ਡਾ. ਸੂਰੀ
ਦੀਦਾਰ ਗੁਰਨਾ
ਫਤਹਿਗੜ੍ਹ ਸਾਹਿਬ 20 ਨਵੰਬਰ 2025 : ਵਿਸ਼ਵ ਪਾਈਲਜ਼ ਦਿਵਸ ਦੇ ਮੌਕੇ ‘ਤੇ ਅੱਜ ਰਾਣਾ ਹਸਪਤਾਲ, ਸਰਹਿੰਦ ਵਿੱਚ ਡਾ. ਹਿਤਿੰਦਰ ਸੂਰੀ (ਕੰਸਲਟੈਂਟ ਪ੍ਰੋਕਟੋਲੋਜਿਸਟ ਅਤੇ ਐਮ.ਡੀ., ਰਾਣਾ ਹਸਪਤਾਲ) ਵੱਲੋਂ ਇੱਕ ਖ਼ਾਸ ਜਾਗਰੂਕਤਾ ਸੈਮੀਨਾਰ ਕਰਵਾਇਆ ਗਿਆ , ਇਸ ਦਾ ਮਕਸਦ ਇਹ ਦੱਸਣਾ ਸੀ ਕਿ ਪਾਈਲਜ਼ (ਬਵਾਸੀਰ) ਅਤੇ ਰੈਕਟਲ ਕੈਂਸਰ ਦੇ ਲੱਛਣ ਅਕਸਰ ਇੱਕੋ ਜਿਹੇ ਹੁੰਦੇ ਹਨ, ਅਤੇ ਸਮੇਂ ‘ਤੇ ਜਾਂਚ ਜ਼ਿੰਦਗੀ ਬਚਾ ਸਕਦੀ ਹੈ
ਡਾ. ਸੂਰੀ ਨੇ ਕਿਹਾ ਕਿ ਬਹੁਤ ਸਾਰੇ ਲੋਕ ਸ਼ੁਰੂਆਤੀ ਲੱਛਣਾਂ ਦੀ ਅਣਡਿੱਠੀ ਕਰਦੇ ਹਨ, ਜਿਸ ਨਾਲ ਬਿਮਾਰੀ ਆਖ਼ਰੀ ਪੜਾਅ ਵਿੱਚ ਪਹੁੰਚ ਜਾਂਦੀ ਹੈ। ਉਨ੍ਹਾਂ ਨੇ ਸਲਾਹ ਦਿੱਤੀ ਕਿ ਜੇ ਮਲਦ੍ਵਾਰ ਤੋਂ ਖੂਨ, ਦਰਦ, ਗਾਂਠ ਜਾਂ ਪਖਾਨੇ ਦੀਆਂ ਆਦਤਾਂ ਵਿੱਚ ਬਦਲਾਅ ਵੇਖੇ ਜਾਣ, ਤਾਂ ਤੁਰੰਤ ਡਾਕਟਰ ਨਾਲ ਸੰਪਰਕ ਕਰੋ
ਉਨ੍ਹਾਂ ਨੇ ਇਹ ਵੀ ਜ਼ਿਕਰ ਕੀਤਾ ਕਿ ਰੈਕਟਲ ਕੈਂਸਰ ਦੁਨੀਆ ਦਾ ਤੀਜਾ ਸਭ ਤੋਂ ਆਮ ਕੈਂਸਰ ਹੈ , ICMR ਦੇ ਅਨੁਸਾਰ, ਭਾਰਤ ਵਿੱਚ 78% ਮਰੀਜ਼ਾਂ ਦੀ ਪਛਾਣ ਆਖ਼ਰੀ ਪੜਾਅ ‘ਚ ਹੁੰਦੀ ਹੈ, ਕਿਉਂਕਿ ਲੱਛਣਾਂ ਨੂੰ ਗੰਭੀਰਤਾ ਨਾਲ ਨਹੀਂ ਲਿਆ ਜਾਂਦਾ , ਇਸ ਸੈਮੀਨਾਰ ਦਾ ਮੰਤਵ ਲੋਕਾਂ ਵਿੱਚ ਜਾਗਰੂਕਤਾ ਫੈਲਾਉਣਾ ਅਤੇ ਸਮੇਂ ‘ਤੇ ਇਲਾਜ ਦੀ ਮਹੱਤਤਾ ਬਾਰੇ ਸੁਚੇਤ ਕਰਨਾ ਸੀ ,ਰਾਣਾ ਹਸਪਤਾਲ ਲੋਕ ਸਿਹਤ ਜਾਗਰੂਕਤਾ ਲਈ ਹਮੇਸ਼ਾ ਵਚਨਬੱਧ ਹੈ ਅਤੇ ਅੱਗੇ ਵੀ ਐਸੇ ਪ੍ਰੋਗਰਾਮ ਕਰਦਾ ਰਹੇਗਾ