ਕਤਲ ਮਾਮਲੇ ਵਿੱਚ ਲੁਧਿਆਣਾ ਪੁਲਿਸ ਦੀ ਤੇਜ਼ ਕਾਰਵਾਈ, 2 ਗ੍ਰਿਫਤਾਰ
ਸੁਖਮਿੰਦਰ ਭੰਗੂ
ਲੁਧਿਆਣਾ 10 ਦਸੰਬਰ 2025
ਕਮਿਸ਼ਨਰ ਪੁਲਿਸ ਲੁਧਿਆਣਾ ਸਵਪਨ ਸ਼ਰਮਾ ਆਈ.ਪੀ.ਐੱਸ ਅਤੇ ਰੁਪਿੰਦਰ ਸਿੰਘ ਆਈ.ਪੀ.ਐਸ/ਡਿਪਟੀ ਕਮਿਸ਼ਨਰ ਪੁਲਿਸ, ਸ਼ਹਿਰੀ, ਲੁਧਿਆਣਾ ਦੇ ਦਿਸ਼ਾ-ਨਿਰਦੇਸ਼ਾਂ ਅਨੁਸਾਰ ਅਮਨ ਕਾਨੂੰਨ ਦੀ ਵਿਵਸਥਾ ਨੂੰ ਬਰਕਰਾਰ ਰੱਖਦੇ ਹੋਏ ਅਰੁਣ ਸਾਹਨੀ ਕਤਲ ਮਾਮਲੇ ਵਿੱਚ ਕਮਿਸ਼ਨਰੇਟ ਪੁਲਿਸ ਲੁਧਿਆਣਾ ਵੱਲੋਂ ਤੇਜ਼ ਕਾਰਵਾਈ ਕਰਦਿਆਂ 2 ਦੋਸ਼ੀਆਂ ਨੂੰ ਗ੍ਰਿਫਤਾਰ ਕੀਤਾ ਅਤੇ ਬਾਕੀ ਦੋਸ਼ੀਆਂ ਦੀ ਗ੍ਰਿਫਤਾਰੀ ਲਈ ਛਾਪੇਮਾਰੀ ਜਾਰੀ ਹੈ।
ਜਿਸ ਸਬੰਧੀ ਜਾਣਕਾਰੀ ਦਿੰਦਿਆਂ ਹੋਇਆਂ ਸਮੀਰ ਵਰਮਾ ਪੀ.ਪੀ.ਐਸ/ ਵਧੀਕ ਡਿਪਟੀ ਕਮਿਸ਼ਨਰ ਪੁਲਿਸ-1 ਅਤੇ ਕਿੱਕਰ ਸਿੰਘ ਪੀ.ਪੀ.ਐੱਸ/ ਸਹਾਇਕ ਕਮਿਸ਼ਨਰ ਪੁਲਿਸ, ਉੱਤਰੀ, ਨੇ ਦੱਸਿਆ ਕਿ ਐਸ.ਆਈ. ਗੁਰਮੀਤ ਸਿੰਘ, ਮੁੱਖ ਅਫਸਰ ਥਾਣਾ ਦਰੇਸੀ ਨੂੰ ਮਿਤੀ 10/12/2025 ਵਰੁਣ ਸਾਹਨੀ ਪੁੱਤਰ ਸੁਭਾਸ਼ ਚੰਦ ਵਾਸੀ ਲੁਧਿਆਣਾ ਨੇ ਇਤਲਾਹ ਦਿੱਤੀ ਕਿ ਉਸਦਾ ਭਰਾ ਅਰੁਣ ਸਾਹਨੀ (ਉਮਰ ਕਰੀਬ 21 ਸਾਲ) ਜੋ ਪਿੰਡ ਕਨੇਜਾ ਵਿਖੇ ਪ੍ਰਿੰਟਿੰਗ ਪ੍ਰੈੱਸ ਵਿੱਚ ਕੰਮ ਕਰਦਾ ਸੀ, ਜਦੋਂ ਮੇਰਾ ਭਰਾ ਅਰੁਣ ਸਾਹਨੀ ਮਿਤੀ 09/12/2025 ਦੀ ਰਾਤ ਕੰਮ ਤੋਂ ਘਰ ਵਾਪਸ ਆਉਂਦੇ ਹੋਏ ਕਾਰਾਬਾਰਾ ਮਾਰਕੀਟ ਨੇੜੇ ਪਹੁੰਚਿਆ ਤਾਂ ਉਸ 'ਤੇ ਦੋਸ਼ੀ ਅਮਨ ਨੇ ਆਪਣੇ ਸਾਥੀ ਹੈਪੀ ਬਿੰਦ, ਮਨੋਜ ਪੁੱਤਰ ਚੰਦਰਭਾਨ, ਵਿਨੋਦ ਕੁਮਾਰ ਪੁੱਤਰ ਤਿਲਕ ਰਾਜ, ਅਨੀਸ਼ ਕੁਮਾਰ ਪੁੱਤਰ ਮਨੀ ਰਾਮ, ਸੰਨੀ ਉਰਫ ਸੋਨੀ ਪੁੱਤਰ ਕਿਸ਼ਨ, ਮੋਹਿਤ ਉਰਫ ਅਮਨ ਪੁੱਤਰ ਜੋਗਿੰਦਰ ਪਾਲ, ਅਨੁਜ ਕੁਮਾਰ ਪੁੱਤਰ ਵਿਨੋਦ ਪ੍ਰਸਾਦ, ਹੇਮੰਤ, ਗੋਬਿੰਦ ਉਰਫ ਝਟਕਾ ਅਤੇ ਹੋਰ 2-3 ਨਾ-ਮਾਲੂਮ ਲੜਕਿਆਂ ਨੇ ਦਾਤਰ, ਗੰਡਾਸੇ, ਖੰਡੇ, ਡੰਡਿਆਂ ਵਗੈਰਾ ਨਾਲ ਹਮਲਾ ਕੀਤਾ, ਜਿਸ ਨਾਲ ਉਹ ਗੰਭੀਰ ਜਖ਼ਮੀ ਹੋ ਗਿਆ ਅਤੇ ਬਾਅਦ ਵਿੱਚ ਕਾਰਾਬਾਰਾ ਦੀ ਗਲੀ ਵਿੱਚ ਬੇਹੋਸ਼ ਮਿਲਿਆ। ਸਿਵਲ ਹਸਪਤਾਲ ਲੁਧਿਆਣਾ ਲਿਜਾਣ 'ਤੇ ਡਾਕਟਰਾਂ ਨੇ ਉਸਨੂੰ ਮ੍ਰਿਤਕ ਘੋਸ਼ਿਤ ਕਰ ਦਿੱਤਾ। ਜਿਸ 'ਤੇ ਥਾਣਾ ਦਰੇਸੀ ਲੁਧਿਆਣਾ ਵੱਲੋਂ ਮ੍ਰਿਤਕ ਅਰੁਣ ਸਾਹਨੀ ਦੇ ਭਰਾ ਵਰੁਣ ਸਾਹਨੀ ਦੇ ਬਿਆਨ 'ਤੇ ਤੁਰੰਤ ਕਾਰਵਾਈ ਕਰਦਿਆਂ ਥਾਣਾ ਦਰੇਸੀ, ਲੁਧਿਆਣਾ ਵਿੱਚ ਮੁਕੱਦਮਾ ਨੰਬਰ 137 ਮਿਤੀ 10/12/2025 ਅ/ਧ 103/190/191(3)/61(2)/324(4) BNS ਤਹਿਤ ਦਰਜ ਕਰਕੇ ਮਿਤੀ 10.12.2025 ਨੂੰ ਹੀ ਦੋਸ਼ੀ ਹੈਪੀ ਬਿੰਦ, ਮਨੋਜ, ਵਿਨੋਦ, ਅਨੀਸ਼, ਸੰਨੀ, ਮੋਹਿਤ ਉਰਫ ਅਮਨ, ਅਨੁਜ ਕੁਮਾਰ ਨੂੰ ਗ੍ਰਿਫਤਾਰ ਕਰਕੇ ਬਾਕੀ ਦੋਸ਼ੀ ਹੇਮੰਤ, ਗੋਬਿੰਦ ਉਰਫ ਝਟਕਾ ਅਤੇ 2-3 ਨਾ-ਮਾਲੂਮ ਦੀ ਗ੍ਰਿਫਤਾਰੀ ਲਈ ਛਾਪੇਮਾਰੀ ਜਾਰੀ ਹੈ। ਦੋਸ਼ੀ ਮਨੋਜ 'ਤੇ ਪਹਿਲਾਂ ਇੱਕ ਚੋਰੀ ਦਾ ਥਾਣਾ ਦਰੇਸੀ ਲੁਧਿਆਣਾ ਵਿੱਚ ਮੁਕੱਦਮਾ ਦਰਜ ਹੈ।
Click to Follow Babushahi Facebook page →