ਚਿੰਟੂ ਪਾਰਕ ਦੇ ਟਿਊਬਵੈੱਲ ’ਤੇ ਸਿਆਸੀ ਜੰਗ, ਸਿਹਰੇ ਨੂੰ ਲੈ ਕੇ AAP-ਭਾਜਪਾ-ਕਾਂਗਰਸ ਆਹਮੋ-ਸਾਹਮਣੇ
ਬਰਨਾਲਾ ’ਚ ਟਿਊਬਵੈੱਲ ਬਣਿਆ ਸਿਆਸੀ ਮੁੱਦਾ, ਕੇਂਦਰ ਜਾਂ ਪੰਜਾਬ ਸਰਕਾਰ—ਕਿਸਦਾ ਸਿਹਰਾ?
ਚਿੰਟੂ ਪਾਰਕ ਟਿਊਬਵੈੱਲ ’ਤੇ ਤਿੰਨ ਧਿਰਾਂ ਦੇ ਦਾਅਵੇ, ਸੱਚ ਕੀ ਹੈ?
ਟਿਊਬਵੈੱਲ ਦੇ ਸਿਹਰੇ ’ਤੇ ਘਮਸਾਨ, ਬਰਨਾਲਾ ਦੀ ਸਿਆਸਤ ਫਿਰ ਗਰਮਾਈ
AMRUT 2.0 ਟਿਊਬਵੈੱਲ ਨੂੰ ਲੈ ਕੇ ਸਿਆਸੀ ਟਕਰਾਅ, ਕੇਂਦਰ ਤੇ ਪੰਜਾਬ ਸਰਕਾਰ ਵਿਚਾਲੇ ਸਿਹਰੇ ਦੀ ਹੋੜ
ਚਿੰਟੂ ਪਾਰਕ ਦੇ ਟਿਊਬਵੈੱਲ ’ਤੇ ਸਿਆਸੀ ਜੰਗ! ਸਿਹਰਾ ਕੇਂਦਰ ਦਾ ਜਾਂ ਪੰਜਾਬ ਸਰਕਾਰ ਦਾ?
ਐਂਕਰ:
ਬਰਨਾਲਾ ਦੇ ਚਿੰਟੂ ਪਾਰਕ ਵਿੱਚ ਲਗਾਏ ਜਾ ਰਹੇ ਨਵੇਂ ਟਿਊਬਵੈੱਲ ਨੂੰ ਲੈ ਕੇ ਸਿਆਸੀ ਘਮਸਾਨ ਤੇਜ਼ ਹੋ ਗਿਆ ਹੈ। ਆਮ ਆਦਮੀ ਪਾਰਟੀ, ਭਾਜਪਾ ਅਤੇ ਕਾਂਗਰਸ ਇਸ ਪ੍ਰਾਜੈਕਟ ਦਾ ਸਿਹਰਾ ਆਪਣੇ ਸਿਰ ਬੰਨ੍ਹਣ ਲਈ ਆਹਮਣੇ-ਸਾਹਮਣੇ ਹਨ।
ਨਗਰ ਨਿਗਮ ਦੇ ਮੇਅਰ ਹਸਨਪ੍ਰੀਤ ਭਾਰਦਵਾਜ ਦਾ ਕਹਿਣਾ ਹੈ ਕਿ ਇਹ ਟਿਊਬਵੈੱਲ ਪੰਜਾਬ ਸਰਕਾਰ ਦੇ ਯਤਨਾਂ ਸਦਕਾ ਲਗਾਇਆ ਜਾ ਰਿਹਾ ਹੈ ਅਤੇ ਵਿਰੋਧੀ ਪਾਰਟੀਆਂ ਲੋਕਾਂ ਨੂੰ ਗੁੰਮਰਾਹ ਕਰ ਰਹੀਆਂ ਹਨ। ਉਨ੍ਹਾਂ ਕਿਹਾ ਕਿ ਵਿਕਾਸ ਕਾਰਜਾਂ ਦਾ ਸਾਰਾ ਸਿਹਰਾ ਕੇਵਲ ਕੇਂਦਰ ਸਰਕਾਰ ਨੂੰ ਨਹੀਂ ਦਿੱਤਾ ਜਾ ਸਕਦਾ।
ਦੂਜੇ ਪਾਸੇ ਭਾਜਪਾ ਆਗੂ ਨਰਿੰਦਰ ਗਰਗ ਨੀਟਾ ਨੇ ਮੇਅਰ ਦੇ ਦਾਅਵੇ ਨੂੰ ਰੱਦ ਕਰਦਿਆਂ ਕਿਹਾ ਕਿ ਇਹ ਪ੍ਰਾਜੈਕਟ ਕੇਂਦਰ ਸਰਕਾਰ ਦੀ AMRUT 2.0 ਸਕੀਮ ਤਹਿਤ ਮਨਜ਼ੂਰ ਹੋਇਆ ਸੀ ਅਤੇ ਚਿੰਟੂ ਪਾਰਕ ਦਾ ਟਿਊਬਵੈੱਲ ਉਸੇ ਪ੍ਰਾਜੈਕਟ ਦਾ ਹਿੱਸਾ ਹੈ।
ਉੱਧਰ ਕਾਂਗਰਸ ਦੇ ਸੀਨੀਅਰ ਆਗੂ ਮੱਖਣ ਸ਼ਰਮਾ ਨੇ ਵੀ ਆਮ ਆਦਮੀ ਪਾਰਟੀ ’ਤੇ ਨਿਸ਼ਾਨਾ ਸਾਧਦੀਆਂ ਕਿਹਾ ਕਿ ਜੇਕਰ ਪੰਜਾਬ ਸਰਕਾਰ ਇਹ ਸਾਬਤ ਕਰ ਦਵੇ ਕਿ ਟਿਊਬਵੈੱਲ ਉਸ ਨੇ ਮਨਜ਼ੂਰ ਕਰਵਾਇਆ ਹੈ ਤਾਂ ਉਹ ਰਾਜਨੀਤੀ ਛੱਡਣ ਲਈ ਵੀ ਤਿਆਰ ਹਨ। ਉਨ੍ਹਾਂ ਦਾਅਵਾ ਕੀਤਾ ਕਿ ਇਹ ਪ੍ਰਾਜੈਕਟ ਸਾਲ 2021 ਵਿੱਚ ਹੀ ਕੇਂਦਰ ਸਰਕਾਰ ਦੀ AMRUT 2.0 ਸਕੀਮ ਅਧੀਨ ਮਨਜ਼ੂਰ ਹੋ ਗਿਆ ਸੀ।
ਇਸ ਸਿਆਸੀ ਵਿਵਾਦ ਵਿਚਾਲੇ ਸੀਵਰੇਜ ਬੋਰਡ ਦੇ ਐਸਡੀਓ ਮਨਜੀਤ ਸਿੰਘ ਨੇ ਸਥਿਤੀ ਸਪੱਸ਼ਟ ਕਰਦਿਆਂ ਦੱਸਿਆ ਕਿ ਚਿੰਟੂ ਪਾਰਕ ਦਾ ਟਿਊਬਵੈੱਲ AMRUT 2.0 ਸਕੀਮ ਤਹਿਤ ਲਗਾਇਆ ਜਾ ਰਿਹਾ ਹੈ। ਉਨ੍ਹਾਂ ਮੁਤਾਬਕ ਇਹ ਕੇਂਦਰ ਸਰਕਾਰ ਦੀ ਸਕੀਮ ਹੈ, ਪਰ ਇਸ ਵਿੱਚ ਕੇਂਦਰ ਅਤੇ ਪੰਜਾਬ ਸਰਕਾਰ ਦੋਵੇਂ ਮਿਲ ਕੇ ਫੰਡ ਜਾਰੀ ਕਰਦੀਆਂ ਹਨ।
ਫਿਲਹਾਲ ਸਿਆਸੀ ਬਿਆਨਬਾਜ਼ੀ ਜਾਰੀ ਹੈ, ਪਰ ਬਰਨਾਲਾ ਦੇ ਲੋਕਾਂ ਦੀ ਸਭ ਤੋਂ ਵੱਡੀ ਉਮੀਦ ਇਹੀ ਹੈ ਕਿ ਟਿਊਬਵੈੱਲ ਜਲਦੀ ਚਾਲੂ ਹੋਵੇ ਅਤੇ ਪੀਣ ਵਾਲੇ ਪਾਣੀ ਦੀ ਲੰਬੇ ਸਮੇਂ ਤੋਂ ਚੱਲ ਰਹੀ ਸਮੱਸਿਆ ਦਾ ਹੱਲ ਹੋਵੇ।
- Download Babushahi App
-
-
