ਭਾਜਪਾ ਵਰਕਰਾਂ ਵੱਲੋਂ ਡਾ. ਅਵਿਨਾਸ਼ ਰਾਏ ਖੰਨਾ ਦੇ ਪ੍ਰੇਰਣਾਦਾਇਕ ਸੇਵਾ, ਸਮਰਪਣ ਤੇ ਰਾਸ਼ਟ੍ਰ ਨਿਰਮਾਣ ਦੇ ਯਾਤਰਾ ਨੂੰ ਸਿਜਦਾ ਹੈ: ਸੁੱਖਮਿੰਦਰਪਾਲ ਸਿੰਘ ਗਰੇਵਾਲ ਭੂਖੜੀ ਕਲਾਂ
ਚੰਡੀਗੜ੍ਹ, 26 ਅਕਤੂਬਰ 2025: ਰਾਸ਼ਟਰੀ ਭਾਜਪਾ ਆਗੂ ਸੁੱਖਮਿੰਦਰਪਾਲ ਸਿੰਘ ਗਰੇਵਾਲ ਭੂਖੜੀ ਕਲਾਂ ਨੇ ਭਾਰਤੀ ਜਨਤਾ ਪਾਰਟੀ ਦੇ ਸੀਨੀਅਰ ਆਗੂ ਅਤੇ ਪ੍ਰਸਿੱਧ ਸਮਾਜ ਸੇਵੀ ਡਾ. ਅਵਿਨਾਸ਼ ਰਾਏ ਖੰਨਾ ਦੇ ਜੀਵਨ, ਸਿਧਾਂਤਾਂ ਅਤੇ ਸੇਵਾ ਪ੍ਰਤੀ ਆਪਣੇ ਦਿੱਲੋਂ ਪ੍ਰਸ਼ੰਸਾ ਕੀਤੀ। ਉਨ੍ਹਾਂ ਕਿਹਾ ਕਿ ਭਾਜਪਾ ਵਰਕਰਾਂ ਵੱਲੋਂ ਡਾ. ਅਵਿਨਾਸ਼ ਰਾਏ ਖੰਨਾ ਜੀ ਦੇ ਪ੍ਰੇਰਣਾਦਾਇਕ ਸੇਵਾ, ਸਮਰਪਣ ਤੇ ਰਾਸ਼ਟ੍ਰ ਨਿਰਮਾਣ ਦੇ ਯਾਤਰਾ ਨੂੰ ਸਿਜਦਾ ਕਰਦੇ ਹਨ।
ਗਰੇਵਾਲ ਨੇ ਕਿਹਾ ਕਿ ਉਨ੍ਹਾਂ ਨੂੰ ਵੀ ਇਹ ਸਨਮਾਨ ਪ੍ਰਾਪਤ ਹੋਇਆ ਕਿ ਉਹ “ਪ੍ਰੇਰਣਾਦਾਇਕ ਸਾਖਾਤਕਾਰ – ਇੱਕ ਸਫ਼ਰ” ਪੁਸਤਕ ਦੇ ਘੁੰਡ ਚੁਕਾਈ ਸਮਾਰੋਹ ਵਿੱਚ ਸ਼ਾਮਲ ਹੋਏ, ਜੋ ਪੰਜਾਬ ਰਾਜ ਭਵਨ, ਚੰਡੀਗੜ੍ਹ ਵਿੱਚ ਆਯੋਜਿਤ ਕੀਤਾ ਗਿਆ ਸੀ। ਇਸ ਸਮਾਰੋਹ ਦੀ ਸ਼ੋਭਾ ਪੰਜਾਬ ਦੇ ਰਾਜਪਾਲ ਗੁਲਾਬ ਚੰਦ ਕਟਾਰੀਆ ਨੇ ਵਧਾਈ, ਜੋ ਕਿ ਇਤਿਹਾਸ ਦਾ ਸੁਨਹਿਰੀ ਪਲ ਵਜੋਂ ਦਰਜ ਹੋਵੇਗਾ।
ਉਨ੍ਹਾਂ ਕਿਹਾ ਕਿ ਇਹ ਪ੍ਰੇਰਣਾਦਾਇਕ ਪੁਸਤਕ ਡਾ. ਅਵਿਨਾਸ਼ ਰਾਏ ਖੰਨਾ ਦੇ ਜੀਵਨ ਅਤੇ ਵਿਚਾਰਾਂ ‘ਤੇ ਆਧਾਰਿਤ ਹੈ, ਜੋ ਉਨ੍ਹਾਂ ਦੀ ਨਿਃਸਵਾਰਥ ਲੋਕ ਸੇਵਾ, ਅਟੱਲ ਸਮਰਪਣ ਤੇ ਉੱਚ ਮਨੁੱਖੀ ਮੁੱਲਾਂ ਦੀ ਸੁੰਦਰ ਤਸਵੀਰ ਪੇਸ਼ ਕਰਦੀ ਹੈ। ਇਹ ਉਹ ਆਦਰਸ਼ ਦਰਸਾਉਂਦੀ ਹੈ ਜਿਨ੍ਹਾਂ ਨੇ ਡਾ. ਖੰਨਾ ਨੂੰ ਦੇਸ਼ ਤੇ ਭਾਰਤੀ ਜਨਤਾ ਪਾਰਟੀ ਦੀ ਨਿਸ਼ਕਾਮ ਸੇਵਾ ਦੇ ਰਸਤੇ ‘ਤੇ ਦਹਾਕਿਆਂ ਤੱਕ ਪ੍ਰੇਰਿਤ ਕੀਤਾ।
ਗਰੇਵਾਲ ਨੇ ਕਿਹਾ ਕਿ ਡਾ. ਖੰਨਾ ਜੀ ਦਾ ਜੀਵਨ ਨਿਮਰਤਾ, ਦਇਆ ਤੇ ਇਮਾਨਦਾਰੀ ਦਾ ਪ੍ਰਤੀਕ ਹੈ, ਜਿਨ੍ਹਾਂ ਦੀ ਪ੍ਰੇਰਣਾ ਨਾਲ ਦੇਸ਼ ਭਰ ਦੇ ਅਣਗਿਣਤ ਕਾਰਕੁਨ ਸੇਵਾ ਦੇ ਰਾਹ ‘ਤੇ ਤੁਰੇ ਹਨ। ਉਨ੍ਹਾਂ ਦੀ ਸਾਦਗੀ, ਨੇਤ੍ਰਿਤਵ ਅਤੇ ਅੰਦਰੂਨੀ ਸ਼ਕਤੀ ਭਾਜਪਾ ਪਰਿਵਾਰ ਲਈ ਸਦਾ ਪ੍ਰੇਰਣਾਦਾਇਕ ਰਹੀ ਹੈ।
ਉਨ੍ਹਾਂ ਹੋਰ ਕਿਹਾ ਕਿ “ਪ੍ਰੇਰਣਾਦਾਇਕ ਸਾਖਾਤਕਾਰ – ਇੱਕ ਸਫ਼ਰ” ਕੇਵਲ ਜੀਵਨੀ ਨਹੀਂ, ਸਗੋਂ ਉਸ ਵਿਅਕਤੀ ਦੀ ਆਤਮਕ ਤਸਵੀਰ ਹੈ ਜਿਸ ਨੇ ਹਰ ਪਲ ਸਮਾਜ ਸੇਵਾ ਅਤੇ ਮਨੁੱਖਤਾ ਦੇ ਉੱਥਾਨ ਲਈ ਸਮਰਪਿਤ ਕੀਤਾ। ਇਹ ਪੁਸਤਕ ਸੱਚਾਈ, ਫਰਜ ਤੇ ਦੇਸ਼ ਭਗਤੀ ‘ਤੇ ਵਿਸ਼ਵਾਸ ਰੱਖਣ ਵਾਲੇ ਹਰ ਵਿਅਕਤੀ ਲਈ ਪ੍ਰੇਰਣਾਦਾਇਕ ਦੀਵਾ ਹੈ।
ਗਰੇਵਾਲ ਨੇ ਪੁਸਤਕ ਦੀ ਲੇਖਿਕਾ ਡਾ. ਜਯੋਤੀ ਜੀ ਦੀ ਰੱਜਕੇ ਹਿਰਦੇ ਤੋਂ ਪ੍ਰਸ਼ੰਸਾ ਕੀਤੀ, ਜਿਨ੍ਹਾਂ ਨੇ ਡਾ. ਖੰਨਾ ਜੀ ਦੇ ਜੀਵਨ, ਵਿਚਾਰਾਂ ਅਤੇ ਯੋਗਦਾਨਾਂ ਨੂੰ ਬੜੀ ਸੰਵੇਦਨਸ਼ੀਲਤਾ ਤੇ ਸੁੰਦਰਤਾ ਨਾਲ ਦਰਸਾਇਆ ਹੈ। ਉਨ੍ਹਾਂ ਕਿਹਾ ਕਿ ਇਹ ਰਚਨਾ ਡਾ. ਖੰਨਾ ਦੇ ਅੰਦਰਲੇ ਜਜ਼ਬਾਤਾਂ, ਤਿਆਗ ਅਤੇ ਮਜ਼ਬੂਤ ਆਤਮਿਕ ਸ਼ਕਤੀ ਦੀ ਗਹਿਰਾਈ ਨੂੰ ਪ੍ਰਗਟ ਕਰਦੀ ਹੈ।
ਉਨ੍ਹਾਂ ਦੱਸਿਆ ਕਿ ਪੰਜਾਬ ਰਾਜ ਭਵਨ ਵਿੱਚ ਆਯੋਜਿਤ ਇਹ ਸਮਾਰੋਹ ਭਾਵਨਾ, ਆਦਰ ਤੇ ਪ੍ਰੇਰਣਾ ਨਾਲ ਭਰਪੂਰ ਸੀ, ਜਿੱਥੇ ਆਗੂਆਂ, ਬੁੱਧੀਜੀਵੀਆਂ ਅਤੇ ਸ਼ਰਧਾਲੂਆਂ ਨੇ ਇੱਕ ਅਜਿਹੇ ਜੀਵਨ ਦਾ ਜਸ਼ਨ ਮਨਾਇਆ ਜੋ ਦੇਸ਼ ਦੇ ਸਭ ਤੋਂ ਉੱਚ ਆਦਰਸ਼ਾਂ ਲਈ ਸਮਰਪਿਤ ਰਿਹਾ।
ਗਰੇਵਾਲ ਨੇ ਕਿਹਾ, “ਮੈਂ ਸਭ ਮਾਨਯੋਗ ਮਹਿਮਾਨਾਂ ਦਾ ਤਹਿ ਦਿਲੋਂ ਧੰਨਵਾਦ ਕਰਦਾ ਹਾਂ ਜਿਨ੍ਹਾਂ ਨੇ ਇਸ ਸਮਾਰੋਹ ਵਿੱਚ ਸ਼ਿਰਕਤ ਕੀਤੀ। ਇਹ ਕੇਵਲ ਇੱਕ ਸਾਹਿਤਕ ਸਮਾਰੋਹ ਨਹੀਂ ਸੀ, ਸਗੋਂ ਮੁੱਲਾਂ, ਸਮਰਪਣ ਤੇ ਸ਼ੁੱਧ ਨਿਸ਼ਠਾ ਦਾ ਉਤਸਵ ਸੀ, ਜੋ ਭਾਰਤੀ ਜਨਤਾ ਪਾਰਟੀ ਦੀ ਆਤਮਾ ਅਤੇ ਰਾਸ਼ਟਰੀ ਚੇਤਨਾ ਨੂੰ ਦਰਸਾਉਂਦਾ ਹੈ।”
ਗਰੇਵਾਲ ਨੇ ਕਿਹਾ ਕਿ ਡਾ. ਅਵਿਨਾਸ਼ ਰਾਏ ਖੰਨਾ ਦਾ ਜੀਵਨ ਸਾਡੇ ਸਭ ਲਈ ਪ੍ਰੇਰਣਾ ਦਾ ਸਰੋਤ ਹੈ, ਜੋ ਸਾਨੂੰ ਸਿਖਾਉਂਦਾ ਹੈ ਕਿ ਸੱਚਾ ਨੇਤ੍ਰਿਤਵ ਸੇਵਾ, ਨਿਮਰਤਾ ਅਤੇ ਦੇਸ਼ ਪ੍ਰਤੀ ਅਟੱਲ ਵਿਸ਼ਵਾਸ ਵਿੱਚ ਵਸਦਾ ਹੈ। ਉਨ੍ਹਾਂ ਦੀ ਜੀਵਨ ਯਾਤਰਾ ਭਵਿੱਖ ਦੀਆਂ ਪੀੜ੍ਹੀਆਂ ਨੂੰ ਪ੍ਰੇਰਿਤ ਕਰਦੀ ਰਹੇਗੀ ਕਿ ਉਹ ਸਮਾਜ ਦੀ ਭਲਾਈ ਅਤੇ ਦੇਸ਼ ਦੀ ਤਰੱਕੀ ਲਈ ਨਿਸ਼ਕਾਮ ਭਾਵਨਾ ਨਾਲ ਆਪਣਾ ਜੀਵਨ ਸਮਰਪਿਤ ਕਰਨ।