ਤੇ ਘੱਤਰ ਨੂੰ
ਨਾਂ ਹੀ ਭੁੱਲੇ ਹਾਂ ਬਲੈਕ ਆਊਟ
ਤੇ ਕਾਲੀਆਂ ਰਾਤਾਂ ਨੂੰ
ਨਾਂ ਭੁੱਲੇ ਹਾਂ
ਬੌਡਰ ਉੱਤੇ ਟੈਂਕਾਂ ਚੋਂ ਨਿਕਲਦੇ
ਬਾਰੂਦ ਦੇ ਗੋਲਿਆਂ
ਤੇ ਹਿੱਕ ਚ ਖਾਦੀਆਂ ਗੋਲੀਆਂ ਨੂੰ
ਤੇ ਨਾ ਹੀ ਭੁੱਲੇ ਹਾਂ
ਮੁਬੰਈ,ਸੰਸਦ ਤੇ ਪੁਲਵਾਮਾ ਹਮਲੇ ਨੂੰ
ਪਰ ਸੱਚ ਤਾਂ ਇਹ ਹੈ ਕੇ
ਜੰਗ ਚ ਜਿੱਤ ਇੱਕ ਵਹਿਮ ਹੈ
ਅਸੀਂ ਜਿੱਤ ਕੇ ਵੀ ਹਾਰਦੇ ਹਾਂ
ਕਿਉਂਕਿ ਬਦਲੇ ਦੀ ਜੰਗ ਚ
ਅਸੀਂ ਫਿਰ ਗੁਆ ਬਹਿੰਦੇ ਹਾਂ
ਸੁਹਾਗਣਾ ਦੇ ਸੁਹਾਗ
ਮਾਂਵਾਂ ਦੇ ਪੁੱਤ ਤੇ ਭੈਣਾਂ ਦੇ ਭਰਾ
ਮੈਂ ਪੁੱਛਦਾਂ ਹਾਂ
ਕੀ ਨੇ ਸਰਹੱਦਾਂ
ਕਿਉਂ ਨੀ ਖੁੱਲ੍ਹਾ ਛੱਡਦੇ
ਅਸੀਂ ਕੁਦਰਤ ਦੀ ਕਾਇਨਾਤ ਨੂੰ
ਕਿਉਂ ਲਕੀਰ ਮਾਰ
ਸਰਹੱਦਾਂ ਚ ਕੈਦ ਕਰੀ ਬੈਠੇ ਹਾਂ
ਕੁਦਰਤ ਵੱਲੋਂ ਬਖ਼ਸ਼ੀ ਦਾਤ ਨੂੰ
ਜੰਗ ਚ ਹੁੰਦਾ ਹੈ
ਕੇਵਲ ਤੇ ਕੇਵਲ ਉਜਾੜਾ
ਉਹ ਭਾਂਵੇ ਜਾਨੀ ਜਾਂ ਮਾਲੀ ਹੋਵੇ
ਜਾਂ ਫਿਰ ਸੱਭਿਆਚਾਰ ਤੇ ਵਿਚਾਰਾਂ ਦਾ
ਧਰਮ,ਜਾਤ, ਕੌਮ
ਇਹ ਸਭ ਕੀ ਹੈ ?
ਕਿਉਂ ਲੜਦਾ ਹੈ
ਮਨੁੱਖ ਮਹਜ਼ਬ ਦੀ ਲੜਾਈ
ਜਿਸ ਚ ਮੁਨਫੀ ਪੱਲ੍ਹੇ ਪੈਂਦੀ ਹੈ
ਰੋਕੋ ਇਸ ਨੂੰ
ਰੱਬ ਦਾ ਵਾਸਤਾ !
ਜੰਗ ਨਹੀਂ ਹੈ
ਕਿਸੇ ਮਸਲੇ ਦਾ ਹੱਲ
ਖੁਦ ਹੀ ਦੱਸੋ ਤੁਸੀਂ
ਕੀ ਮਿਲਿਆ ਅਮਰੀਕਾ ਨੂੰ
ਹੀਰੋ ਸੀਮਾ ਤੇ ਨਾਗਾ ਸਾਕੀ’ ਚ
ਐਟਮ ਬੰਬਾਂ ਦੀ ਤਬਾਹੀ ਨਾਲ
ਲੱਖਾਂ ਲੋਕ ਜੰਗ ਚ ਮਰਵਾ ਕੇ
ਆਓ ! ਪੰਛੀਆਂ ਵਾਂਗ ਉਡਾਰੀ ਮਾਰੀਏ
ਨਾ ਕੋਈ ਸਰਹੱਦ ਹੋਵੇ
ਤੇ ਨਾਂ ਸਰਹੱਦਾਂ ਦਾ ਡਰ
ਆਓ!ਪਿਆਰ ਦੀਆਂ ਤੰਦਾਂ ਪਾ
ਇਨਸਾਨ ਬਣੀਏ
ਨਾ ਕੇ ਪਰਮਾਣੂ ਵੱਲ ਵਧ ਕੇ ਹੈਵਾਨ
ਆਓ !ਭੁੱਖ,ਗਰੀਬੀ
ਤੇ ਖੌਅ ਬਣੀਆਂ ਬਿਮਾਰੀਆਂ
ਖਿਲਾਫ ਜੰਗ ਵਿੱਢੀਏ
ਇਹੋ ਧਰਮ,ਕਰਮ ਤੇ
ਫਰਜ਼ ਹੈ ਮਨੁੱਖ ਦਾ
——-
ਲੈਕਚਰਾਰ ਅਜੀਤ ਖੰਨਾ
ਮੋਬਾਈਲ:76967-54669
-
ਲੈਕਚਰਾਰ ਅਜੀਤ ਖੰਨਾ , ਲੈਕਚਰਾਰ
khannaajitsingh@gmail.com
Disclaimer : The opinions expressed within this article are the personal opinions of the writer/author. The facts and opinions appearing in the article do not reflect the views of Babushahi.com or Tirchhi Nazar Media. Babushahi.com or Tirchhi Nazar Media does not assume any responsibility or liability for the same.