ਮਦੁਰਾਈ ਦੇ ਖੇਤਾਂ ਤੋਂ ਗਲਾਸਗੋ ਦੇ ਪੋਡੀਅਮ ਤੱਕ: ਸੇਲਵਾ ਪ੍ਰਭੂ ਦੀ ਕਾਂਸੀ-ਗਾਥਾ ਜਿਸਨੇ ਪੂਰਾ ਭਾਰਤ ਝੂੰਮਣ ਲਾ ਦਿੱਤਾ
---ਇੱਕ ਕਿਸਾਨ ਪਿਓ ਦੀ ਵੇਚੀ ਹੋਈ ਜ਼ਮੀਨ, ਇੱਕ ਪੁੱਤਰ ਦੇ ਹੌਸਲੇ ਦੀ ਉਡਾਣ ਅਤੇ ਗਲਾਸਗੋ ਦੇ ਮੈਦਾਨ 'ਤੇ ਲਹਿਰਾਇਆ ਤਿਰੰਗਾ
ਸੁਖਮਿੰਦਰ ਭੰਗੂ
ਸਕਾਟਸਟਾਊਨ ਸਟੇਡੀਅਮ ਦੀ ਰਨਵੇਅ 'ਤੇ ਜਦੋਂ ਸੇਲਵਾ ਪ੍ਰਭੂ ਥਿਰੁਮਾਰਨ ਨੇ ਆਪਣੀ ਪੰਜਵੀਂ ਕੋਸ਼ਿਸ਼ ਲਈ ਦੌੜ ਲਾਈ, ਤਾਂ ਸਾਹ ਰੋਕੀ ਬੈਠੇ ਸਨ ਲੱਖਾਂ ਭਾਰਤੀ। ਚੌਥੀ ਛਾਲ ਫਾਊਲ ਹੋ ਚੁੱਕੀ ਸੀ, ਪੋਡੀਅਮ ਹੱਥੋਂ ਖਿਸਕਦਾ ਜਾਪ ਰਿਹਾ ਸੀ। ਪਰ ਜਿਸ ਮਿੱਟੀ ਤੋਂ ਇਹ ਮੁੰਡਾ ਉੱਠਿਆ ਸੀ, ਉਸ ਵਿੱਚ ਹਾਰ ਮੰਨਣਾ ਲਿਖਿਆ ਹੀ ਨਹੀਂ ਸੀ। 16.52 ਮੀਟਰ ਦੀ ਆਖ਼ਰੀ ਛਾਲ — ਅਤੇ ਪੋਡੀਅਮ ਮੁੜ ਉਸਦਾ ਹੋ ਗਿਆ। 1 ਅਗਸਤ 2026, ਗਲਾਸਗੋ ਕਾਮਨਵੈਲਥ ਗੇਮਜ਼ — ਭਾਰਤ ਲਈ ਇੱਕ ਹੋਰ ਯਾਦਗਾਰੀ ਦਿਨ ਬਣ ਗਿਆ।
ਡਬਲ ਪੋਡੀਅਮ ਦਾ ਇਤਿਹਾਸਕ ਪਲ
ਪੁਰਸ਼ਾਂ ਦੇ ਟ੍ਰਿਪਲ ਜੰਪ ਫਾਈਨਲ ਵਿੱਚ ਭਾਰਤ ਨੇ ਉਹ ਕਰ ਵਿਖਾਇਆ ਜੋ ਸ਼ਾਇਦ ਹੀ ਕਿਸੇ ਨੇ ਸੋਚਿਆ ਸੀ — ਦੋ ਤਮਗੇ, ਇੱਕੋ ਈਵੈਂਟ ਵਿੱਚ:
ਸੋਨਾ — ਜਮੈਕਾ ਦੇ ਜੌਰਡਨ ਸਕਾਟ, 16.72 ਮੀਟਰ
ਚਾਂਦੀ — ਪ੍ਰਵੀਣ ਚਿੱਤਰਵੇਲ, 16.58 ਮੀਟਰ (ਚੌਥੀ ਕੋਸ਼ਿਸ਼ ਵਿੱਚ)
ਕਾਂਸੀ — ਸੇਲਵਾ ਪ੍ਰਭੂ ਥਿਰੁਮਾਰਨ, 16.52 ਮੀਟਰ (ਪੰਜਵੀਂ ਕੋਸ਼ਿਸ਼ ਵਿੱਚ)
ਪ੍ਰਭੂ ਲਈ ਇਹ ਤਮਗਾ ਖ਼ਾਸ ਸੀ — 2022 ਬਰਮਿੰਘਮ ਗੇਮਜ਼ ਵਿੱਚ ਸਿਰਫ਼ ਤਿੰਨ ਸੈਂਟੀਮੀਟਰ ਨਾਲ ਖੁੰਝੇ ਪੋਡੀਅਮ ਦਾ ਬਦਲਾ ਲੈ ਲਿਆ ਗਿਆ ਸੀ। ਸੇਲਵਾ ਲਈ ਇਹ ਸੀਨੀਅਰ ਮਲਟੀ-ਸਪੋਰਟ ਗੇਮਜ਼ ਵਿੱਚ ਪਹਿਲੀ ਪੇਸ਼ੀ ਸੀ — ਅਤੇ ਪਹਿਲੀ ਪੇਸ਼ੀ ਹੀ ਤਮਗੇ ਨਾਲ!
ਖੇਤਾਂ ਦੀ ਮਿੱਟੀ ਤੋਂ ਅੰਤਰਰਾਸ਼ਟਰੀ ਟਰੈਕ ਤੱਕ
28 ਦਸੰਬਰ 2004 ਨੂੰ ਤਾਮਿਲਨਾਡੂ ਦੇ ਮਦੁਰਾਈ ਵਿੱਚ ਜਨਮੇ ਸੇਲਵਾ ਪ੍ਰਭੂ ਦੀ ਕਹਾਣੀ ਕਿਸੇ ਫ਼ਿਲਮੀ ਸਕ੍ਰਿਪਟ ਤੋਂ ਘੱਟ ਨਹੀਂ। ਇੱਕ ਕਿਸਾਨ ਪਰਿਵਾਰ ਵਿੱਚ ਪਲਿਆ ਇਹ ਮੁੰਡਾ ਬਚਪਨ ਵਿੱਚ ਏਨਾ ਸਰਗਰਮ ਸੀ ਕਿ ਪਿਤਾ ਥਿਰੁਮਾਰਨ ਉਸਨੂੰ ਡਾਕਟਰ ਕੋਲ ਲੈ ਗਏ — ਪਰ ਜਿਸ "ਊਰਜਾ" ਨੂੰ ਓਦੋਂ ਸਮੱਸਿਆ ਸਮਝਿਆ ਗਿਆ, ਉਹੀ ਊਰਜਾ ਅੱਗੇ ਚੱਲ ਕੇ ਭਾਰਤ ਦਾ ਮਾਣ ਬਣੀ। ਪੁੱਤਰ ਦੇ ਸੁਪਨੇ ਨੂੰ ਪਰਵਾਜ਼ ਦੇਣ ਲਈ ਪਰਿਵਾਰ ਨੇ ਚਾਰ ਏਕੜ ਖੇਤੀ ਵਾਲੀ ਜ਼ਮੀਨ ਵੇਚ ਦਿੱਤੀ — ਇੱਕ ਕੁਰਬਾਨੀ ਜੋ ਹੁਣ ਗਲਾਸਗੋ ਦੇ ਪੋਡੀਅਮ 'ਤੇ ਚਮਕਦੇ ਕਾਂਸੀ ਤਮਗੇ ਦੀ ਸ਼ਕਲ ਲੈ ਚੁੱਕੀ ਹੈ।
ਇੱਕ ਸ਼ਾਨਦਾਰ ਉੱਭਾਰ
ਸੇਲਵਾ ਦਾ ਸਫ਼ਰ ਪੜਾਅ-ਦਰ-ਪੜਾਅ ਇਤਿਹਾਸ ਰਚਦਾ ਗਿਆ।
2022 — ਖੇਲੋ ਇੰਡੀਆ ਯੂਥ ਗੇਮਜ਼ ਅਤੇ U20 ਫੈਡਰੇਸ਼ਨ ਕੱਪ ਵਿੱਚ ਸੋਨਾ, ਫਿਰ ਕੋਲੰਬੀਆ ਵਿੱਚ ਹੋਈਆਂ World U20 Championships ਵਿੱਚ ਸਿਲਵਰ ਮੈਡਲ
2023 — 18 ਸਾਲ ਦੀ ਉਮਰ ਵਿੱਚ ਗ੍ਰੀਸ ਦੇ Venizelia-Chania International Meet ਵਿੱਚ ਸੋਨਾ (16.78m PB); ਬੈਂਕਾਕ ਵਿੱਚ Asian Athletics Association ਵੱਲੋਂ "Best Asian U20 Male Athlete of the Year" ਐਲਾਨਿਆ ਗਿਆ — ਇਹ ਮਾਣ ਹਾਸਲ ਕਰਨ ਵਾਲਾ ਪਹਿਲਾ ਭਾਰਤੀ ਬਣਿਆ।
ਮਾਰਚ 2026 — NCAA ਇਨਡੋਰ ਚੈਂਪੀਅਨਸ਼ਿਪ (Fayetteville) ਵਿੱਚ 17.05m ਦੀ ਛਾਲ — ਭਾਰਤ ਦਾ ਨਵਾਂ ਇਨਡੋਰ ਨੈਸ਼ਨਲ ਰਿਕਾਰਡ ਅਤੇ ਉਸਦਾ ਕਰੀਅਰ-ਬੈਸਟ ਜੂਨ 2026 — Kansas State University ਵੱਲੋਂ ਖੇਡਦਿਆਂ Hayward Field, Eugene ਵਿਖੇ NCAA Division I Outdoor Championships ਦਾ ਖਿਤਾਬ 16.92m ਦੀ ਛਾਲ ਨਾਲ ਜਿੱਤਿਆ — ਇਸ ਖਿਤਾਬ ਨੂੰ ਜਿੱਤਣ ਵਾਲਾ ਸਿਰਫ਼ ਚੌਥਾ-ਪੰਜਵਾਂ ਭਾਰਤੀ ਬਣਿਆ, ਮੋਹਿੰਦਰ ਸਿੰਘ ਗਿੱਲ, ਵਿਕਾਸ ਗੌੜਾ ਅਤੇ ਤੇਜਸਵਿਨ ਸ਼ੰਕਰ ਵਰਗੇ ਦਿੱਗਜਾਂ ਦੀ ਸੂਚੀ ਵਿੱਚ ਸ਼ਾਮਲ ਹੋ ਕੇ
1 ਅਗਸਤ 2026 — ਗਲਾਸਗੋ ਕਾਮਨਵੈਲਥ ਗੇਮਜ਼ ਵਿੱਚ ਪਹਿਲੀ ਸੀਨੀਅਰ ਪੇਸ਼ੀ, ਅਤੇ ਸਿੱਧਾ ਕਾਂਸੀ ਤਮਗਾ
ਸ਼ੁਰੂਆਤ ਹੈ, ਮੰਜ਼ਿਲ ਹਾਲੇ ਦੂਰ ਹੈ।
21 ਸਾਲਾ ਸੇਲਵਾ ਪ੍ਰਭੂ ਦਾ ਨਾਮ ਹੁਣ ਦੁਨੀਆ ਭਰ ਦੇ ਟ੍ਰਿਪਲ ਜੰਪ ਰੈਂਕਿੰਗ ਵਿੱਚ ਗੂੰਜ ਰਿਹਾ ਹੈ। ਇੱਕ ਖੇਤ-ਮਜ਼ਦੂਰ ਦੇ ਪੁੱਤਰ ਤੋਂ ਅਮਰੀਕੀ ਕਾਲਜ ਸਰਕਟ ਦੇ ਚੈਂਪੀਅਨ ਤੱਕ, ਅਤੇ ਹੁਣ ਕਾਮਨਵੈਲਥ ਪੋਡੀਅਮ ਤੱਕ — ਇਹ ਸਫ਼ਰ ਸਿਰਫ਼ ਖੇਡ ਦਾ ਨਹੀਂ, ਹੌਸਲੇ ਅਤੇ ਵਿਸ਼ਵਾਸ ਦਾ ਹੈ। ਗਲਾਸਗੋ ਤਾਂ ਬੱਸ ਸ਼ੁਰੂਆਤ ਹੈ — ਏਸ਼ੀਆਈ ਖੇਡਾਂ ਅਤੇ ਓਲੰਪਿਕਸ ਦੀਆਂ ਉਡਾਣਾਂ ਹਾਲੇ ਬਾਕੀ ਹਨ
- Download Babushahi App
-
-
