ਚੋਣ ਪ੍ਰਚਾਰ ਦਾ ਆਖਰੀ ਦਿਨ: ਗੁਰਦਰਸ਼ਨ ਸਿੰਘ ਸੈਣੀ ਦੀ ਅਪੀਲ—ਭਾਜਪਾ ਨੂੰ ਮਜ਼ਬੂਤ ਕਰੋ, ਇਲਾਕੇ ਦੀ ਭਲਾਈ ਲਈ ਕੇਂਦਰੀ ਸਕੀਮਾਂ ਘਰ-ਘਰ ਪਹੁੰਚਾਵਾਂਗੇ
ਲਾਲੜੂ12 ਦਸੰਬਰ 2025
ਬਲਾਕ ਸੰਮਤੀ ਚੋਣਾਂ ਦੇ ਆਖਰੀ ਦਿਨ ਭਾਜਪਾ ਵੱਲੋਂ ਚੋਣ ਪ੍ਰਚਾਰ ਕੀਤਾ ਗਿਆ। ਜਵਾਹਰਪੁਰ ਜੋਨ ਤੋਂ ਭਾਜਪਾ ਉਮੀਦਵਾਰ ਰੇਖਾ ਰਾਣੀ ਦੇ ਹੱਕ ਵਿੱਚ ਅੱਜ ਭਾਜਪਾ ਦੇ ਸੀਨੀਅਰ ਆਗੂ ਅਤੇ ਸਮਾਜ ਸੇਵੀ ਗੁਰਦਰਸ਼ਨ ਸਿੰਘ ਸੈਣੀ, ਭਾਜਪਾ ਸਕੱਤਰ ਪਰਮਿੰਦਰ ਬਰਾੜ, ਐਸਐਮਐਸ ਸੰਧੂ, ਸੁਸ਼ੀਲ ਰਾਣਾ ਸਮੇਤ ਕਈ ਵਰਕਰ ਪਿੰਡ ਤੋਗਾਂਪੁਰ ਵਿੱਚ ਪਹੁੰਚੇ।
ਪਿੰਡ ਵਾਸੀਆਂ ਵੱਲੋਂ ਆਗੂਆਂ ਦਾ ਹੁਮ-ਹੁਮਾ ਸਵਾਗਤ ਕੀਤਾ ਗਿਆ। ਇਸ ਮੌਕੇ ਲਗਭਗ 50 ਤੋਂ ਵੱਧ ਨੌਜਵਾਨਾਂ ਅਤੇ ਬਜ਼ੁਰਗਾਂ ਨੇ ਖੁੱਲ੍ਹੇ ਤੌਰ 'ਤੇ ਭਾਜਪਾ ਦਾ ਸਮਰਥਨ ਐਲਾਨਿਆ।
ਤੋਗਾਂਪੁਰ ਤੋਂ ਪ੍ਰਚਾਰ ਕਾਫਲਾ ਲਾਲੜੂ ਇਲਾਕੇ ਦੇ ਵੱਖ -ਵੱਖ ਪਿੰਡਾਂ ਵੱਲ ਵਧਿਆ। ਟਿਵਾਣਾ ਪਿੰਡ ਵਿੱਚ ਵੀ ਚੋਣ ਪ੍ਰਚਾਰ ਦੌਰਾਨ ਲਗਭਗ 25 ਪਰਿਵਾਰ ਭਾਜਪਾ ਨਾਲ ਜੁੜੇ ਅਤੇ ਉਮੀਦਵਾਰ ਦੇ ਹੱਕ ਵਿੱਚ ਵੋਟ ਪਾਉਣ ਦਾ ਭਰੋਸਾ ਦਿੱਤਾ।
ਰਾਮਗੜ੍ਹ ਰੁੜਕੀ ਵਿੱਚ ਭਾਵੁਕ ਹੋਏ ਗੁਰਦਰਸ਼ਨ ਸਿੰਘ ਸੈਣੀ — “ਮੇਰੇ ਪਿਤਾ ਨੇ ਲੋਕ ਭਲਾਈ ਲਈ ਜੋ ਰਸਤਾ ਦੱਸਿਆ, ਮੈਂ ਉਸੇ ਨੂੰ ਅੱਗੇ ਵਧਾਵਾਂਗਾ”
ਚੋਣ ਪ੍ਰਚਾਰ ਦੌਰਾਨ ਕਾਫਲਾ ਪਿੰਡ ਰਾਮਗੜ੍ਹ ਰੁੜਕੀ ਪਹੁੰਚਿਆ। ਇਹ ਸੈਣੀ ਲਈ ਵਿਸ਼ੇਸ਼ ਮੌਕਾ ਸੀ ਕਿਉਂਕਿ ਉਹ ਇਸ ਪਿੰਡ ਵਿੱਚ ਪਹਿਲੀ ਵਾਰ ਪਹੁੰਚੇ। ਮੰਦਰ ਦਰਸ਼ਨ ਕਰਦੇ ਹੋਏ ਉਹ ਭਾਵੁਕ ਹੋਏ ਅਤੇ ਯਾਦ ਕਰਦੇ ਹੋਏ ਕਿਹਾ ਕਿ ਇਸੇ ਥਾਂ 45 ਸਾਲ ਪਹਿਲਾਂ ਉਨ੍ਹਾਂ ਦੇ ਪਿਤਾਜੀ ਨੇ ਮੰਦਰ ਦਾ ਨੀਹ ਪੱਥਰ ਰੱਖਿਆ ਸੀ।
ਸੈਣੀ ਨੇ ਕਿਹਾ—
“ਮੇਰੇ ਪਿਤਾ ਜੀ ਨੇ ਸਾਡੀ ਨਹੀਂ ਸਗੋਂ ਪੂਰੇ ਇਲਾਕੇ ਦੀ ਭਲਾਈ ਲਈ ਸਮਰਪਿਤ ਜੀਵਨ ਬਿਤਾਇਆ। ਧਾਰਮਿਕ ਸਥਾਨਾਂ ਦੀ ਸੇਵਾ ਹੋਵੇ ਜਾਂ ਸਿਹਤ ਤੇ ਲੋਕ-ਸੇਵਾ ਨਾਲ ਜੁੜੇ ਕੰਮ—ਉਹ ਹਮੇਸ਼ਾ ਲੋਕਾਂ ਲਈ ਖੜੇ ਰਹੇ। ਮੈਂ ਇਲਾਕੇ ਦੇ ਹਰ ਨਿਵਾਸੀ ਨੂੰ ਭਰੋਸਾ ਦਿੰਦਾ ਹਾਂ ਕਿ ਮੈਂ ਵੀ ਉਹਨਾਂ ਦੇ ਦਿਖਾਏ ਰਸਤੇ 'ਤੇ ਤੁਰਦਾ ਰਹਾਂਗਾ।”
ਉਨ੍ਹਾਂ ਨੇ ਲੋਕਾਂ ਨੂੰ ਅਪੀਲ ਕੀਤੀ ਕਿ ਉਹ ਭਾਜਪਾ ਦਾ ਸਮਰਥਨ ਕਰਨ ਤਾਂ ਜੋ ਸੈਂਟਰ ਸਰਕਾਰ ਦੀਆਂ ਲੋਕ-ਭਲਾਈ ਸਕੀਮਾਂ ਦਾ ਲਾਭ ਬਿਨਾ ਰੁਕਾਵਟ ਸਿੱਧਾ ਲੋਕਾਂ ਤੱਕ ਪਹੁੰਚਾਇਆ ਜਾ ਸਕੇ।
ਇਸ ਮੌਕੇ ਤੇ ਭਾਜਪਾ ਜ਼ਿਲਾ ਸੈਕਟਰੀ ਰਵਿੰਦਰ ਰਾਣਾ, ਰਾਜਪਾਲ ਰਾਣਾ, ਮੰਡਲ ਪ੍ਰਧਾਨ ਬਿੱਟੂ, ਮੰਡਲ ਪ੍ਰਧਾਨ ਬਾਂਸਲ , ਜ਼ਿਲਾ ਵਾਈਸ ਪ੍ਰਧਾਨ ਅਨੁਜ ਅਗਰਵਾਲ , ਪ੍ਰਦੀਪ ਸ਼ਰਮਾ,ਗੁਲਜਾਰ ਟਿਵਾਣਾ, ਦਿਆਲ ਸੈਣੀ, ਗੁਰਦੀਪ ਸਿੰਘ , ਮਨਿੰਦਰ ਸਿੰਘ , ਜੋਗਾ, ਕਾਲਾ ਬਸੌਲੀ, ਦਵਿੰਦਰ ਧਨੌਨੀ ਹਾਜ਼ਰ ਰਹੇ