ਸੜਕ ਦੁਰਘਟਨਾਵਾਂ ਵਿਰੁੱਧ ਜਾਗਰੂਕਤਾ ਵਿਸ਼ੇ ਤੇ ਸੈਮੀਨਾਰ
ਪ੍ਰਮੋਦ ਭਾਰਤੀ
ਸ਼੍ਰੀ ਅਨੰਦਪੁਰ ਸਾਹਿਬ , 20 ਸਤੰਬਰ,2025
ਅੱਜ ਸਰਕਾਰੀ ਕਾਲਜ ਮਹੈਣ, ਸ਼੍ਰੀ ਅਨੰਦਪੁਰ ਸਾਹਿਬ ਵਿਖੇ ਪ੍ਰਿੰਸੀਪਲ ਵਿਨੀਤਾ ਅਨੰਦ ਦੀ ਅਗਵਾਈ ਵਿਚ ਸੜਕ ਦੁਰਘਟਨਾਵਾਂ ਵਿਰੁੱਧ ਜਾਗਰੂਕਤਾ , ਅੱਜ ਦੇ ਸਮੇਂ ਦੀ ਮੌਲਿਕ ਲੋੜ ਦੇ ਵਿਸ਼ੇ ਉੱਤੇ ਸੈਮੀਨਾਰ ਦਾ ਆਯੋਜਨ ਕੀਤਾ ਗਿਆ। ਪ੍ਰੋ: ਵਿਪਨ ਕੁਮਾਰ ਨੇ ਜਾਣਕਾਰੀ ਦਿੰਦੇ ਹੋਏ ਦੱਸਿਆ ਕਿ ਇਸ ਸੈਮੀਨਾਰ ਵਿ ਚ ਪਹਿਲੇ ਸਥਾਨ ਤੇ ਆਉਣ ਵਾਲੇ ਬੀ. ਏ ਭਾਗ ਤੀਜਾ ਦੇ ਅਮਨਦੀਪ ਸਿੰਘ ਅਤੇ ਬੀ. ਏ ਭਾਗ ਦੂਜਾ ਦੇ ਜਸਕਰਨ ਸਿੰਘ ਨੇ ਕਿਹਾ ਕਿ ਸੜਕ ਆਵਾਜਾਈ ਅਤੇ ਰਾਸ਼ਟਰੀ ਰਾਜਮਾਰਗ ਮੰਤਰਾਲੀਆ ਦੀ ਰਿਪਰੋਟ ਅਨੁਸਾਰ ਦੇਸ਼ ਭਰ ਵਿਚ ਪ੍ਰਤੀ ਦਿਨ ਲਾਪਰਵਾਹੀ ਕਾਰਨ 1272 ਸੜਕ ਦੁਰਘਟਨਾਵਾਂ ਵਾਪਰ ਰਹੀਆ ਹਨ ਅਤੇ ਇਹਨਾਂ ਕਾਰਨ ਹਰ ਚਾਰ ਮਿੰਟ ਵਿਚ ਇਕ ਮੌਤ ਹੋ ਜਾਂਦੀ ਹੈ। ਡਰਾਈਵਿੰਗ ਦੌਰਾਨ ਮੋਬਾਇਲ ਫੋਨ ਦੀ ਵਰਤੋਂ ਕਾਰਨ ਦੇਸ਼ ਭਰ ਵਿਚ ਪ੍ਰਤੀ ਸਾਲ 17 ਹਜਾਰ ਤੋਂ ਵੱਧ ਅਤੇ ਲਾਲ ਬੱਤੀ ਦੀ ਉਲੰਘਣਾ ਕਾਰਨ 10 ਹਜਾਰ ਤੋਂ ਵੱਧ ਸੜਕ ਦੁਰਘਟਨਾਵਾਂ ਹੋ ਰਹੀਆਂ ਹਨ। ਦੂਜੇ ਸਥਾਨ ਤੇ ਆਉਣ ਵਾਲੀ ਬੀ ਏ ਭਾਗ ਪਹਿਲਾਂ ਦੀ ਜਸਨਪ੍ਰੀਤ ਕੌਰ ਅਤੇ ਬੀ .ਏ ਭਾਗ ਦੂਜਾ ਦੀ ਸ਼ਿਖਾ ਰਾਨੀ ਨੇ ਕਿਹਾ ਕਿ ਰਾਸ਼ਟਰੀ ਅਪਰਾਧ ਰਿਕਾਰਡ ਬਿਊਰੋ ਅਨੁਸਾਰ ਦੇਸ਼ ਭਰ ਵਿਚ 66 ਫੀਸ਼ਦੀ ਸੜਕ ਹਾਦਸੀਆਂ ਦਾ ਕਾਰਨ ਓਵਰਸਪੀਡ ਹੈ ਅਤੇ ਸੜਕ ਹਾਦਸੀਆਂ ਵਿਚ ਹਰ ਸਾਲ 1 ਲੱਖ ਲੋਕਾਂ ਦੀ ਮੌਤ ਦਾ ਕਾਰਨ ਡਰਾਈਵਿੰਗ ਦੌਰਾਨ ਸਰਾਬ ਦਾ ਸੇਵਨ ਕੀਤਾ ਹੋਣਾ ਹੁੰਦਾ ਹੈ। ਦੇਸ਼ ਭਰ ਵਿਚ ਪ੍ਰਤੀ ਸਾਲ ਸੜਕ ਹਾਦਸੀਆ ਵਿਚ ਹੋਣ ਵਾਲੀਆਂ ਕੁੱਲ ਮੌਤਾਂ ਵਿਚ ਹੇਲਮਟ ਨਾ ਪਹਿਨਣ ਵਾਲੇ ਦੋ ਪਈਆ ਵਾਹਨ ਚਾਲਕਾਂ ਦੀ ਮੌਤ ਦਾ 53.9 ਫੀਸ਼ਦੀ ਹਿੱਸਾ ਹੈ। ਤੀਜੇ ਨੰਬਰ ਤੇ ਆਉਣ ਵਾਲੀ ਬੀ.ਏ ਭਾਗ ਤੀਜਾ ਦੀ ਨਾਜੀਆ ਅਤੇ ਮਨਪ੍ਰੀਤ ਕੌਰ ਨੇ ਕਿਹਾ ਕਿ ਦੇਸ਼ ਭਰ ਵਿਚ ਸੰਨ 2017 ਵਿਚ 4 ਲੱਖ, 64 ਹਜਾਰ, 910, ਸੰਨ 2018 ਵਿੱਚ 4 ਲੱਖ 67 ਹਜਾਰ, 44, ਸੰਨ 2019 ਵਿਚ 4 ਲੱਖ, 37 ਹਜਾਰ, 396, ਸੰਨ 2020 ਵਿਚ 3 ਲੱਖ, 68 ਹਜਾਰ, 828 ਅਤੇ ਸੰਨ 2021 ਵਿਚ 4 ਲੱਖ, 3 ਹਜਾਰ, 116 ਸੜਕ ਹਾਦਸੇ ਹੋਏ ਹਨ ਅਤੇ ਇਹਨਾਂ ਪੰਜ ਸਾਲਾਂ ਦੇ ਸੜਕ ਹਾਦਸੀਆਂ ਵਿਚ ਲਗਭਗ 7 ਲੱਖ 50 ਹਜਾਰ ਲੋਕਾਂ ਦੀ ਕੀਮਤੀ ਜਾਨ ਗਈ ਹੈ। ਦੇਸ਼ ਭਰ ਵਿੱਚ ਪ੍ਰਤੀ ਸਾਲ ਸੜਕ ਦੁਰਘਟਨਾਵਾਂ ਕਾਰਨ ਲਗਭਗ 1 ਲੱਖ 50 ਹਜਾਰ ਲੋਕਾਂ ਦੀ ਕੀਮਤੀ ਜਾਨ ਜਾਂਦੀ ਹੈ ਅਤੇ ਲਗਭਗ 4 ਲੱਖ 50 ਹਜਾਰ ਲੋਕ ਜਖਮੀ ਹੋ ਜਾਂਦੇ ਹਨ। ਦੇਸ਼ ਭਰ ਵਿੱਚ ਸੜਕ ਹਾਦਸੀਆਂ ਕਾਰਨ ਹੋਣ ਵਾਲੀਆਂ ਮੌਤਾਂ ਦਾ ਅੰਕੜਾਂ ਵਿਸ਼ਵ ਦੇ ਸਾਰੇ ਦੇਸ਼ਾਂ ਤੋਂ ਜਿਆਦਾ ਹੈ। ਉਹਨਾਂ ਨੇ ਕਿਹਾ ਕਿ ਇੰਨ੍ਹੇ ਜਿਆਦਾ ਲੋਕਾਂ ਦੀ ਮੌਤ ਤਾਂ ਵਿਸ਼ਵ ਯੁੱਧਾਂ ਵਿੱਚ ਵੀ ਨਹੀਂ ਹੋਈ। ਇਹਨਾਂ ਮੌਤਾਂ ਕਾਰਨ ਦੇਸ਼ ਭਰ ਵਿਚ ਪ੍ਰਤੀ ਸਾਲ 39 ਅਰਬ ਡਾਲਰ ਦਾ ਨੁਕਸਾਨ ਹੋ ਜਾਂਦਾ ਹੈ ਜੋ ਦੇਸ਼ ਦੇ ਕੁੱਲ ਘਰੇਲੂ ਉਤਪਾਦਨ ਦਾ 5 ਤੋਂ 7 ਫੀਸ਼ਦੀ ਬਣਦਾ ਹੈ। ਉਹਨਾਂ ਨੇ ਕਿਹਾ ਕਿ ਟਰੈਫਿਕ ਨਿਯਮਾਂ ਦੀ ਕਠੋਰਤਾ ਨਾਲ ਪਾਲਣਾ ਕਰਕੇ ਅਤੇ ਡਰਾਈਵਿੰਗ ਦੌਰਾਨ ਸਾਵਧਾਨੀ ਵਰਤ ਕੇ ਸੜਕ ਹਾਦਸੀਆਂ ਤੋਂ ਬਚੀਆ ਜਾ ਸਕਦਾ ਹੈ। ਇਸ ਮੌਕੇ ਡਾਕਟਰ ਦਿਲਰਾਜ ਕੌਰ , ਪ੍ਰੋ: ਬੋਬੀ , ਪ੍ਰੋ: ਅਮਿਤ ਕੁਮਾਰ ਯਾਦਵ ਅਤੇ ਪ੍ਰੋ: ਸਰਨਦੀਪ ਨੇ ਵਿਦਿਆਰਥੀਆਂ ਨੂੰ ਟ੍ਰੈਫਿਕ ਨਿਯਮਾਂ ਦੀ ਵਿਸਥਾਰ 'ਚ ਜਾਣਕਾਰੀ ਦਿੱਤੀ ਗਈ।