Gen Z IAS ਅਫ਼ਸਰ ਮਮਤਾ ਯਾਦਵ ਨੂੰ ਮਿਲੀ ਵੱਡੀ ਜ਼ਿੰਮੇਵਾਰੀ
ਬਣੇ ਸੂਚਨਾ ਨਿਰਦੇਸ਼ਕ; UPSC 'ਚ ਦੋ ਵਾਰ ਰਚਿਆ ਸੀ ਇਤਿਹਾਸ
ਬਾਬੂਸ਼ਾਹੀ ਬਿਊਰੋ
ਸ਼੍ਰੀਨਗਰ/ਨਵੀਂ ਦਿੱਲੀ, 12 ਅਕਤੂਬਰ, 2026: ਭਾਰਤੀ ਪ੍ਰਸ਼ਾਸਕੀ ਸੇਵਾ (IAS) ਦੀ ਖ਼ਾਸ ਪਛਾਣ ਰੱਖਣ ਵਾਲੀ ਅਤੇ ਜਨਰੇਸ਼ਨ ਜ਼ੈੱਡ (Gen Z) ਦੀ ਅਧਿਕਾਰੀ ਮਮਤਾ ਯਾਦਵ ਨੂੰ ਜੰਮੂ-ਕਸ਼ਮੀਰ ਸਰਕਾਰ ਨੇ ਇੱਕ ਵੱਡੀ ਪ੍ਰਸ਼ਾਸਕੀ ਜ਼ਿੰਮੇਵਾਰੀ ਸੌਂਪਦਿਆਂ ਸੂਚਨਾ ਨਿਰਦੇਸ਼ਕ (Director Information) ਨਿਯੁਕਤ ਕੀਤਾ ਹੈ। AGMUT ਕੇਡਰ ਦੀ 2021 ਬੈਚ ਦੀ ਇਸ ਹੋਨਹਾਰ ਆਈਏਐੱਸ ਅਧਿਕਾਰੀ ਨੂੰ ਜੰਮੂ-ਕਸ਼ਮੀਰ ਵਿੱਚ ਹੋਏ ਹਾਲੀਆ ਵੱਡੇ ਪ੍ਰਸ਼ਾਸਕੀ ਫੇਰਬਦਲ ਤਹਿਤ ਇਹ ਨਵੀਂ ਤਾਇਨਾਤੀ ਮਿਲੀ ਹੈ, ਜਿਸ ਵਿੱਚ ਅਥਰ ਆਮਿਰ ਖ਼ਾਨ ਸਮੇਤ ਕਈ ਹੋਰ ਸੀਨੀਅਰ ਅਧਿਕਾਰੀਆਂ ਦੀਆਂ ਵੀ ਨਿਯੁਕਤੀਆਂ ਕੀਤੀਆਂ ਗਈਆਂ ਹਨ।
ਮਮਤਾ ਯਾਦਵ ਮੂਲ ਰੂਪ ਵਿੱਚ ਹਰਿਆਣਾ ਦੇ ਮਹਿੰਦਰਗੜ੍ਹ ਜ਼ਿਲ੍ਹੇ ਦੇ ਪਿੰਡ ਬਸਾਈ ਦੀ ਰਹਿਣ ਵਾਲੀ ਹੈ ਅਤੇ ਉਹ ਆਪਣੇ ਪਿੰਡ ਦੀ ਪਹਿਲੀ ਆਈਏਐੱਸ ਅਧਿਕਾਰੀ ਹੈ। 26 ਅਪ੍ਰੈਲ, 1997 ਨੂੰ ਜਨਮੀ ਮਮਤਾ ਦਾ ਪਰਿਵਾਰ ਦਿੱਲੀ ਵਿਖੇ ਰਹਿੰਦਾ ਹੈ। ਉਸ ਨੇ ਦਿੱਲੀ ਦੇ ਬਲਵੰਤਰਾਏ ਮਹਿਤਾ ਵਿਦਿਆ ਭਵਨ ਤੋਂ ਸਕੂਲੀ ਪੜ੍ਹਾਈ ਕੀਤੀ ਅਤੇ ਹਿੰਦੂ ਕਾਲਜ (ਦਿੱਲੀ ਯੂਨੀਵਰਸਿਟੀ) ਤੋਂ ਕੈਮਿਸਟਰੀ ਆਨਰਜ਼ ਵਿੱਚ ਬੀ.ਐੱਸ.ਸੀ. ਕੀਤੀ।
- Download Babushahi App
-
-
