Punjab Assembly Elections: ਕਾਂਗਰਸ ਵੱਲੋਂ 42 ਮੈਂਬਰੀ ਚੋਣ ਕਮੇਟੀ ਦਾ ਐਲਾਨ, ਪ੍ਰਗਟ ਸਿੰਘ ਬਣੇ ਚੇਅਰਮੈਨ
Ravi Jakhu
ਨਵੀਂ ਦਿੱਲੀ/ਚੰਡੀਗੜ੍ਹ, 18 ਨਵੰਬਰ 2026: ਆਗਾਮੀ ਵਿਧਾਨ ਸਭਾ ਚੋਣਾਂ ਦੀਆਂ ਤਿਆਰੀਆਂ ਨੂੰ ਤੇਜ਼ ਕਰਦਿਆਂ ਆਲ ਇੰਡੀਆ ਕਾਂਗਰਸ ਕਮੇਟੀ (AICC) ਨੇ ਪੰਜਾਬ ਲਈ ਪ੍ਰਦੇਸ਼ ਚੋਣ ਕਮੇਟੀ (Pradesh Election Committee) ਦਾ ਐਲਾਨ ਕਰ ਦਿੱਤਾ ਹੈ। ਪਾਰਟੀ ਦੇ ਜਨਰਲ ਸਕੱਤਰ ਕੇ.ਸੀ. ਵੇਣੂਗੋਪਾਲ ਵੱਲੋਂ ਜਾਰੀ ਕੀਤੇ ਗਏ ਅਧਿਕਾਰਤ ਪ੍ਰੈਸ ਬਿਆਨ ਅਨੁਸਾਰ, ਕਾਂਗਰਸ ਪ੍ਰਧਾਨ ਨੇ ਇਸ ਕਮੇਟੀ ਦੇ ਗਠਨ ਦੇ ਪ੍ਰਸਤਾਵ ਨੂੰ ਤੁਰੰਤ ਪ੍ਰਭਾਵ ਨਾਲ ਮਨਜ਼ੂਰੀ ਦੇ ਦਿੱਤੀ ਹੈ। ਇਸ ਨਵੀਂ ਕਮੇਟੀ ਵਿੱਚ ਕੁੱਲ 42 ਸੀਨੀਅਰ ਆਗੂਆਂ ਨੂੰ ਸ਼ਾਮਲ ਕੀਤਾ ਗਿਆ ਹੈ, ਜੋ ਆਉਣ ਵਾਲੀਆਂ ਚੋਣਾਂ ਵਿੱਚ ਉਮੀਦਵਾਰਾਂ ਦੀ ਚੋਣ ਅਤੇ ਚੋਣ ਰਣਨੀਤੀ ਘੜਨ ਵਿੱਚ ਅਹਿਮ ਭੂਮਿਕਾ ਨਿਭਾਉਣਗੇ।
ਇਸ ਲਿੰਕ 'ਤੇ ਕਲਿੱਕ ਕਰਕੇ ਪੜ੍ਹੋ ਸੂਚੀ- https://drive.google.com/file/d/1AQlhMznHYfZp56SWW46sc_HhEeret_Zy/view?usp=sharing
ਜਾਰੀ ਕੀਤੀ ਗਈ ਸੂਚੀ ਮੁਤਾਬਕ, ਸਾਬਕਾ ਮੰਤਰੀ ਅਤੇ ਸੀਨੀਅਰ ਕਾਂਗਰਸੀ ਆਗੂ ਪ੍ਰਗਟ ਸਿੰਘ ਨੂੰ ਪੰਜਾਬ ਪ੍ਰਦੇਸ਼ ਚੋਣ ਕਮੇਟੀ ਦਾ ਚੇਅਰਮੈਨ ਨਿਯੁਕਤ ਕੀਤਾ ਗਿਆ ਹੈ। ਪਾਰਟੀ ਹਾਈਕਮਾਨ ਵੱਲੋਂ ਇਸ ਕਮੇਟੀ ਵਿੱਚ ਸੂਬੇ ਦੇ ਲਗਭਗ ਸਾਰੇ ਧੜਿਆਂ ਅਤੇ ਸੀਨੀਅਰ ਲੀਡਰਸ਼ਿਪ ਨੂੰ ਨੁਮਾਇੰਦਗੀ ਦੇਣ ਦੀ ਕੋਸ਼ਿਸ਼ ਕੀਤੀ ਗਈ ਹੈ ਤਾਂ ਜੋ ਚੋਣਾਂ ਤੋਂ ਪਹਿਲਾਂ ਪਾਰਟੀ ਵਿੱਚ ਇਕਜੁੱਟਤਾ ਬਣਾਈ ਰੱਖੀ ਜਾ ਸਕੇ।
ਕਮੇਟੀ ਵਿੱਚ ਸ਼ਾਮਲ 42 ਮੈਂਬਰਾਂ ਦੀ ਪੂਰੀ ਸੂਚੀ......
ਪ੍ਰਗਟ ਸਿੰਘ (ਚੇਅਰਮੈਨ)
ਪ੍ਰਤਾਪ ਸਿੰਘ ਬਾਜਵਾ
ਅੰਬਿਕਾ ਸੋਨੀ
ਰਾਜਿੰਦਰ ਕੌਰ ਭੱਠਲ
ਚਰਨਜੀਤ ਸਿੰਘ ਚੰਨੀ
ਸੁਖਜਿੰਦਰ ਸਿੰਘ ਰੰਧਾਵਾ
ਮਨੀਸ਼ ਤਿਵਾੜੀ
ਵਿਜੇ ਇੰਦਰ ਸਿੰਗਲਾ
ਅਮਰਿੰਦਰ ਸਿੰਘ ਰਾਜਾ ਵੜਿੰਗ
ਸ਼ਮਸ਼ੇਰ ਸਿੰਘ ਦੂਲੋ
ਸੁਖਪਾਲ ਸਿੰਘ ਖਹਿਰਾ
ਡਾ. ਅਮਰ ਸਿੰਘ
ਗੁਰਜੀਤ ਸਿੰਘ ਔਜਲਾ
ਸ਼ੇਰ ਸਿੰਘ ਘੁਬਾਇਆ
ਡਾ. ਧਰਮਵੀਰ ਗਾਂਧੀ
ਕਿਸ਼ੋਰੀ ਲਾਲ ਸ਼ਰਮਾ
ਸੰਗਤ ਸਿੰਘ ਗਿਲਜ਼ੀਆਂ
ਸੁਖਵਿੰਦਰ ਸਿੰਘ ਡੈਨੀ
ਰਾਜ ਕੁਮਾਰ ਵੇਰਕਾ
ਕੁਲਜੀਤ ਸਿੰਘ ਨਾਗਰਾ
ਗੁਰਕੀਰਤ ਸਿੰਘ
ਓਮ ਪ੍ਰਕਾਸ਼ ਸੋਨੀ
ਸੰਤੋਸ਼ ਚੌਧਰੀ
ਡਾ. ਮਾਲਤੀ ਥਾਪਰ
ਰਾਣਾ ਕੰਵਰ ਪਾਲ ਸਿੰਘ
ਭਾਰਤ ਭੂਸ਼ਣ ਆਸ਼ੂ
ਅਰੁਣਾ ਚੌਧਰੀ
ਬ੍ਰਹਮ ਮਹਿੰਦਰਾ
ਰਜ਼ੀਆ ਸੁਲਤਾਨਾ
ਤ੍ਰਿਪਤ ਰਾਜਿੰਦਰ ਸਿੰਘ ਬਾਜਵਾ
ਰਾਣਾ ਗੁਰਜੀਤ ਸਿੰਘ
ਸੁਖਬਿੰਦਰ ਸਿੰਘ ਸਰਕਾਰੀਆ
ਗੁਰਪ੍ਰੀਤ ਸਿੰਘ ਕਾਂਗੜ
ਬਲਬੀਰ ਸਿੰਘ ਸਿੱਧੂ
ਸਾਧੂ ਸਿੰਘ ਧਰਮਸੋਤ
ਰਣਦੀਪ ਸਿੰਘ ਨਾਭਾ
ਅਵਤਾਰ ਹੈਨਰੀ ਸੀਨੀਅਰ
ਕੁਸ਼ਲਦੀਪ ਸਿੰਘ ਢਿੱਲੋਂ
ਹਰਦੇਵ ਸਿੰਘ ਲਾਡੀ
ਕੈਪਟਨ ਸੰਦੀਪ ਸਿੰਘ ਸੰਧੂ
ਅਜੀਤ ਇੰਦਰ ਸਿੰਘ ਮੋਫਰ
ਪ੍ਰੋ. ਇਮੈਨੁਅਲ ਨਾਹਰ
ਇਨ੍ਹਾਂ 42 ਆਗੂਆਂ ਤੋਂ ਇਲਾਵਾ, ਕਾਂਗਰਸ ਹਾਈਕਮਾਨ ਨੇ ਪਾਰਟੀ ਦੇ ਕੁਝ ਅਹਿਮ ਅਹੁਦੇਦਾਰਾਂ (ਆਲ ਇੰਡੀਆ ਕਾਂਗਰਸ ਕਮੇਟੀ (AICC) ਦੇ ਜਨਰਲ ਸਕੱਤਰ ਇੰਚਾਰਜ ਪੰਜਾਬ, ਪੰਜਾਬ ਦੇ ਜਨਰਲ ਸਕੱਤਰ ਇੰਚਾਰਜ ਨਾਲ ਤਾਇਨਾਤ ਏ.ਆਈ.ਸੀ.ਸੀ. ਸਕੱਤਰ, ਪੰਜਾਬ ਕਾਂਗਰਸ ਦੇ ਵੱਖ-ਵੱਖ ਫਰੰਟਲ ਸੰਗਠਨਾਂ (ਜਿਵੇਂ ਯੂਥ ਕਾਂਗਰਸ, ਮਹਿਲਾ ਕਾਂਗਰਸ, ਐਨ.ਐਸ.ਯੂ.ਆਈ. ਆਦਿ) ਦੇ ਸੂਬਾ ਪ੍ਰਧਾਨ) ਨੂੰ ਅਹੁਦੇ ਦੇ ਆਧਾਰ 'ਤੇ (ਐਕਸ-ਆਫੀਸ਼ੀਓ) ਇਸ ਚੋਣ ਕਮੇਟੀ ਦਾ ਹਿੱਸਾ ਬਣਾਇਆ ਹੈ।
ਸਿਆਸੀ ਮਾਹਿਰਾਂ ਅਨੁਸਾਰ, ਪੰਜਾਬ ਵਿਧਾਨ ਸਭਾ ਚੋਣਾਂ ਦੇ ਮੱਦੇਨਜ਼ਰ ਇਸ ਕਮੇਟੀ ਦਾ ਗਠਨ ਬੇਹੱਦ ਅਹਿਮ ਮੰਨਿਆ ਜਾ ਰਿਹਾ ਹੈ। ਇਸ ਕਮੇਟੀ ਵਿੱਚ ਸਾਬਕਾ ਮੁੱਖ ਮੰਤਰੀ ਚਰਨਜੀਤ ਸਿੰਘ ਚੰਨੀ, ਵਿਰੋਧੀ ਧਿਰ ਦੇ ਆਗੂ ਪ੍ਰਤਾਪ ਸਿੰਘ ਬਾਜਵਾ, ਸੂਬਾ ਪ੍ਰਧਾਨ ਅਮਰਿੰਦਰ ਸਿੰਘ ਰਾਜਾ ਵੜਿੰਗ, ਸੰਸਦ ਮੈਂਬਰ ਮਨੀਸ਼ ਤਿਵਾੜੀ, ਸੁਖਜਿੰਦਰ ਸਿੰਘ ਰੰਧਾਵਾ, ਰਾਜਿੰਦਰ ਕੌਰ ਭੱਠਲ ਅਤੇ ਅੰਬਿਕਾ ਸੋਨੀ ਵਰਗੇ ਤਜਰਬੇਕਾਰ ਆਗੂਆਂ ਨੂੰ ਸ਼ਾਮਲ ਕਰਕੇ ਪਾਰਟੀ ਨੇ ਸਪੱਸ਼ਟ ਸੰਕੇਤ ਦਿੱਤਾ ਹੈ ਕਿ ਚੋਣ ਮੈਦਾਨ ਵਿੱਚ ਉਤਰਨ ਤੋਂ ਪਹਿਲਾਂ ਟਿਕਟਾਂ ਦੀ ਵੰਡ ਅਤੇ ਚੋਣ ਮੁਹਿੰਮ ਬਾਰੇ ਸਾਰੇ ਫੈਸਲੇ ਸਾਂਝੀ ਸਲਾਹ-ਮਸ਼ਵਰੇ ਨਾਲ ਲਏ ਜਾਣਗੇ। ਆਉਣ ਵਾਲੇ ਦਿਨਾਂ ਵਿੱਚ ਇਸ ਕਮੇਟੀ ਦੀ ਪਲੇਠੀ ਮੀਟਿੰਗ ਹੋਣ ਦੀ ਸੰਭਾਵਨਾ ਹੈ, ਜਿਸ ਵਿੱਚ ਵਿਧਾਨ ਸਭਾ ਹਲਕਿਆਂ ਮੁਤਾਬਕ ਸੰਭਾਵੀ ਉਮੀਦਵਾਰਾਂ ਦੇ ਨਾਵਾਂ 'ਤੇ ਚਰਚਾ ਸ਼ੁਰੂ ਕੀਤੀ ਜਾਵੇਗੀ।
- Download Babushahi App
-
-