ਨਿਜੀ ਚੈਨਲ ਦੇ MD, ਐਂਕਰ, ਪੱਤਰਕਾਰ ਸਮੇਤ ਪੰਜ ਜਣੇ ਗ੍ਰਿਫ਼ਤਾਰ
ਫ਼ਰਜ਼ੀ ਲਾਈਵ ਸਟਿੰਗ ਆਪ੍ਰੇਸ਼ਨ ਅਤੇ ਬਲੈਕਮੇਲਿੰਗ ਦੇ ਦੋਸ਼ ਹੇਠ 'ਲਿਵਿੰਗ ਇੰਡੀਆ ਨਿਊਜ਼' ਦੇ ਐੱਮਡੀ ਅਤੁਲ ਅਗਰਵਾਲ ਸਮੇਤ ਪੰਜ ਪੱਤਰਕਾਰ ਗ੍ਰਿਫ਼ਤਾਰ
ਕੁਰੂਕਸ਼ੇਤਰ, 11 ਅਕਤੂਬਰ, 2026: ਹਰਿਆਣਾ ਦੇ ਕੁਰੂਕਸ਼ੇਤਰ ਜ਼ਿਲ੍ਹੇ ਤੋਂ ਇੱਕ ਵੱਡੀ ਖ਼ਬਰ ਸਾਹਮਣੇ ਆਈ ਹੈ, ਜਿੱਥੇ ਪੁਲਿਸ ਨੇ ਪ੍ਰਮੁੱਖ ਨਿਊਜ਼ ਚੈਨਲ 'ਲਿਵਿੰਗ ਇੰਡੀਆ ਨਿਊਜ਼' ਦੇ ਮੈਨੇਜਿੰਗ ਡਾਇਰੈਕਟਰ (ਐੱਮਡੀ) ਅਤੁਲ ਅਗਰਵਾਲ ਸਮੇਤ ਪੰਜ ਪ੍ਰਮੁੱਖ ਅਹੁਦੇਦਾਰਾਂ ਨੂੰ ਗ੍ਰਿਫ਼ਤਾਰ ਕਰ ਲਿਆ ਹੈ। ਗ੍ਰਿਫ਼ਤਾਰ ਕੀਤੇ ਗਏ ਮੁਲਜ਼ਮਾਂ ਵਿੱਚ ਐਡੀਟਰ ਸੌਰਭ, ਐਂਕਰ ਸੁਦੇਸ਼ ਨੈਨ, ਪੱਤਰਕਾਰ ਨੀਤੂ ਅਤੇ ਲਵਪ੍ਰੀਤ ਸ਼ਾਮਲ ਹਨ।
ਕੁਰੂਕਸ਼ੇਤਰ ਦੇ ਪੁਲਿਸ ਕਪਤਾਨ (SP) ਚੰਦਰ ਮੋਹਨ ਵੱਲੋਂ ਜਾਰੀ ਲਿਖਤੀ ਬਿਆਨ ਅਤੇ ਪ੍ਰੈੱਸ ਕਾਨਫ਼ਰੰਸ ਅਨੁਸਾਰ, ਇਹ ਗ੍ਰਿਫ਼ਤਾਰੀਆਂ ਵਿਗਿਆਨਕ ਅਤੇ ਤਕਨੀਕੀ ਸਬੂਤਾਂ ਦੇ ਆਧਾਰ 'ਤੇ ਕੀਤੀਆਂ ਗਈਆਂ ਹਨ। ਪੁਲਿਸ ਦਾ ਦੋਸ਼ ਹੈ ਕਿ ਇਸ ਚੈਨਲ ਵੱਲੋਂ ਕਿਸੇ ਹੋਰ ਜਗ੍ਹਾ ਅਤੇ 16 ਅਪ੍ਰੈਲ ਨੂੰ ਬਣਾਈ ਗਈ ਇੱਕ ਨਿੱਜੀ ਵੀਡੀਓ ਨੂੰ ਫ਼ਰਜ਼ੀ ਲਾਈਵ ਸਟਿੰਗ ਆਪ੍ਰੇਸ਼ਨ ਵਜੋਂ ਪ੍ਰਸਾਰਿਤ ਕੀਤਾ ਗਿਆ ਸੀ। ਇਸ ਤੋਂ ਇਲਾਵਾ, ਉਸ ਵੀਡੀਓ ਦੀ ਸੱਚਾਈ ਜਨਤਕ ਨਾ ਕਰਨ ਦੇ ਨਾਂ 'ਤੇ ਸ਼ਿਕायतਕਰਤਾ ਨੂੰ ਬਲੈਕਮੇਲ ਕਰਨ ਦੇ ਗੰਭੀਰ ਦੋਸ਼ ਵੀ ਲੱਗੇ ਹਨ।
ਪੁਲਿਸ ਨੇ ਸ਼ਿਕਾਇਤ ਮਿਲਣ ਤੋਂ ਬਾਅਦ ਥਾਣਾ ਸ਼ਹਿਰ ਥਾਨੇਸਰ ਵਿਖੇ ਆਈਟੀ ਐਕਟ (IT Act) ਅਤੇ ਭਾਰਤੀ ਨਿਆਏ ਸੰਹਿਤਾ (BNS) ਦੀਆਂ ਵੱਖ-ਵੱਖ ਧਾਰਾਵਾਂ ਤਹਿਤ ਮੁਕੱਦਮਾ ਦਰਜ ਕੀਤਾ ਸੀ। ਪੁਲਿਸ ਕਪਤਾਨ ਨੇ ਸਪੱਸ਼ਟ ਕੀਤਾ ਹੈ ਕਿ ਮਾਮਲੇ ਨਾਲ ਜੁੜੇ ਅਸਲ ਵੀਡੀਓ, ਮੋਬਾਈਲ ਫੋਨਾਂ ਅਤੇ ਤਕਨੀਕੀ ਸਬੂਤਾਂ ਦੀ ਬਾਰੀਕੀ ਨਾਲ ਜਾਂਚ ਕੀਤੀ ਜਾ ਰਹੀ ਹੈ ਤਾਂ ਜੋ ਪੂਰੇ ਸਾਜ਼ਸ਼ੀ ਘਟਨਾਕ੍ਰਮ ਨੂੰ ਬੇਨਕਾਬ ਕੀਤਾ ਜਾ ਸਕੇ।
(ਨੋਟ: ਹਾਲਾਂਕਿ ਪੁਲਿਸ ਦੇ ਲਿਖਤੀ ਬਿਆਨ ਵਿੱਚ ਮੁੱਖ ਤੌਰ 'ਤੇ ਨਿੱਜੀ ਵੀਡੀਓ ਨੂੰ ਫ਼ਰਜ਼ੀ ਸਟਿੰਗ ਵਜੋਂ ਦਿਖਾਉਣ ਅਤੇ ਬਲੈਕਮੇਲਿੰਗ ਦਾ ਜ਼ਿਕਰ ਹੈ, ਪਰ ਪੁਲਿਸ ਅਧਿਕਾਰੀਆਂ ਵੱਲੋਂ ਇਸ ਗੱਲ ਦੀ ਵੀ ਜਾਂਚ ਕੀਤੀ ਜਾ ਰਹੀ ਹੈ ਕਿ ਅਜਿਹਾ ਪ੍ਰਚਾਰ ਕਿਸ ਮਕਸਦ ਤਹਿਤ ਕੀਤਾ ਜਾ ਰਿਹਾ ਸੀ।)
- Download Babushahi App
-
-
