ਐਚਐਮਈਐਲ ਸਦਕਾ ਮਹਿਲਾ ਉਦਯਮਿਤਾ ਸੰਮੇਲਨ ਵਿੱਚ ਪ੍ਰੇਰਣਾ ਦਾ ਕੇਂਦਰ ਬਣੀ ਮਮਤਾ ਅਰੋੜਾ
ਅਸ਼ੋਕ ਵਰਮਾ
ਬਠਿੰਡਾ, 8 ਦਸੰਬਰ 2025 : ਜਿਲ੍ਹਾ ਬਠਿੰਡਾ ਦੇ ਪਿੰਡ ਪੱਕਾ ਕਲਾਂ ਦੀ ਮਮਤਾ ਅਰੋੜਾ ਨੇ ਪੇਂਡੂ ਮਹਿਲਾ ਉਦਯਮਿਤਾ ਦੀ ਅਸਲ ਸ਼ਕਤੀ ਨੂੰ ਰਾਸ਼ਟਰੀ ਮੰਚ 'ਤੇ ਸ਼ਾਨ ਨਾਲ ਪ੍ਰਗਟ ਕਰਦਿਆਂ ਪੰਜਾਬ ਅਤੇ ਖੇਤਰ ਦਾ ਨਾਮ ਰੌਸ਼ਨ ਕੀਤਾ। ਨਵੀਂ ਦਿੱਲੀ ਵਿਚ ਆਯੋਜਿਤ ਰਾਸ਼ਟਰੀ ਮਹਿਲਾ ਉਦਯਮਿਤਾ ਸੰਮੇਲਨ “ਸਥਿਰ ਮਾਡਲਾਂ ਰਾਹੀਂ ਮਹਿਲਾ ਉਦਯਮਾਂ ਨੂੰ ਅੱਗੇ ਵਧਾਉਣਾ (Advance Women Enterprises Through Sustainable Models)” ਵਿੱਚ ਮਮਤਾ ਨੇ ਆਪਣੇ ਪ੍ਰੇਰਣਾਦਾਇਕ ਉਦਯੋਗੀ ਸਫ਼ਰ ਨੂੰ ਸਾਂਝਾ ਕੀਤਾ ਅਤੇ ਸਮਾਗਮ ਦੀ ਮੁੱਖ ਆਕਰਸ਼ਣ ਭਾਗੀਦਾਰ ਰਹੀ। ਐਕਸੈੱਸ ਡਿਵੈਲਪਮੈਂਟ ਦੇ ਸਹਿਯੋਗ ਨਾਲ ਹੋਏ ਇਸ ਪ੍ਰਤਿਸ਼ਠਿਤ ਸੰਮੇਲਨ ਦੀ ਮਿਹਮਾਨ ਨਿਵਾਜ਼ੀ ਰਾਸ਼ਟਰੀ ਗ੍ਰਾਮੀਣ ਜੀਵਿਕਾ ਮਿਸ਼ਨ (NRLM) ਦੀ ਚੀਫ ਸੈਕਰਟਰੀ ਸੁਸ਼ਰੀ ਸਵਾਤੀ ਸ਼ਰਮਾ ਨੇ ਕੀਤੀ। ਉਨ੍ਹਾਂ ਨੇ ਆਪਣੇ ਸੰਬੋਧਨ ਦੌਰਾਨ ਦੇਸ਼-ਪੱਧਰ 'ਤੇ ਮਹਿਲਾਵਾਂ ਨੂੰ ਆਰਥਿਕ ਦਮਦਾਰੀ ਦੇ ਰਾਹ 'ਤੇ ਅੱਗੇ ਵਧਾਣ ਲਈ ਸ਼ੁਰੂ ਕੀਤੀਆਂ ਨਵੀਆਂ ਸਰਕਾਰੀ ਪਹਿਲਾਂ ਅਤੇ ਬਦਲਦੇ ਮੌਕਿਆਂ ਬਾਰੇ ਵਿਸਥਾਰ ਨਾਲ ਜਾਣਕਾਰੀ ਦਿੱਤੀ।
ਸੈਸ਼ਨ ਦੌਰਾਨ ਜਦੋਂ ਪਿੰਡ ਪੱਕਾ ਕਲਾਂ ਦੀ ਮਮਤਾ ਅਰੋੜਾ ਮੰਚ 'ਤੇ ਪਹੁੰਚੀ ਤਾਂ ਸਾਰਾ ਹਾਲ ਪ੍ਰੇਰਣਾ ਨਾਲ ਗੂੰਜ ਉਠਿਆ। ਉਨ੍ਹਾਂ ਨੇ ਸਾਂਝਾ ਕੀਤਾ ਕਿ ਕੁਝ ਸਾਲ ਪਹਿਲਾਂ ਤੱਕ ਘੱਟ ਆਮਦਨ ਅਤੇ ਦਿਨ-ਬ-ਦਿਨ ਦੀਆਂ ਚੁਣੌਤੀਆਂ ਨਾਲ ਜ਼ਿੰਦਗੀ ਬੀਤ ਰਹੀ ਸੀ, ਪਰ ਐਚਐਮਈਐਲ ਦੁਆਰਾ ਸਮਰਥਿਤ ਸੈਲਫ ਹੈਲਪ ਗਰੁੱਪ (SHG) ਪਹਲ, ਜੋ ਹੈਂਡ ਇਨ ਹੈਂਡ ਇੰਡੀਆ ਦੇ ਸਹਿਯੋਗ ਨਾਲ ਲਾਗੂ ਕੀਤੀ ਗਈ, ਨਾਲ ਜੁੜਨ ਤੋਂ ਬਾਅਦ ਉਨ੍ਹਾਂ ਦੀ ਜ਼ਿੰਦਗੀ ਵਿਚ ਨਵੀਂ ਦਿਸ਼ਾ ਆਈ। ਸਤਗੁਰੂ ਸੈਲਫ ਹੈਲਪ ਗਰੁੱਪ ਨਾਲ ਜੁੜਨ ਤੋਂ ਬਾਅਦ ਉਨ੍ਹਾਂ ਨੂੰ ਟ੍ਰੇਨਿੰਗ, ਮੈਨਟਰਸ਼ਿਪ, ਕੱਚੇ ਮਾਲ ਦੀ ਉਪਲਬਧਤਾ, ਬੈਂਕਿੰਗ ਅਤੇ ਵਿੱਤੀ ਸਿੱਖਿਆ, ਅਤੇ ਮਾਰਕੀਟ ਤੱਕ ਪਹੁੰਚ ਜਿਹੇ ਮੌਕੇ ਪ੍ਰਾਪਤ ਹੋਏ, ਜਿਨ੍ਹਾਂ ਦੀ ਵਰਤੋਂ ਕਰਕੇ ਉਨ੍ਹਾਂ ਨੇ ਆਪਣੇ ਆਪ ਨੂੰ ਇੱਕ ਆਤਮਨਿਰਭਰ ਅਤੇ ਉਦਯੋਗਪਤੀ ਵਜੋਂ ਖੜ੍ਹਾ ਕੀਤਾ। ਅੱਜ ਉਹ ਸਫਲਤਾਪੂਰਵਕ ਨੋਟਬੁੱਕ ਨਿਰਮਾਣ ਯੂਨਿਟ ਚਲਾ ਰਹੀ ਹੈ ਅਤੇ ਆਪਣੇ ਪਰਿਵਾਰ ਦੀ ਆਮਦਨ ਵਿੱਚ ਵਾਧਾ ਕਰਨ ਦੇ ਨਾਲ ਨਾਲ ਸਮਾਜ ਵਿਚ ਆਤਮ ਵਿਸ਼ਵਾਸ ਅਤੇ ਮਾਣ ਵੀ ਹਾਸਲ ਕਰ ਰਹੀ ਹੈ। ਧਿਆਨਯੋਗ ਗੱਲ ਇਹ ਹੈ ਕਿ ਹੁਣ ਉਸਦੇ ਗਰੁੱਪ ਦੀਆਂ ਕਰੀਬ ਹੋਰ ਮਹਿਲਾਵਾਂ ਵੀ ਨੋਟਬੁੱਕ ਬਣਾਕੇ ਆਤਮਨਿਰਭਰਤਾ ਵੱਲ ਕਦਮ ਵਧਾ ਰਹੀਆਂ ਹਨ।
ਆਪਣੇ ਪ੍ਰਭਾਵਸ਼ਾਲੀ ਅਤੇ ਭਾਵਪੂਰਣ ਸੰਬੋਧਨ ਵਿੱਚ ਮਮਤਾ ਨੇ ਕਿਹਾ: ਸੈਲਫ ਹੈਲਪ ਗਰੁੱਪ ਨਾਲ ਜੁੜਨ ਤੋਂ ਪਹਿਲਾਂ ਹਰ ਦਿਨ ਚੁਣੌਤੀਆਂ ਨਾਲ ਭਰਿਆ ਹੁੰਦਾ ਸੀ। ਅੱਜ ਮੈਂ ਆਰਥਿਕ ਤੌਰ 'ਤੇ ਸੁਤੰਤਰ, ਆਤਮਵਿਸ਼ਵਾਸੀ ਹਾਂ ਅਤੇ ਆਪਣੇ ਪਰਿਵਾਰ ਦਾ ਸਹਾਰਾ ਬਣ ਸਕੀ ਹਾਂ। ਐਚਐਮਈਐਲ ਦੀ ਸਹਾਇਤਾ ਨੇ ਮੇਰੇ ਸੁਪਨਿਆਂ ਨੂੰ ਪਰ ਲਗਾਏ ਹਨ।” ਉਨ੍ਹਾਂ ਦੇ ਇਹ ਸ਼ਬਦ ਸੁਣ ਕੇ ਹਾਲ ਤਾਲੀਆਂ ਨਾਲ ਗੂੰਜ ਉੱਠਿਆ। ਮਮਤਾ ਅਰੋੜਾ ਦੀ ਇਹ ਉਪਲਬਧੀ ਕੇਵਲ ਪਿੰਡ ਪੱਕਾ ਕਲਾਂ ਅਤੇ ਜਿਲ੍ਹਾ ਬਠਿੰਡਾ ਲਈ ਮਾਣ ਦੀ ਗੱਲ ਨਹੀਂ ਹੈ, ਬਲਕਿ ਇਹ ਇਸ ਗੱਲ ਦਾ ਜੀਤਾ-ਜਾਗਦਾ ਸਬੂਤ ਹੈ ਕਿ ਐਚਐਮਈਐਲ ਦੀ ਮਹਿਲਾ ਸਸ਼ਕਤੀਕਰਨ ਪਹਿਲ ਪੇਂਡੂ ਮਹਿਲਾਵਾਂ ਦੇ ਜੀਵਨ ਵਿੱਚ ਬਦਲਾਅ ਲਿਆ ਰਹੀ ਹੈ।