ਵੇਦਾਂਤਾ ਪਾਵਰ ਦੀ Q1 FY27 ਆਮਦਨ ਵਿੱਚ ਸਾਲਾਨਾ ਆਧਾਰ 'ਤੇ 31% ਦਾ ਵਾਧਾ, ਮਜ਼ਬੂਤ ਸੰਚਾਲਨ ਪ੍ਰਦਰਸ਼ਨ ਨਾਲ ਮਿਲੀ ਰਫ਼ਤਾਰ
* Q1 FY27 ਦੌਰਾਨ ਆਮਦਨ (Revenue) ਵਿੱਚ ਸਾਲਾਨਾ ਆਧਾਰ 'ਤੇ 31% ਦਾ ਵਾਧਾ ਹੋ ਕੇ ₹2,607 ਕਰੋੜ ਰਹੀ।
* Q1 ਵਿੱਚ ਬਿਜਲੀ ਵਿਕਰੀ (Power Sales) ਵਿੱਚ 38% ਦਾ ਸਾਲਾਨਾ ਵਾਧਾ, ਮੁੱਖ ਉਤਪਾਦਨ ਸੰਪਤੀਆਂ ਦੇ ਬਿਹਤਰ ਪ੍ਰਦਰਸ਼ਨ ਨਾਲ ਸੰਭਵ ਹੋਇਆ।
* ਮੀਨਾਕਸ਼ੀ ਐਨਰਜੀ ਲਿਮਿਟੇਡ ਨੇ ₹112 ਕਰੋੜ (+20% QoQ) ਦਾ ਹੁਣ ਤੱਕ ਦਾ ਸਭ ਤੋਂ ਉੱਚਾ ਤਿਮਾਹੀ EBITDA ਦਰਜ ਕੀਤਾ।
* ਕੰਪਨੀ ਦੀ ਕਰੈਡਿਟ ਰੇਟਿੰਗ ਨੂੰ CRISIL AA+ (CE)/AA- ਅਤੇ ICRA AA-/A1+ ਤੱਕ ਅੱਪਗ੍ਰੇਡ ਕੀਤਾ ਗਿਆ, ਜੋ ਵਿੱਤੀ ਮਜ਼ਬੂਤੀ ਨੂੰ ਦਰਸਾਉਂਦਾ ਹੈ।
* ₹1,130 ਕਰੋੜ ਦੇ ਨਕਦੀ ਸਮਕੱਖ (Cash Equivalents) ਨਾਲ ਮਜ਼ਬੂਤ ਤਰਲਤਾ (Liquidity) ਬਣਾਈ ਰੱਖੀ।
* 85% ਲੰਬੇ ਸਮੇਂ ਦੀ ਕੋਲੇ ਦੀ ਸੁਰੱਖਿਆ ਅਤੇ ਤਿਮਾਹੀ ਦੌਰਾਨ ਟੀਐੱਸਟੀਪੀ (TSTP) ਵਿੱਚ ਸਭ ਤੋਂ ਉੱਚੀ ਬਾਇਓਮਾਸ ਕੋ-ਫਾਇਰਿੰਗ ਦਰਜ
ਅਸ਼ੋਕ ਵਰਮਾ
ਮਾਨਸਾ, 30 ਜੁਲਾਈ 2026: ਵੇਦਾਂਤਾ ਪਾਵਰ (NSE: VEDPOWER ਅਤੇ BSE: 544781) ਨੇ 30 ਜੂਨ 2026 ਨੂੰ ਸਮਾਪਤ ਹੋਈ FY27 ਦੀ ਪਹਿਲੀ ਤਿਮਾਹੀ ਦੇ ਨਤੀਜੇ ਜਾਰੀ ਕੀਤੇ। ਕੰਪਨੀ ਨੇ ਇਸ ਦੌਰਾਨ ਬਿਜਲੀ ਵਿਕਰੀ ਵਿੱਚ ਸਾਲਾਨਾ ਆਧਾਰ 'ਤੇ 38% ਵਾਧੇ ਨਾਲ 5,224 ਮਿਲੀਅਨ ਯੂਨਿਟ ਵਿਕਰੀ ਕੀਤੀ, ਜਦਕਿ ਆਮਦਨ 31% ਵਧ ਕੇ ₹2,607 ਕਰੋੜ ਅਤੇ EBITDA ₹291 ਕਰੋੜ ਰਿਹਾ। ਇਹ ਨਤੀਜੇ ਵੇਦਾਂਤਾ ਪਾਵਰ ਦੀਆਂ ਉਤਪਾਦਨ ਸੰਪਤੀਆਂ ਦੇ ਮਜ਼ਬੂਤ ਸੰਚਾਲਨ, ਬਾਜ਼ਾਰ ਵਿੱਚ ਮਜ਼ਬੂਤ ਮੌਜੂਦਗੀ ਅਤੇ ਟਿਕਾਊ ਵਿਕਾਸ ਪ੍ਰਤੀ ਵਚਨਬੱਧਤਾ ਨੂੰ ਦਰਸਾਉਂਦੇ ਹਨ।
ਆਧੁਨਿਕ ਸੰਪਤੀਆਂ ਰਾਹੀਂ ਦੇਸ਼ ਦੀ ਤਰੱਕੀ ਨੂੰ ਊਰਜਾ
ਕੰਪਨੀ ਨੇ ਆਪਣੀ ਕਾਰੋਬਾਰੀ ਮਜ਼ਬੂਤੀ ਨੂੰ ਹੋਰ ਵਧਾਉਂਦੇ ਹੋਏ ਕੁੱਲ ਬਿਜਲੀ ਵਿਕਰੀ ਦਾ 74% ਲੰਬੇ ਅਤੇ ਦਰਮਿਆਨੇ ਸਮੇਂ ਦੇ ਪਾਵਰ ਪਰਚੇਜ਼ ਐਗਰੀਮੈਂਟ (PPA) ਹੇਠ ਯਕੀਨੀ ਬਣਾਇਆ ਹੈ। ਇਸ ਵਿੱਚ ਪੰਜਾਬ, ਓਡੀਸ਼ਾ, ਤਮਿਲਨਾਡੂ ਨਾਲ 500 ਮੈਗਾਵਾਟ ਅਤੇ ਹਾਲ ਹੀ ਵਿੱਚ ਕੇਰਲ ਨਾਲ 100 ਮੈਗਾਵਾਟ ਦਾ ਕਰਾਰ ਸ਼ਾਮਲ ਹੈ। ਵੇਦਾਂਤਾ ਪਾਵਰ ਭਾਰਤ ਦੀ ਪੰਜਵੀਂ ਸਭ ਤੋਂ ਵੱਡੀ ਨਿੱਜੀ ਮਰਚੈਂਟ ਥਰਮਲ ਪਾਵਰ ਉਤਪਾਦਕ ਕੰਪਨੀ ਹੈ, ਜਿਸ ਦੀ 4,180 ਮੈਗਾਵਾਟ ਸਮਰੱਥਾ ਹੈ। ਕੰਪਨੀ ਦੇ ਚਾਰ ਰਣਨੀਤਿਕ ਤੌਰ 'ਤੇ ਸਥਿਤ ਪਾਵਰ ਪਲਾਂਟ ਹਨ— ਪੰਜਾਬ ਵਿੱਚ ਤਲਵੰਡੀ ਸਾਬੋ ਥਰਮਲ ਪਾਵਰ ਪਲਾਂਟ (TSTP), ਆਂਧਰਾ ਪ੍ਰਦੇਸ਼ ਵਿੱਚ ਮੀਨਾਕਸ਼ੀ ਐਨਰਜੀ ਲਿਮਿਟੇਡ, ਓਡੀਸ਼ਾ ਵਿੱਚ ਝਾਰਸੁਗੁੜਾ ਇੰਡੀਪੈਂਡੈਂਟ ਪਾਵਰ ਪਲਾਂਟ ਅਤੇ ਛੱਤੀਸਗੜ੍ਹ ਵਿੱਚ ਸ਼ਕਤੀ ਥਰਮਲ ਪਾਵਰ ਪਲਾਂਟ। ਕੰਪਨੀ ਦੀਆਂ 85% ਕੋਲੇ ਦੀਆਂ ਲੋੜਾਂ ਲੰਬੇ ਸਮੇਂ ਦੇ ਕੋਲਾ ਲਿੰਕੇਜ ਰਾਹੀਂ ਪੂਰੀਆਂ ਹੁੰਦੀਆਂ ਹਨ, ਜਿਸ ਨਾਲ ਈਂਧਨ ਦੀ ਸੁਰੱਖਿਆ ਅਤੇ ਲਾਗਤ ਵਿੱਚ ਸਥਿਰਤਾ ਬਣੀ ਰਹਿੰਦੀ ਹੈ ਅਤੇ ਭੂ-ਰਾਜਨੀਤਿਕ ਅਸਥਿਰਤਾ ਦਾ ਪ੍ਰਭਾਵ ਘਟਦਾ ਹੈ।
ਮੀਨਾਕਸ਼ੀ ਐਨਰਜੀ ਲਿਮਿਟੇਡ ਨੇ ₹112 ਕਰੋੜ ਦਾ ਹੁਣ ਤੱਕ ਦਾ ਸਭ ਤੋਂ ਉੱਚਾ ਤਿਮਾਹੀ EBITDA ਦਰਜ ਕੀਤਾ, ਜੋ ਪਿਛਲੀ ਤਿਮਾਹੀ ਨਾਲੋਂ 20% ਵੱਧ ਹੈ। ਕੰਪਨੀ ਨੇ 1,350 ਮਿਲੀਅਨ ਯੂਨਿਟ ਬਿਜਲੀ ਵੇਚੀ, ਜੋ QoQ ਆਧਾਰ 'ਤੇ 16% ਦਾ ਵਾਧਾ ਹੈ। ਆਯਾਤ ਕੀਤੇ ਕੋਲੇ ਤੋਂ 100% ਦੇਸੀ ਕੋਲੇ ਵੱਲ ਬਦਲਾਅ ਜਾਰੀ ਹੈ, ਜਿਸ ਨਾਲ ਭਵਿੱਖ ਵਿੱਚ ਵਧੀਆ ਮਾਰਜਿਨ ਅਤੇ ਸਥਿਰ ਆਮਦਨ ਦੀ ਉਮੀਦ ਹੈ।
ਤਲਵੰਡੀ ਸਾਬੋ ਥਰਮਲ ਪਾਵਰ ਪਲਾਂਟ (TSTP) ਨੇ ਵੀ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ। ਪਲਾਂਟ ਦਾ ਪਲਾਂਟ ਐਵੇਲਬਿਲਟੀ ਫੈਕਟਰ (PAF) 77% ਤੋਂ ਵੱਧ ਕੇ 86% ਹੋ ਗਿਆ। ਪਲਾਂਟ ਨੇ ਰਾਖ (Ash) ਦੀ ਵਿਕਰੀ ਤੋਂ ਸਾਲਾਨਾ ਆਧਾਰ 'ਤੇ ਦੋਗੁਣੀ ਆਮਦਨ ਹਾਸਲ ਕੀਤੀ ਅਤੇ ਪੰਜਾਬ ਵਿੱਚ ਹੁਣ ਤੱਕ ਦੀ ਸਭ ਤੋਂ ਵੱਧ, ਲਗਭਗ 8%, ਬਾਇਓਮਾਸ ਕੋ-ਫਾਇਰਿੰਗ ਦਰਜ ਕੀਤੀ, ਜਿਸ ਨਾਲ ਲਗਭਗ 1.37 ਲੱਖ ਟਨ CO₂ ਨਿਕਾਸ ਤੋਂ ਬਚਾਅ ਹੋਇਆ। ਇਸ ਦੇ ਨਾਲ ਹੀ ITMS ਲਾਗੂ ਕਰਕੇ ਟਰੱਕਾਂ ਦੇ ਟਰਨਅਰਾਊਂਡ ਸਮੇਂ ਨੂੰ 50% ਤੱਕ ਘਟਾਇਆ ਗਿਆ ਅਤੇ ਸੰਚਾਲਨ ਵਿੱਚ ਪਾਰਦਰਸ਼ਤਾ ਅਤੇ ਕੁਸ਼ਲਤਾ ਵਧਾਈ ਗਈ।
ਵੇਦਾਂਤਾ ਪਾਵਰ ਲਿਮਿਟੇਡ ਦੇ ਮੁੱਖ ਕਾਰਜਕਾਰੀ ਅਧਿਕਾਰੀ (CEO)ਰਾਜਿੰਦਰ ਸਿੰਘ ਆਹੂਜਾ ਨੇ ਕਿਹਾ:
ਇੱਕ ਸੁਤੰਤਰ ਤੌਰ 'ਤੇ ਸੂਚੀਬੱਧ (Standalone Listed) ਕੰਪਨੀ ਵਜੋਂ ਸਾਡੀ ਇਹ ਪਹਿਲੀ ਤਿਮਾਹੀ ਇੱਕ ਮਹੱਤਵਪੂਰਨ ਮੀਲ ਪੱਥਰ ਹੈ। ਮਜ਼ਬੂਤ ਆਮਦਨ, ਬਿਜਲੀ ਵਿਕਰੀ, ਸੰਚਾਲਨ ਕੁਸ਼ਲਤਾ, ਈਂਧਨ ਸੁਰੱਖਿਆ, ਬਿਹਤਰ ਕਰੈਡਿਟ ਰੇਟਿੰਗ ਅਤੇ ਟਿਕਾਊ ਵਿਕਾਸ ਸੰਬੰਧੀ ਪਹਿਲਕਦਮੀਆਂ ਸਾਡੇ ਕਾਰੋਬਾਰ ਦੀ ਮਜ਼ਬੂਤੀ ਅਤੇ ਭਵਿੱਖ ਲਈ ਤਿਆਰੀ ਨੂੰ ਦਰਸਾਉਂਦੀਆਂ ਹਨ। ਸਾਨੂੰ ਇਹ ਦੱਸਦੇ ਹੋਏ ਵੀ ਖੁਸ਼ੀ ਹੈ ਕਿ ਸ਼ਕਤੀ ਪਲਾਂਟ ਦੀ ਲਗਭਗ 600 ਮੈਗਾਵਾਟ ਸਮਰੱਥਾ ਵਾਲੀ ਯੂਨਿਟ-2 ਇਸ ਵਿੱਤੀ ਸਾਲ ਦੇ ਅੰਤ ਤੱਕ ਚਾਲੂ ਕਰਨ ਦੇ ਟੀਚੇ ਅਨੁਸਾਰ ਅੱਗੇ ਵੱਧ ਰਹੀ ਹੈ। ਭਾਰਤ ਦੀ ਵੱਧ ਰਹੀ ਊਰਜਾ ਲੋੜ ਨੂੰ ਧਿਆਨ ਵਿੱਚ ਰੱਖਦੇ ਹੋਏ ਅਸੀਂ ਭਰੋਸੇਯੋਗ, ਕੁਸ਼ਲ ਅਤੇ ਟਿਕਾਊ ਬਿਜਲੀ ਉਪਲਬਧ ਕਰਵਾਉਣ ਅਤੇ ਸਾਰੇ ਹਿੱਸੇਦਾਰਾਂ ਲਈ ਲੰਬੇ ਸਮੇਂ ਦਾ ਮੁੱਲ ਸਿਰਜਣ ਲਈ ਵਚਨਬੱਧ ਹਾਂ।
ਵੇਦਾਂਤਾ ਪਾਵਰ ਲਿਮਿਟੇਡ ਦੇ ਮੁੱਖ ਵਿੱਤੀ ਅਧਿਕਾਰੀ (CFO) ਪੰਕਜ ਝਾ ਨੇ ਕਿਹਾ:
Q1 ਦੇ ਨਤੀਜੇ ਵੇਦਾਂਤਾ ਪਾਵਰ ਦੇ ਵਿਭਿੰਨ ਕਾਰੋਬਾਰੀ ਮਾਡਲ ਦੀ ਮਜ਼ਬੂਤੀ ਨੂੰ ਦਰਸਾਉਂਦੇ ਹਨ। CRISIL AA+ (CE)/AA- ਅਤੇ ICRA AA-/A1+ ਵਰਗੀਆਂ ਬਿਹਤਰ ਕਰੈਡਿਟ ਰੇਟਿੰਗਾਂ, ₹1,130 ਕਰੋੜ ਦੀ ਮਜ਼ਬੂਤ ਤਰਲਤਾ, ਲੰਬੇ ਸਮੇਂ ਦੀ ਕੋਲਾ ਸੁਰੱਖਿਆ ਅਤੇ ਅਨੁਸ਼ਾਸਿਤ ਵਿੱਤੀ ਪ੍ਰਬੰਧਨ ਸਾਨੂੰ ਭਵਿੱਖੀ ਵਿਕਾਸ ਯੋਜਨਾਵਾਂ ਨੂੰ ਸਹਿਯੋਗ ਦੇਣ ਅਤੇ ਹਿੱਸੇਦਾਰਾਂ ਲਈ ਟਿਕਾਊ ਮੁੱਲ ਸਿਰਜਣ ਲਈ ਮਜ਼ਬੂਤ ਸਥਿਤੀ ਵਿੱਚ ਰੱਖਦੇ ਹਨ।
ਟਿਕਾਊ ਵਿਕਾਸ ਵੱਲ ਮਜ਼ਬੂਤ ਕਦਮ
ਵੇਦਾਂਤਾ ਪਾਵਰ ਨੇ ਉਦਯੋਗ ਵਿੱਚ ਅਗੇਤੀ ਬਾਇਓਮਾਸ ਕੋ-ਫਾਇਰਿੰਗ, ਮੀਨਾਕਸ਼ੀ ਐਨਰਜੀ ਲਿਮਿਟੇਡ ਵਿੱਚ 100% ਖਾਰੇ ਪਾਣੀ ਦੀ ਵਰਤੋਂ, ਹੁਣ ਤੱਕ 8.76 ਲੱਖ ਰੁੱਖ ਲਗਾਉਣ, ਤਾਜ਼ੇ ਪਾਣੀ ਦੀ ਖਪਤ ਵਿੱਚ ਸਾਲਾਨਾ ਆਧਾਰ 'ਤੇ 17% ਕਮੀ ਅਤੇ 86% ਰਾਖ ਦੀ ਵਰਤੋਂ ਕਰਦੇ ਹੋਏ ₹10 ਕਰੋੜ ਦੀ ਰਾਖ ਵਿਕਰੀ ਹਾਸਲ ਕੀਤੀ। ਕੰਪਨੀ ਨੇ ਚਾਰ ਰਾਜਾਂ ਵਿੱਚ 3.3 ਲੱਖ ਤੋਂ ਵੱਧ ਲੋਕਾਂ ਦੇ ਜੀਵਨ 'ਤੇ ਸਕਾਰਾਤਮਕ ਪ੍ਰਭਾਵ ਪਾਇਆ ਅਤੇ ਆਪਣੇ ਕਰਮਚਾਰੀਆਂ ਵਿੱਚ 60% ਸਥਾਨਕ ਰੋਜ਼ਗਾਰ ਨੂੰ ਉਤਸ਼ਾਹਿਤ ਕੀਤਾ।
ਵੇਦਾਂਤਾ ਪਾਵਰ ਬਾਰੇ
ਵੇਦਾਂਤਾ ਪਾਵਰ ਲਿਮਿਟੇਡ [NSE: VEDPOWER; BSE: 544781] ਭਾਰਤ ਦੀਆਂ ਅਗੇਤੀ ਨਿੱਜੀ ਬਿਜਲੀ ਉਤਪਾਦਕ ਕੰਪਨੀਆਂ ਵਿੱਚੋਂ ਇੱਕ ਹੈ। 4,780 ਮੈਗਾਵਾਟ ਦੀ ਕੁੱਲ ਥਰਮਲ ਬਿਜਲੀ ਸਮਰੱਥਾ ਨਾਲ ਕੰਪਨੀ ਲੰਬੇ ਸਮੇਂ ਦੇ ਕਰਾਰਾਂ ਰਾਹੀਂ ਦੇਸ਼ ਭਰ ਦੇ ਡਿਸਕਾਮਾਂ ਨੂੰ ਭਰੋਸੇਯੋਗ ਬਿਜਲੀ ਸਪਲਾਈ ਕਰਦੀ ਹੈ। ਸੰਚਾਲਨ ਕੁਸ਼ਲਤਾ, ਤਕਨੀਕੀ ਨੇਤ੍ਰਿਤਵ ਅਤੇ ਸਮਰੱਥਾ ਵਿਸਥਾਰ ਰਾਹੀਂ ਵੇਦਾਂਤਾ ਪਾਵਰ ਭਾਰਤ ਦੀ ਊਰਜਾ ਸੁਰੱਖਿਆ ਨੂੰ ਮਜ਼ਬੂਤ ਬਣਾਉਣ ਵਿੱਚ ਅਹਿਮ ਭੂਮਿਕਾ ਨਿਭਾ ਰਹੀ ਹੈ। ਵਾਤਾਵਰਣ ਸੰਭਾਲ, ਸਮੁਦਾਇਕ ਵਿਕਾਸ ਅਤੇ ਲੋਕ-ਕੇਂਦਰਿਤ ਸੰਸਕ੍ਰਿਤੀ ਦੇ ਨਾਲ ਕੰਪਨੀ ਲੰਬੇ ਸਮੇਂ ਦੇ ਹਿੱਸੇਦਾਰ ਮੁੱਲ ਸਿਰਜਣ ਲਈ ਵਚਨਬੱਧ ਹੈ।
- Download Babushahi App
-
-
