ਟ੍ਰਾਈਡੈਂਟ ਗਰੁੱਪ ਵੱਲੋਂ ਐੱਸ.ਐੱਲ.ਆਈ.ਈ.ਟੀ. ਸੰਗਰੂਰ ਨਾਲ ਸਾਂਝੇਦਾਰੀ, ਕਰਮਚਾਰੀਆਂ ਲਈ ਖਾਸ ਪੀਐਚ.ਡੀ. ਪ੍ਰੋਗਰਾਮ ਦੀ ਸ਼ੁਰੂਆਤ
ਪੰਜਾਬ/ਚੰਡੀਗੜ੍ਹ, 19 ਮਈ 2026
ਟ੍ਰਾਈਡੈਂਟ ਗਰੁੱਪ ਨੇ ਸੰਤ ਲੋਂਗੋਵਾਲ ਇੰਸਟੀਚਿਊਟ ਆਫ਼ ਇੰਜੀਨੀਅਰਿੰਗ ਐਂਡ ਟੈਕਨੋਲੋਜੀ (ਐਸਐਲਆਈਈਟੀ) ਸੰਗਰੂਰ ਨਾਲ ਰਣਨੀਤਿਕ ਸਾਂਝੇਦਾਰੀ ਕਰਦਿਆਂ ਆਪਣੇ ਕਰਮਚਾਰੀਆਂ ਲਈ ਖਾਸ ਪੀਐਚ.ਡੀ. ਪ੍ਰੋਗਰਾਮ ਸ਼ੁਰੂ ਕੀਤਾ ਹੈ। ਇਹ ਉਪਰਾਲਾ ਉਦਯੋਗ ਅਤੇ ਅਕਾਦਮਿਕ ਖੇਤਰ ਵਿਚਕਾਰ ਸਹਿਯੋਗ ਨੂੰ ਹੋਰ ਮਜ਼ਬੂਤ ਕਰਨ ਵੱਲ ਇਕ ਮਹੱਤਵਪੂਰਨ ਕਦਮ ਮੰਨਿਆ ਜਾ ਰਿਹਾ ਹੈ।
ਟ੍ਰਾਈਡੈਂਟ ਗਰੁੱਪ ਦੀ 'ਕਮਾਓ, ਸਿੱਖੋ ਅਤੇ ਵਧੋ' ਸੋਚ ਅਧੀਨ ਸ਼ੁਰੂ ਕੀਤੇ ਗਏ ਇਸ ਪ੍ਰੋਗਰਾਮ ਤਹਿਤ ਕਰਮਚਾਰੀ ਆਪਣੀ ਨੌਕਰੀ ਜਾਰੀ ਰੱਖਦੇ ਹੋਏ ਉੱਚ ਪੱਧਰੀ ਖੋਜ ਕਾਰਜ ਕਰ ਸਕਣਗੇ। ਇਸ ਦੌਰਾਨ ਉਨ੍ਹਾਂ ਨੂੰ ਐੱਸ.ਐੱਲ.ਆਈ.ਈ.ਟੀ. ਸੰਗਰੂਰ ਦੇ ਤਜਰਬੇਕਾਰ ਅਧਿਆਪਕਾਂ, ਆਧੁਨਿਕ ਖੋਜ ਸਹੂਲਤਾਂ ਅਤੇ ਵਿਧਿਵਤ ਅਕਾਦਮਿਕ ਮਾਰਗਦਰਸ਼ਨ ਦਾ ਲਾਭ ਮਿਲੇਗਾ। ਸਾਲ 1989 ਵਿੱਚ ਸਥਾਪਿਤ ਅਤੇ ਭਾਰਤ ਸਰਕਾਰ ਵੱਲੋਂ ਮਨਜ਼ੂਰਸ਼ੁਦਾ ਡੀਮਡ ਯੂਨੀਵਰਸਿਟੀ ਐੱਸ.ਐੱਲ.ਆਈ.ਈ.ਟੀ. ਸੰਗਰੂਰ ਇੰਜੀਨੀਅਰਿੰਗ ਸਿੱਖਿਆ, ਤਕਨੀਕੀ ਟ੍ਰੇਨਿੰਗ ਅਤੇ ਰਿਸਰਚ ਆਧਾਰਿਤ ਸਿੱਖਣ ਲਈ ਪ੍ਰਸਿੱਧ ਹੈ।
ਇਸ ਯੋਜਨਾ ਤਹਿਤ ਚੁਣੇ ਗਏ ਕਰਮਚਾਰੀਆਂ ਦੀ ਪੂਰੀ ਪ੍ਰੋਗਰਾਮ ਫੀਸ ਟ੍ਰਾਈਡੈਂਟ ਗਰੁੱਪ ਵੱਲੋਂ ਭਰੀ ਜਾਵੇਗੀ। ਸਫਲਤਾਪੂਰਵਕ ਪੀਐਚ.ਡੀ. ਪੂਰੀ ਕਰਨ ਵਾਲੇ ਭਾਗੀਦਾਰਾਂ ਨੂੰ ਵਿਸ਼ੇਸ਼ ਸਨਮਾਨ ਵੀ ਦਿੱਤਾ ਜਾਵੇਗਾ, ਜਿਸ ਨਾਲ ਸੰਗਠਨ ਵਿੱਚ ਉਤਕ੍ਰਿਸ਼ਟਤਾ ਅਤੇ ਨਿਰੰਤਰ ਸਿੱਖਣ ਦੀ ਸੰਸਕ੍ਰਿਤੀ ਨੂੰ ਹੋਰ ਉਤਸ਼ਾਹ ਮਿਲੇਗਾ। ਕੰਪਨੀ ਅਨੁਸਾਰ ਇਹ ਸਾਂਝੇਦਾਰੀ ਨਵੀਨਤਾ, ਗਿਆਨ ਸਿਰਜਣਾ ਅਤੇ ਭਵਿੱਖ ਲਈ ਤਿਆਰ ਮਜ਼ਬੂਤ ਵਰਕਫੋਰਸ ਤਿਆਰ ਕਰਨ ਦੀ ਦਿਸ਼ਾ ਵਿੱਚ ਅਹਿਮ ਭੂਮਿਕਾ ਨਿਭਾਏਗੀ।
- Download Babushahi App
-
-
