ਟਰੰਪ ਦਾ Big Beautiful Bill ਅਮਰੀਕੀ ਸੈਨੇਟ ਵਿੱਚ ਪਾਸ, ਕੀ ਹੈ ਇਸ ਬਿਲ ਵਿਚ ਖਾਸ ?
ਜੇਡੀ ਵੈਂਸ ਦੇ ਟਾਈਬ੍ਰੇਕਿੰਗ ਵੋਟ ਨਾਲ ਮਨਜ਼ੂਰ
ਵਾਸ਼ਿੰਗਟਨ: ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਦਾ ਮਹੱਤਵਾਕਾਂਖੀ 'ਵਨ ਬਿਗ ਬਿਊਟੀਫੁੱਲ ਬਿੱਲ' (One Big Beautiful Bill Act) ਅਮਰੀਕੀ ਸੈਨੇਟ ਵਿੱਚ ਪਾਸ ਹੋ ਗਿਆ ਹੈ। ਇਹ ਬਿੱਲ ਰਿਪਬਲਿਕਨ ਅਤੇ ਡੈਮੋਕ੍ਰੇਟ ਮੈਂਬਰਾਂ ਦੇ ਭਾਰੀ ਵਿਰੋਧ ਦੇ ਬਾਵਜੂਦ ਪਾਸ ਹੋਇਆ। ਸੈਨੇਟ ਵਿੱਚ ਬਿੱਲ ਦੇ ਹੱਕ ਅਤੇ ਵਿਰੋਧ ਵਿੱਚ 50-50 ਵੋਟਾਂ ਆਈਆਂ, ਜਿਸ ਤੋਂ ਬਾਅਦ ਉਪ ਰਾਸ਼ਟਰਪਤੀ ਜੇਡੀ ਵੈਂਸ ਨੇ ਟਾਈਬ੍ਰੇਕਿੰਗ ਵੋਟ ਪਾ ਕੇ ਇਸਨੂੰ ਮਨਜ਼ੂਰੀ ਦਿਵਾਈ।
ਕੌਣ ਸੀ ਵਿਰੋਧ 'ਚ?
ਬਿੱਲ ਦਾ ਵਿਰੋਧ ਕਰਨ ਵਾਲੇ ਤਿੰਨ ਰਿਪਬਲਿਕਨ ਸੈਨੇਟਰ—ਥੌਮ ਥਿਲਿਸ, ਸੁਜ਼ੈਨ ਕੋਲਿਨਜ਼ ਅਤੇ ਰੈਂਡ ਪਾਲ—ਸਨ। ਡੈਮੋਕ੍ਰੇਟ ਮੈਂਬਰਾਂ ਨੇ ਵੀ ਇਸਨੂੰ ਰੋਕਣ ਲਈ ਸੋਧ ਪੇਸ਼ ਕੀਤੇ, ਪਰ ਰਿਪਬਲਿਕਨ ਪੂਰੀ ਤਾਕਤ ਨਾਲ ਇਸਨੂੰ ਪਾਸ ਕਰਵਾਉਣ ਵਿੱਚ ਕਾਮਯਾਬ ਰਹੇ। ਸੋਮਵਾਰ ਦੇਰ ਰਾਤ ਤੱਕ ਸੈਸ਼ਨ ਚੱਲਦਾ ਰਿਹਾ ਅਤੇ ਹੰਗਾਮਾ ਵੀ ਹੋਇਆ।
ਬਿੱਲ ਵਿੱਚ ਕੀ ਹੈ?
ਇਹ 940 ਪੰਨਿਆਂ ਦਾ ਬਿੱਲ ਟਰੰਪ ਦੇ ਸਭ ਤੋਂ ਵੱਡੇ ਆਰਥਿਕ ਅਤੇ ਸਮਾਜਿਕ ਸੁਧਾਰਾਂ ਵਿੱਚੋਂ ਇੱਕ ਹੈ।
ਇਸ ਵਿੱਚ ਟੈਕਸ ਕਟੌਤੀਆਂ, ਸਰਕਾਰੀ ਖਰਚ ਘਟਾਉਣ, ਅਤੇ ਮੈਡੀਕੇਡ ਵਿੱਚ ਵੱਡੀਆਂ ਕਟੌਤੀਆਂ ਦੀ ਵਿਵਸਥਾ ਹੈ।
ਕਈ ਮੈਂਬਰਾਂ ਨੂੰ ਚਿੰਤਾ ਹੈ ਕਿ ਮੈਡੀਕੇਡ ਵਿੱਚ ਕਟੌਤੀਆਂ ਲੱਖਾਂ ਲੋਕਾਂ ਨੂੰ ਸਿਹਤ ਬੀਮੇ ਤੋਂ ਵਾਂਝਾ ਕਰ ਸਕਦੀਆਂ ਹਨ।
ਵਿੱਤੀ ਘਾਟਾ ਘਟਾਉਣ ਲਈ ਹੋਰ ਟੈਕਸ ਕਟੌਤੀਆਂ ਦੀ ਲੋੜ ਵੀ ਜਤਾਈ ਗਈ।
ਅਗਲਾ ਪੜਾਅ: ਹਾਊਸ ਆਫ਼ ਰਿਪ੍ਰਜ਼ੈਂਟੇਟਿਵਜ਼
ਹੁਣ ਇਹ ਬਿੱਲ ਹੇਠਲੇ ਸਦਨ (ਹਾਊਸ ਆਫ਼ ਰਿਪ੍ਰਜ਼ੈਂਟੇਟਿਵਜ਼) ਵਿੱਚ ਜਾਵੇਗਾ। ਰਿਪਬਲਿਕਨ ਚਾਹੁੰਦੇ ਹਨ ਕਿ ਇਹ ਬਿੱਲ ਰਾਸ਼ਟਰਪਤੀ ਟਰੰਪ ਦੀ ਛੁੱਟੀਆਂ ਦੀ ਆਖਰੀ ਮਿਤੀ, ਯਾਨੀ ਸ਼ੁੱਕਰਵਾਰ ਤੋਂ ਪਹਿਲਾਂ, ਪੂਰੀ ਤਰ੍ਹਾਂ ਮਨਜ਼ੂਰ ਹੋ ਜਾਵੇ। ਹਾਲਾਂਕਿ, ਹੇਠਲੇ ਸਦਨ ਵਿੱਚ ਵੀ ਵਿਰੋਧ ਦੀ ਸੰਭਾਵਨਾ ਹੈ।