ਮੋਹਾਲੀ : TDI ਇਨਫਰਾਟੈਕ ਦੇ ਦਫ਼ਤਰ 'ਤੇ ED ਦੀ ਦੇਰ ਰਾਤ ਤੱਕ ਛਾਪੇਮਾਰੀ
ਬਾਬੂਸ਼ਾਹੀ ਬਿਊਰੋ
ਮੋਹਾਲੀ, 29 ਸਤੰਬਰ, 2026: ਇਨਫੋਰਸਮੈਂਟ ਡਾਇਰੈਕਟੋਰੇਟ (ED) ਨੇ ਮੋਹਾਲੀ ਦੇ PR-6 ਸੜਕ ਪ੍ਰੋਜੈਕਟ ਲਈ ਐਕਵਾਇਰ ਕੀਤੀ ਜ਼ਮੀਨ ਦੇ ਮੁਆਵਜ਼ੇ ਵਿੱਚ ਹੋਈਆਂ ਕਥਿਤ ਬੇਨਿਯਮੀਆਂ ਦੇ ਸਬੰਧ ਵਿੱਚ ਵੱਡੀ ਕਾਰਵਾਈ ਕਰਦਿਆਂ ਰੀਅਲ ਅਸਟੇਟ ਡਿਵੈਲਪਰ TDI ਇਨਫਰਾਟੈਕ ਲਿਮਟਿਡ ਦੇ ਦਫ਼ਤਰ 'ਤੇ ਛਾਪਾ ਮਾਰਿਆ। ਈਡੀ ਦੀ 15 ਮੈਂਬਰਾਂ ਦੀ ਟੀਮ ਸਵੇਰੇ ਫਰਮ ਦੇ ਸੈਕਟਰ 119 ਸਥਿਤ ਦਫ਼ਤਰ ਪਹੁੰਚੀ ਸੀ, ਜਿੱਥੇ ਦੇਰ ਰਾਤ ਤੱਕ ਬਾਰੀਕੀ ਨਾਲ ਤਲਾਸ਼ੀ ਅਭਿਆਨ ਅਤੇ ਜਾਂਚ ਜਾਰੀ ਰਹੀ।
ਇਹ ਮਾਮਲਾ ਮੋਹਾਲੀ ਵਿੱਚ ਏਅਰਪੋਰਟ ਰੋਡ 'ਤੇ ਸੈਕਟਰ 117 ਨੂੰ ਬਨੂੜ-ਲਾਂਡਰਾਂ ਸੜਕ ਨਾਲ ਜੋੜਨ ਵਾਲੀ ਯੋਜਨਾਬੱਧ 200 ਫੁੱਟ ਚੌੜੀ ਮੁੱਖ PR-6 ਸੜਕ ਨਾਲ ਜੁੜਿਆ ਹੋਇਆ ਹੈ। ਈਡੀ ਵੱਲੋਂ ਜ਼ਮੀਨ ਐਕਵਾਇਰ ਪ੍ਰਕਿਰਿਆ ਸ਼ੁਰੂ ਹੋਣ ਤੋਂ ਬਾਅਦ ਰਿਸ਼ਤੇਦਾਰਾਂ ਨੂੰ ਜ਼ਮੀਨ ਟ੍ਰਾਂਸਫਰ ਕਰਕੇ ਲਗਭਗ 6 ਕਰੋੜ ਰੁਪਏ ਦੇ ਕਥਿਤ ਵਾਧੂ ਭੁਗਤਾਨ ਵਸੂਲਣ ਦੇ ਦੋਸ਼ਾਂ ਦੀ ਜਾਂਚ ਕੀਤੀ ਜਾ ਰਹੀ ਹੈ। ਇਸ ਤੋਂ ਇਲਾਵਾ ਜਾਂਚ ਏਜੰਸੀ ਇਸ ਮਾਮਲੇ ਨੂੰ ਭੂਮੀ ਵਰਤੋਂ ਵਿੱਚ ਬਦਲਾਅ (CLU) ਵਿੱਚ ਹੋਈਆਂ ਸੰਭਾਵਿਤ ਗੜਬੜੀਆਂ ਦੇ ਕੋਣ ਤੋਂ ਵੀ ਦੇਖ ਰਹੀ ਹੈ।
- Download Babushahi App
-
-
