ਦਿੱਲੀ 'ਚ ਆਪ੍ਰੇਸ਼ਨ ਵਿਸਟਾ 1.0 ਤਹਿਤ ਵੱਡੀ ਕਾਰਵਾਈ: 4 ਬੰਗਲਾਦੇਸ਼ੀ ਨਾਗਰਿਕ ਕਾਬੂ, ਡਿਪੋਰਟ ਕਰਨ ਦੀ ਪ੍ਰਕਿਰਿਆ ਸ਼ੁਰੂ
ਬਾਬੂਸ਼ਾਹੀ ਬਿਊਰੋ
ਨਵੀਂ ਦਿੱਲੀ, 28 ਅਗਸਤ:
ਦਿੱਲੀ ਪੁਲਿਸ ਦੇ ਸੈਂਟਰਲ ਡਿਸਟ੍ਰਿਕਟ ਸਪੈਸ਼ਲ ਸਟਾਫ਼ ਨੇ 'ਆਪ੍ਰੇਸ਼ਨ ਵਿਸਟਾ 1.0' ਤਹਿਤ ਵੱਡੀ ਕਾਰਵਾਈ ਕਰਦਿਆਂ 4 ਬੰਗਲਾਦੇਸ਼ੀ ਨਾਗਰਿਕਾਂ ਨੂੰ ਗ੍ਰਿਫ਼ਤਾਰ ਕੀਤਾ ਹੈ। ਇਹ ਕਾਰਵਾਈ ਪੁਲਿਸ ਵੱਲੋਂ ਚਲਾਈ ਜਾ ਰਹੀ ਵੀਜ਼ਾ ਸਟੇਟਸ ਵੈਰੀਫਿਕੇਸ਼ਨ ਮੁਹਿੰਮ ਦੌਰਾਨ ਅਮਲ ਵਿੱਚ ਲਿਆਂਦੀ ਗਈ।
ਜਾਂਚ ਦੌਰਾਨ ਸਾਹਮਣੇ ਆਇਆ ਕਿ ਇਹ ਚਾਰੇ ਨਾਗਰਿਕ ਡਬਲ-ਐਂਟਰੀ ਵੀਜ਼ੇ 'ਤੇ ਭਾਰਤ ਆਏ ਸਨ। ਵੀਜ਼ਾ ਨਿਯਮਾਂ ਅਨੁਸਾਰ ਉਨ੍ਹਾਂ ਨੂੰ ਹਰ ਫੇਰੀ ਦੌਰਾਨ ਵੱਧ ਤੋਂ ਵੱਧ 15 ਦਿਨ ਠਹਿਰਨ ਦੀ ਇਜਾਜ਼ਤ ਸੀ, ਪਰ ਪਾਸਪੋਰਟ, ਵੀਜ਼ਾ ਅਤੇ ਹੋਰ ਯਾਤਰਾ ਦਸਤਾਵੇਜ਼ਾਂ ਦੀ ਜਾਂਚ ਕਰਨ 'ਤੇ ਪਤਾ ਲੱਗਾ ਕਿ ਉਹ ਨਿਰਧਾਰਤ ਸਮੇਂ ਤੋਂ ਵੱਧ ਸਮੇਂ ਤੋਂ ਗੈਰ-ਕਾਨੂੰਨੀ ਤੌਰ 'ਤੇ ਭਾਰਤ 'ਚ ਰਹਿ ਰਹੇ ਸਨ।
ਸੈਂਟਰਲ ਡਿਸਟ੍ਰਿਕਟ ਦੇ ਡੀਸੀਪੀ (DCP) ਰੋਹਿਤ ਰਾਜਬੀਰ ਸਿੰਘ ਨੇ ਦੱਸਿਆ ਕਿ ਫੜੇ ਗਏ ਚਾਰੇ ਨਾਗਰਿਕਾਂ ਨੂੰ ਅੱਗੇ ਦੀ ਕਾਨੂੰਨੀ ਕਾਰਵਾਈ ਲਈ ਐਫ.ਆਰ.ਆਰ.ਓ. (FRRO) ਸਾਹਮਣੇ ਪੇਸ਼ ਕੀਤਾ ਗਿਆ ਹੈ। ਐਫ.ਆਰ.ਆਰ.ਓ. ਨੇ ਉਨ੍ਹਾਂ ਦੇ ਖਿਲਾਫ ਪਾਬੰਦੀ ਹੁਕਮ (Restriction Orders) ਜਾਰੀ ਕਰ ਦਿੱਤੇ ਹਨ। ਫਿਲਹਾਲ ਚਾਰੇ ਦੋਸ਼ੀਆਂ ਨੂੰ ਸਰਾਏ ਰੋਹਿਲਾ ਸਥਿਤ ਸੇਵਾ ਧਾਮ ਡਿਟੈਂਸ਼ਨ ਸੈਂਟਰ ਵਿਖੇ ਰੱਖਿਆ ਗਿਆ ਹੈ ਅਤੇ ਉਨ੍ਹਾਂ ਨੂੰ ਵਾਪਸ ਭੇਜਣ (ਡਿਪੋਰਟ ਕਰਨ) ਦੀ ਪ੍ਰਕਿਰਿਆ ਸ਼ੁਰੂ ਕਰ ਦਿੱਤੀ ਗਈ ਹੈ।
- Download Babushahi App
-
-
