ਵੇਦਾਂਤਾ ਦੇ ਚੇਅਰਮੈਨ ਅਨਿਲ ਅਗਰਵਾਲ ਨੇ ਕਿੰਤਸੁਗੀ ਤੋਂ ਪ੍ਰੇਰਣਾ ਲੈ ਕੇ ਦਿੱਤਾ ਦ੍ਰਿੜਤਾ ਦਾ ਪ੍ਰੇਰਣਾਦਾਇਕ ਸੰਦੇਸ਼
ਅਸ਼ੋਕ ਵਰਮਾ
ਮਾਨਸਾ, 3 ਜੁਲਾਈ 2026: ਵੇਦਾਂਤਾ ਦੇ ਚੇਅਰਮੈਨ ਅਨਿਲ ਅਗਰਵਾਲ ਨੇ ਦ੍ਰਿੜਤਾ ਅਤੇ ਨਿੱਜੀ ਵਿਕਾਸ ਬਾਰੇ ਆਪਣੇ ਵਿਚਾਰ ਸਾਂਝੇ ਕੀਤੇ ਹਨ। ਇਸ ਲਈ ਉਨ੍ਹਾਂ ਨੇ ਕਿੰਤਸੁਗੀ ਤੋਂ ਪ੍ਰੇਰਣਾ ਲਈ, ਜੋ ਜਾਪਾਨ ਦੀ ਇੱਕ ਰਵਾਇਤੀ ਕਲਾ ਹੈ। ਇਸ ਕਲਾ ਵਿੱਚ ਟੁੱਟੇ ਹੋਏ ਮਿੱਟੀ ਦੇ ਬਰਤਨਾਂ ਨੂੰ ਸੋਨੇ ਨਾਲ ਜੋੜ ਕੇ ਮੁੜ ਸੁੰਦਰ ਬਣਾਇਆ ਜਾਂਦਾ ਹੈ। ਹਾਲ ਹੀ ਵਿੱਚ X 'ਤੇ ਸਾਂਝੀ ਕੀਤੀ ਆਪਣੀ ਪੋਸਟ ਵਿੱਚ ਅਨਿਲ ਅਗਰਵਾਲ ਨੇ ਕਿਹਾ ਕਿ ਜ਼ਿੰਦਗੀ ਵਿੱਚ ਆਉਣ ਵਾਲੀਆਂ ਚੁਣੌਤੀਆਂ ਅਤੇ ਅਸਫਲਤਾਵਾਂ ਹੀ ਅਕਸਰ ਅਜਿਹੇ ਤਜਰਬੇ ਬਣਦੀਆਂ ਹਨ, ਜੋ ਇੱਕ ਵਿਅਕਤੀ ਦੇ ਵਿਅਕਤਿਤਵ ਨੂੰ ਨਿਖਾਰਦੀਆਂ ਹਨ ਅਤੇ ਉਸਦੀ ਸਫਲਤਾ ਦੀ ਮਜ਼ਬੂਤ ਨੀਂਹ ਰੱਖਦੀਆਂ ਹਨ। ਕਿੰਤਸੁਗੀ ਦੇ ਦਰਸ਼ਨ ਬਾਰੇ ਆਪਣੇ ਵਿਚਾਰ ਸਾਂਝੇ ਕਰਦੇ ਹੋਏ ਅਨਿਲ ਅਗਰਵਾਲ ਨੇ ਕਿਹਾ ਕਿ ਇਹ ਕਲਾ ਟੁੱਟੀਆਂ ਹੋਈਆਂ ਦਰਾਰਾਂ ਨੂੰ ਲੁਕਾਉਣ ਦੀ ਕੋਸ਼ਿਸ਼ ਨਹੀਂ ਕਰਦੀ, ਸਗੋਂ ਉਨ੍ਹਾਂ ਨੂੰ ਉਸ ਵਸਤੂ ਦੀ ਵਿਲੱਖਣ ਕਹਾਣੀ ਦਾ ਹਿੱਸਾ ਮੰਨ ਕੇ ਸਨਮਾਨ ਦਿੰਦੀ ਹੈ। ਉਨ੍ਹਾਂ ਨੇ ਇਸਦੀ ਤੁਲਨਾ ਆਪਣੀ ਉੱਦਮੀ ਯਾਤਰਾ ਨਾਲ ਕਰਦੇ ਹੋਏ ਕਿਹਾ ਕਿ ਉਨ੍ਹਾਂ ਨੇ ਕਈ ਸਫਲ ਕਾਰੋਬਾਰ ਖੜ੍ਹੇ ਕੀਤੇ, ਪਰ ਇਸ ਦੇ ਨਾਲ ਕਈ ਅਜਿਹੇ ਕਾਰੋਬਾਰ ਵੀ ਰਹੇ ਜੋ ਸਫਲ ਨਹੀਂ ਹੋ ਸਕੇ। ਉਨ੍ਹਾਂ ਦੇ ਅਨੁਸਾਰ, ਇਹ ਅਸਫਲਤਾਵਾਂ ਵੀ ਉਨ੍ਹਾਂ ਲਈ ਉਤਨੀ ਹੀ ਮਹੱਤਵਪੂਰਨ ਸਾਬਤ ਹੋਈਆਂ, ਕਿਉਂਕਿ ਇਨ੍ਹਾਂ ਨੇ ਉਨ੍ਹਾਂ ਦੀ ਸੋਚ, ਦ੍ਰਿਸ਼ਟੀਕੋਣ ਅਤੇ ਲੀਡਰਸ਼ਿਪ ਸਮਰੱਥਾ ਨੂੰ ਹੋਰ ਮਜ਼ਬੂਤ ਬਣਾਇਆ।ਉੱਦਮਿਤਾ ਦੇ ਚਾਰ ਦਹਾਕਿਆਂ ਤੋਂ ਵੱਧ ਦੇ ਤਜਰਬੇ ਤੋਂ ਸਿੱਖ ਸਾਂਝੀ ਕਰਦੇ ਹੋਏ ਅਨਿਲ ਅਗਰਵਾਲ ਨੇ ਕਿਹਾ ਕਿ ਚੁਣੌਤੀਆਂ ਅਤੇ ਅਸਫਲਤਾਵਾਂ ਨੂੰ ਸਥਾਈ ਹਾਰ ਨਹੀਂ, ਸਗੋਂ ਸਿੱਖਣ ਅਤੇ ਅੱਗੇ ਵਧਣ ਦਾ ਮੌਕਾ ਸਮਝਣਾ ਚਾਹੀਦਾ ਹੈ। ਉਨ੍ਹਾਂ ਨੇ ਕਿਹਾ ਕਿ ਜਦੋਂ ਉਹ ਪਿੱਛੇ ਮੁੜ ਕੇ ਵੇਖਦੇ ਹਨ ਤਾਂ ਅਹਿਸਾਸ ਹੁੰਦਾ ਹੈ ਕਿ ਜੋ ਕਾਰੋਬਾਰ ਸਫਲ ਨਹੀਂ ਹੋ ਸਕੇ, ਉਨ੍ਹਾਂ ਨੇ ਵੀ ਉਨ੍ਹਾਂ ਦੇ ਨਿੱਜੀ ਅਤੇ ਪੇਸ਼ੇਵਰ ਵਿਕਾਸ ਵਿੱਚ ਉਤਨਾ ਹੀ ਯੋਗਦਾਨ ਪਾਇਆ, ਜਿੰਨਾਂ ਸਫਲ ਕਾਰੋਬਾਰਾਂ ਨੇ।
ਉਨ੍ਹਾਂ ਦੇ ਅਨੁਸਾਰ, ਇਹ ਤਜਰਬੇ ਦ੍ਰਿੜਤਾ, ਲਗਾਤਾਰ ਕੋਸ਼ਿਸ਼ ਕਰਦੇ ਰਹਿਣ ਦੀ ਭਾਵਨਾ ਅਤੇ ਜ਼ਿੰਦਗੀ ਦੇ ਹਰ ਪੜਾਅ ਨੂੰ ਸਵੀਕਾਰ ਕਰਨ ਦੀ ਮਹੱਤਤਾ ਨੂੰ ਹੋਰ ਮਜ਼ਬੂਤ ਕਰਦੇ ਹਨ। ਇਹ ਵਿਚਾਰ ਸਿਰਫ਼ ਉਨ੍ਹਾਂ ਦੇ ਨਿੱਜੀ ਤਜਰਬੇ ਤੱਕ ਹੀ ਸੀਮਿਤ ਨਹੀਂ ਹੈ, ਸਗੋਂ ਉਦਯਮੀਆਂ, ਪੇਸ਼ੇਵਰਾਂ ਅਤੇ ਅਣਿਸ਼ਚਿਤ ਹਾਲਾਤਾਂ ਦਾ ਸਾਹਮਣਾ ਕਰ ਰਹੇ ਨੌਜਵਾਨ ਲੀਡਰਾਂ ਲਈ ਵੀ ਇੱਕ ਮਹੱਤਵਪੂਰਨ ਸੰਦੇਸ਼ ਹੈ। ਅਨਿਲ ਅਗਰਵਾਲ ਦਾ ਮੰਨਣਾ ਹੈ ਕਿ ਅਸਫਲਤਾ ਤੋਂ ਡਰਨ ਦੀ ਬਜਾਏ ਇਹ ਸਮਝਣਾ ਚਾਹੀਦਾ ਹੈ ਕਿ ਚੁਣੌਤੀਆਂ ਅਤੇ ਨਿਰਾਸ਼ਾਵਾਂ ਹੀ ਅਕਸਰ ਭਵਿੱਖ ਦੀ ਸਫਲਤਾ ਦੀ ਮਜ਼ਬੂਤ ਨੀਂਹ ਬਣਦੀਆਂ ਹਨ। ਇਹੀ ਤਜਰਬੇ ਵਿਅਕਤੀ ਨੂੰ ਹੋਰ ਮਜ਼ਬੂਤ, ਸਿਆਣਾ ਅਤੇ ਲੰਬੇ ਸਮੇਂ ਤੱਕ ਸਕਾਰਾਤਮਕ ਪ੍ਰਭਾਵ ਛੱਡਣ ਦੇ ਯੋਗ ਬਣਾਉਂਦੇ ਹਨ।
ਆਪਣੀ ਪੋਸਟ ਵਿੱਚ ਉਨ੍ਹਾਂ ਨੇ ਲਿਖਿਆ:
ਕੀ ਤੁਸੀਂ Kintsugi ਬਾਰੇ ਜਾਣਦੇ ਹੋ? ਇਹ ਜਾਪਾਨ ਦੀ ਇੱਕ ਸੁੰਦਰ ਪਰੰਪਰਾ ਅਤੇ ਫ਼ਲਸਫ਼ਾ ਹੈ, ਜਿਸ ਅਨੁਸਾਰ ਜੇਕਰ ਮਿੱਟੀ ਦਾ ਕੋਈ ਬਰਤਨ ਟੁੱਟ ਜਾਵੇ, ਤਾਂ ਉਸਨੂੰ ਸੁੱਟਿਆ ਨਹੀਂ ਜਾਂਦਾ। ਉਸ ਦੀਆਂ ਦਰਾਰਾਂ ਨੂੰ ਸੋਨੇ ਨਾਲ ਜੋੜਿਆ ਜਾਂਦਾ ਹੈ। ਸਭ ਤੋਂ ਖੂਬਸੂਰਤ ਗੱਲ ਇਹ ਹੈ ਕਿ ਉਨ੍ਹਾਂ ਦਰਾਰਾਂ ਨੂੰ ਲੁਕਾਇਆ ਨਹੀਂ ਜਾਂਦਾ, ਸਗੋਂ ਉਨ੍ਹਾਂ ਨੂੰ ਹੋਰ ਉਭਾਰਿਆ ਜਾਂਦਾ ਹੈ। ਹਾਲ ਹੀ ਵਿੱਚ ਜਾਪਾਨ ਦੀ ਯਾਤਰਾ ਦੌਰਾਨ ਜਦੋਂ ਮੈਂ Kintsugi ਬਾਰੇ ਜਾਣਿਆ, ਤਾਂ ਮੈਨੂੰ ਮਹਿਸੂਸ ਹੋਇਆ ਕਿ ਇਹ ਸਿਰਫ਼ ਬਰਤਨਾਂ ਦੀ ਨਹੀਂ, ਸਗੋਂ ਜ਼ਿੰਦਗੀ ਦੀ ਵੀ ਕਹਾਣੀ ਹੈ। ਮੇਰੀ ਜ਼ਿੰਦਗੀ ਵਿੱਚ ਜਿੱਥੇ ਕਈ ਕਾਰੋਬਾਰ ਸਫਲ ਰਹੇ, ਉੱਥੇ ਕਈ ਅਜਿਹੇ ਵੀ ਰਹੇ ਜੋ ਸਫਲ ਨਹੀਂ ਹੋ ਸਕੇ। ਉਸ ਵੇਲੇ ਲੱਗਿਆ ਕਿ ਸ਼ਾਇਦ ਕੁਝ ਖੋ ਗਿਆ ਹੈ, ਕੁਝ ਟੁੱਟ ਗਿਆ ਹੈ। ਪਰ ਅੱਜ ਜਦੋਂ ਪਿੱਛੇ ਮੁੜ ਕੇ ਵੇਖਦਾ ਹਾਂ, ਤਾਂ ਲੱਗਦਾ ਹੈ ਕਿ ਜੇ ਉਹ ਅਸਫਲਤਾਵਾਂ ਨਾ ਹੁੰਦੀਆਂ, ਤਾਂ ਸ਼ਾਇਦ ਮੈਂ ਵੀ ਅੱਜ ਉਹ ਨਾ ਬਣ ਸਕਦਾ ਜੋ ਅੱਜ ਹਾਂ। ਸਾਡੀਆਂ ਦਰਾਰਾਂ ਸਾਡੀ ਕਮਜ਼ੋਰੀ ਨਹੀਂ ਹਨ। ਕੋਈ ਵੀ ਅਸਫਲਤਾ ਆਖ਼ਰੀ ਨਹੀਂ ਹੁੰਦੀ। ਇਹੀ ਸਾਨੂੰ ਹੋਰ ਮਜ਼ਬੂਤ ਅਤੇ ਪਹਿਲਾਂ ਨਾਲੋਂ ਵੀ ਵੱਧ ਖੂਬਸੂਰਤ ਬਣਾਉਂਦੀਆਂ ਹਨ।
ਅਨਿਲ ਅਗਰਵਾਲ ਬਾਰੇ:
ਸ਼੍ਰੀ ਅਨਿਲ ਅਗਰਵਾਲ ਵੇਦਾਂਤਾ ਲਿਮਿਟੇਡ ਦੇ ਗੈਰ-ਕਾਰਜਕਾਰੀ ਚੇਅਰਮੈਨ ਅਤੇ ਵੇਦਾਂਤਾ ਸਮੂਹ ਦੇ ਸੰਸਥਾਪਕ ਹਨ। ਚਾਰ ਦਹਾਕਿਆਂ ਤੋਂ ਵੱਧ ਦੇ ਉਦਯਮੀ ਤਜਰਬੇ ਨਾਲ ਉਨ੍ਹਾਂ ਨੇ ਵੇਦਾਂਤਾ ਸਮੂਹ ਦੀ ਸਥਾਪਨਾ ਕੀਤੀ ਅਤੇ ਇੱਕ ਸਧਾਰਣ ਘਰੇਲੂ ਖਣਨ ਕੰਪਨੀ ਨੂੰ ਮਹੱਤਵਪੂਰਨ ਖਨਿਜਾਂ, ਟ੍ਰਾਂਜ਼ਿਸ਼ਨ ਮੈਟਲਜ਼, ਊਰਜਾ ਅਤੇ ਤਕਨਾਲੋਜੀ ਦੇ ਖੇਤਰ ਵਿੱਚ ਕੰਮ ਕਰਨ ਵਾਲੇ ਇੱਕ ਵਿਸ਼ਵ ਪੱਧਰੀ ਅਤੇ ਵਿਭਿੰਨ ਸਮੂਹ ਵਜੋਂ ਵਿਕਸਤ ਕੀਤਾ। ਮਾਰਚ 2005 ਤੋਂ ਉਹ ਯੂਨਾਈਟਿਡ ਕਿੰਗਡਮ ਸਥਿਤ ਸਮੂਹ ਦੀ ਹੋਲਡਿੰਗ ਕੰਪਨੀ ਵੇਦਾਂਤਾ ਰਿਸੋਰਸਿਜ਼ ਦੇ ਕਾਰਜਕਾਰੀ ਚੇਅਰਮੈਨ ਵਜੋਂ ਸੇਵਾ ਨਿਭਾ ਰਹੇ ਹਨ ਅਤੇ ਕੰਪਨੀ ਦੇ ਰਣਨੀਤਿਕ ਵਿਕਾਸ ਅਤੇ ਵਿਸ਼ਵ ਪੱਧਰੀ ਵਿਸਤਾਰ ਦੀ ਅਗਵਾਈ ਕਰ ਰਹੇ ਹਨ। ਉਹ ਮੰਨਦੇ ਹਨ ਕਿ ਕਾਰੋਬਾਰਾਂ ਦੀ ਜ਼ਿੰਮੇਵਾਰੀ ਸਮਾਜ ਨੂੰ ਵਾਪਸ ਦੇਣਾ ਵੀ ਹੈ। ਇਸੇ ਸੋਚ ਤਹਿਤ ਉਨ੍ਹਾਂ ਨੇ The Giving Pledge ਰਾਹੀਂ ਆਪਣੀ 75% ਸੰਪਤੀ ਸਮਾਜਿਕ ਭਲਾਈ ਲਈ ਸਮਰਪਿਤ ਕਰਨ ਦਾ ਸੰਕਲਪ ਲਿਆ ਹੈ। ਉਨ੍ਹਾਂ ਦੀ ਸੰਸਥਾ ਅਨਿਲ ਅਗਰਵਾਲ ਫਾਊਂਡੇਸ਼ਨ ਸਮੁਦਾਇਆਂ ਨੂੰ ਸਸ਼ਕਤ ਬਣਾਉਣ ਅਤੇ ਲੋਕਾਂ ਦੀ ਜ਼ਿੰਦਗੀ ਵਿੱਚ ਸਕਾਰਾਤਮਕ ਬਦਲਾਅ ਲਿਆਉਣ ਲਈ ਕੰਮ ਕਰਦੀ ਹੈ। ਫਾਊਂਡੇਸ਼ਨ ਦੀ ਪ੍ਰਮੁੱਖ ਪਹਿਲ ਨੰਦ ਘਰ ਤਹਿਤ ਪੂਰੇ ਭਾਰਤ ਵਿੱਚ 15,000 ਤੋਂ ਵੱਧ ਕੇਂਦਰ ਸਥਾਪਿਤ ਕੀਤੇ ਗਏ ਹਨ। ਇਨ੍ਹਾਂ ਕੇਂਦਰਾਂ ਰਾਹੀਂ ਬੱਚਿਆਂ ਨੂੰ ਪੋਸ਼ਟਿਕ ਆਹਾਰ, ਸ਼ੁਰੂਆਤੀ ਸਿੱਖਿਆ ਅਤੇ ਸਿਹਤ ਸੇਵਾਵਾਂ ਪ੍ਰਦਾਨ ਕੀਤੀਆਂ ਜਾਂਦੀਆਂ ਹਨ। ਇਸ ਦੇ ਨਾਲ ਹੀ ਮਹਿਲਾਵਾਂ ਨੂੰ ਵੱਖ-ਵੱਖ ਹੁਨਰ ਵਿਕਾਸ ਪ੍ਰੋਗਰਾਮਾਂ ਰਾਹੀਂ ਸਸ਼ਕਤ ਬਣਾਇਆ ਜਾਂਦਾ ਹੈ।
- Download Babushahi App
-
-
