Bathinda Police ਨੇ ਪਿੰਡ ਬੀੜ ਬਹਿਮਣ ਵਿਖੇ ਹੋਏ ਅੰਨ੍ਹੇ ਕਤਲ ਦੀ ਗੁੱਥੀ ਸੁਲਝਾਈ- ਦੋ ਗ੍ਰਿਫਤਾਰ
ਅਸ਼ੋਕ ਵਰਮਾ
ਬਠਿੰਡਾ, 17 ਅਗਸਤ 2025 : ਐਸਐਸਪੀ ਮੈਡਮ ਅਮਨੀਤ ਕੌਂਡਲ ਨੇ ਦੱਸਿਆ ਕਿ 14 ਅਗਸਤ 2025 ਨੂੰ ਕਰੀਬ 11 ਵਜੇ ਦੀਪੂ ਸਿੰਘ ਵਾਸੀ ਜੋਧਪੁਰ ਰੋਮਾਣਾ ਆਪਣੇ ਮੋਟਰਸਾਇਕਲ ਮਾਰਕਾ ਸਪਲੈਡਰ ਰੰਗ ਕਾਲਾ ਪਰ ਸਵਾਰ ਹੋ ਕੇ ਘਰੋ ਬਿਨਾ ਦੱਸੇ ਚੱਲਾ ਗਿਆ ਸੀ ਜਦ ਦੀਪੂ ਸਿੰਘ ਘਰ ਵਾਪਸ ਨਹੀ ਆਇਆ ਤਾ ਪਰਿਵਾਰਕ ਮੈਬਰਾਂ ਨੇ ਉਸਦੀ ਭਾਲ ਕਰਨੀ ਸ਼ੁਰੂ ਕੀਤੀ ਤਾਂ ਮਿਤੀ 15-08-2025 ਨੂੰ ਦੀਪੂ ਸਿੰਘ ਦੀ ਲਾਸ਼ ਤਲਾਬ ਨਹਿਰ ਦੇ ਖੱਬੇ ਪਾਸੇ ਖਤਾਨਾ ਵਿੱਚ ਮਿਲੀ ਸੀ ਪਰ ਦੀਪੂ ਸਿੰਘ ਦੇ ਵੱਡੇ ਭਰਾ ਮਹਿਕਦੀਪ ਸਿੰਘ ਦੇ ਬਿਆਨਾ ਆਧਾਰ ਤੇ ਮੁੱਕਦਮਾ ਨੰਬਰ 178 ਮਿਤੀ 15-08-2025 ਅ/ਧ 103, 238 ਬੀਐੱਨਐਸ ਥਾਣਾ ਸਦਰ ਬਠਿੰਡਾ ਬਰਖਿਲਾਫ ਨਾਮਾਲੂਮ ਵਿਅਕਤੀ/ਵਿਅਕਤੀਆ ਦਰਜ ਕੀਤਾ ਗਿਆ ਅਤੇ ਇਸ ਕਤਲ ਦੀ ਗੁੱਥੀ ਸੁਲਝਾਉ ਲਈ ਸੀ.ਆਈ.ਏ ਸਟਾਫ-1 ਬਠਿੰਡਾ ਅਤੇ ਥਾਣਾ ਸਦਰ ਬਠਿੰਡਾ ਦੀ ਟੀਮ ਬਣਾਈ ਗਈ ਸੀ।
ਇਸ ਮੌਕੇ ਹੋਰ ਜਾਣਕਾਰੀ ਦਿੰਦਿਆਂ ਐਸਐਸਪੀ ਅਮਨੀਤ ਕੌਡਲ ਨੇ ਦੱਸਿਆ ਕਿ ਸ਼੍ਰੀ ਜਸਮੀਤ ਸਿੰਘ ਸਾਹੀਵਾਲ ਐਸ.ਪੀ (ਡੀ) ਬਠਿੰਡਾ ਦੀ ਰਹਿਨੁਮਾਈ ਹੇਠ ਸ਼੍ਰੀ ਖੁਸ਼ਪ੍ਰੀਤ ਸਿੰਘ ਪੀ.ਪੀ.ਐਸ, ਡੀ.ਐਸ.ਪੀ (ਡੀ) ਬੀਠੰਡਾ, ਸ਼੍ਰੀ ਹਰਜੀਤ ਸਿੰਘ ਮਾਨ ਪੀ.ਪੀ.ਐਸ, ਡੀ.ਐਸ.ਪੀ (ਦਿਹਾਤੀ) ਬਠਿੰਡਾ ਦੀ ਅਗਵਾਈ ਵਿੱਚ ਸੀ.ਆਈ.ਏ ਸਟਾਫ-1 ਬਠਿੰਡਾ ਅਤੇ ਥਾਣਾ ਸਦਰ ਬਠਿੰਡਾ ਦੀ ਟੀਮ ਵੱਲੋ ਇਸ ਅੰਨੇ ਕਤਲ ਦੀ ਗੁੱਥੀ ਨੂੰ ਸੁਲਝਾਉਦੇ ਹੋਏ ਟੈਕਨੀਕਲ ਤਰੀਕਿਆਂ ਅਤੇ ਸੋਰਸਾਂ ਦੀ ਮਦਦ ਨਾਲ ਕਾਰਵਾਈ ਕਰਦਿਆ ਮਿਤੀ 16 ਅਗਸਤ 2025 ਨੂੰ ਦੀਪੂ ਸਿੰਘ ਦਾ ਕਤਲ ਕਰਨ ਵਾਲੇ ਗੁਰਦੀਪ ਸਿੰਘ ਪੁੱਤਰ ਕੱਕੂ ਸਿੰਘ ਵਾਸੀ ਗੁਰੁਸਰ ਸੈਣੇਵਾਲਾ, ਥਾਣਾ ਸੰਗਤ ਜਿਲਾ ਬਠਿੰਡਾ ਅਤੇ ਅਮੀਨ ਸ਼ਰਮਾ ਪੁੱਤਰ ਜਗਮੋਨ ਸ਼ਰਮਾ ਵਾਸੀ ਧੋਬੀਆਣਾ ਬਠਿੰਡਾ ਨੂੰ ਗ੍ਰਿਫਤਾਰ ਕੀਤਾ ਗਿਆ ਹੈ। ਮ੍ਰਿਤਕ ਦੀਪੂ ਸਿੰਘ ਦਾ ਮੋਟਰਸਾਇਕਲ ਬਰਾਮਦ ਕਰ ਲਿਆ ਗਿਆ ਹੈ। ਇਹਨਾਂ ਨੂੰ ਅੱਜ ਅਦਾਲਤ ਵਿੱਚ ਪੇਸ਼ ਕਰਕੇ ਪੁਲਿਸ ਰਿਮਾਡ ਹਾਸਲ ਕੀਤਾ ਜਾ ਰਿਹਾ ਹੈ।
ਉਹਨਾਂ ਦੌਰਾਨੇ ਪੁੱਛਗਿਛ ਇਹ ਗੱਲ ਸਾਹਮਣੇ ਆਈ ਹੈ ਕਿ ਦੀਪੂ ਸਿੰਘ 17 ਸਾਲ ਦਾ ਨਾਬਾਲਗ ਲੜਕਾ ਸੀ। ਗੁਰਦੀਪ ਸਿੰਘ ਤੇ ਦੀਪੂ ਸਿੰਘ ਦੀ ਮਾਤਾ ਸਰਬਜੀਤ ਕੌਰ ਦਾ ਰਿਲੇਸ਼ਨ ਵਿੱਚ ਕਰੀਬ 7-8 ਸਾਲ ਤੋ ਹੈ ਤੇ ਦੀਪੂ ਸਿੰਘ ਨੂੰ ਆਪਣੀ ਮਾਤਾ ਸਰਬਜੀਤ ਕੌਰ ਅਤੇ ਗੁਰਦੀਪ ਸਿੰਘ ਦੇ ਰਿਲੇਸ਼ਨ ਤੋ ਇਤਰਾਜ ਸੀ ਜੋ ਇਸੇ ਕਾਰਨ ਕਰਕੇ ਦੀਪੂ ਸਿੰਘ ਦਾ ਦੋਸ਼ੀ ਗੁਰਦੀਪ ਸਿੰਘ ਨਾਲ ਕਈ ਵਾਰ ਤੂੰ-ਤੂੰ ਮੈ-ਮੈ ਹੋਈ ਸੀ। ਜਿਸ ਕਰਕੇ ਗੁਰਦੀਪ ਸਿੰਘ ਨੇ ਆਪਣੇ ਰਸਤੇ ਵਿੱਚੋ ਦੀਪੂ ਸਿੰਘ ਨੂੰ ਹਟਾਉਣ ਲਈ ਆਪਣੇ ਦੋਸਤ ਅਮੀਨ ਸ਼ਰਮਾ ਨਾਲ ਮਿਲਕੇ ਦੀਪੂ ਸਿੰਘ ਨੂੰ ਵਰਗਲਾ ਕੇ ਮੋਟਰਸਾਇਕਲ ਖਰੀਦ ਕਰਨ ਦਾ ਬਹਾਨਾ ਬਣਾ ਕੇ ਦੀਪੂ ਸਿੰਘ ਨੂੰ ਸਰਹਿੰਦ ਨਹਿਰ ਬਾ ਹੱਦ ਪਿੰਡ ਬੀੜ ਬਹਿਮਣ ਦੀ ਪਟੱੜੀ ਪਰ ਲੈ ਗਏ ਤੇ ਇਹਨਾ ਦੋਨਾ ਨੇ ਦੀਪੂ ਸਿੰਘ ਦਾ ਗਲਾ ਕੁੱਟ ਕੇ ਕਤਲ ਕਰ ਦਿੱਤਾ ਤੇ ਲਾਸ਼ ਨੂੰ ਖੁਰਦ ਬੁਰਦ ਕਰਨ ਲਈ ਝਾੜੀਆ ਵਿੱਚ ਡੁੰਘੇ ਖਤਾਨਾ ਵਿੱਚ ਸੁੱਟ ਦਿੱਤਾ ਸੀ ।
ਗੁਰਦੀਪ ਸਿੰਘ ਉਸੇ ਦਿਨ ਦੀਪੂ ਸਿੰਘ ਦੀ ਮਾਤਾ ਸਰਬਜੀਤ ਕੌਰ ਨੂੰ ਨਾਲ ਲਿਜਾ ਕੇ ਦੀਪੂ ਸਿੰਘ ਦੀ ਗੁੰਮਸ਼ੁਦਗੀ ਬਾਰੇ ਥਾਣਾ ਸਦਰ ਬਠਿੰਡਾ ਪਾਸ ਦਰਖਾਸਤ ਦੇ ਦਿੱਤੀ ਹੈ ਤੇ ਆਪਣੇ ਵੱਲੋ ਕੀਤੇ ਇਸ ਅਪਰਾਧ ਨੂੰ ਛਪਾਉਣ ਲਈ ਖੁਦ ਹੀ ਨਹਿਰ ਦੀ ਪਟੜੀ ਪਰ ਦੀਪੂ ਸਿੰਘ ਦੇ ਰਿਸ਼ਤੇਦਾਰਾ ਨੂੰ ਨਾਲ ਲੈ ਕੇ ਦੀਪੂ ਸਿੰਘ ਦੀ ਭਾਲ ਕਰਦਾ ਰਿਹਾ।ਇਹ ਦੋਨੋ ਦੋਸ਼ੀ ਇਸ ਤੋ ਪਹਿਲਾ ਵੀ ਵੱਖ-ਵੱਖ ਮੁਕਦਮਿਆ ਵਿੱਚ ਸਿਰਸਾ ਅਤੇ ਬਠਿੰਡਾ ਜੇਲ੍ਹ ਵਿੱਚ ਰਹਿ ਚੁੱਕੇ ਹਨ ਜੋ ਬਹੁਤ ਹੀ ਤੇਜ ਅਪਰਾਧੀ ਹਨ।