ਮੇਅਰ ਪਦਮਜੀਤ ਮਹਿਤਾ ਵੱਲੋਂ ਵਿਰਸਾ ਸੰਭਾਲਣ ਲਈ ਮਿਊਜ਼ੀਅਮ ਆਰਟ ਗੈਲਰੀ ਬਨਾਉਣ ਦਾ ਐਲਾਨ
ਅਸ਼ੋਕ ਵਰਮਾ
ਬਠਿੰਡਾ, 30 ਨਵੰਬਰ 2025 :ਬਠਿੰਡਾ ਦੀ ਸ. ਸੋਭਾ ਸਿੰਘ ਚਿੱਤਰਕਾਰ ਮੈਮੋਰੀਅਲ ਸੁਸਾਇਟੀ ਵੱਲੋਂ ਕਰਵਾਏ ਚਾਰ ਰੋਜ਼ਾ ਦੇ ਵਿੱਚ ਭਾਵ 27 ਨਵੰਬਰ ਤੋਂ ਸ਼ੁਰੂ ਹੋ ਕੇ 30 ਨਵੰਬਰ ਤੱਕ ਚੱਲਣ ਵਾਲੇ ਚਿੱਤਰਕਲਾ ਪ੍ਰਦਰਸ਼ਨੀ ਮੇਲੇ ਦੇ ਅਖੀਰਲੇ ਦਿਨ ਮੁੱਖ ਮਹਿਮਾਨ ਵਜੋਂ ਬਠਿੰਡਾ ਦੇ ਮੇਅਰ ਸ੍ਰੀ ਪਦਮਜੀਤ ਮਹਿਤਾ ਨੇ ਸ਼ਿਰਕਤ ਕੀਤੀ ਅਤੇ ਕਲਾਕਾਰਾਂ ਨੂੰ ਸਨਮਾਨਿਤ ਕੀਤਾ। ਆਪਣੇ ਭਾਸ਼ਣ ਦੌਰਾਨ ਉਨਾਂ ਨੇ ਇਹ ਵਾਅਦਾ ਕੀਤਾ ਕਿ ਬਹੁਤ ਜਲਦ ਬਠਿੰਡਾ ਵਿਖੇ ਚਿੱਤਰਕਾਰਾਂ ਅਤੇ ਕਲਾ ਪ੍ਰੇਮੀਆਂ ਲਈ ਬਹੁਤ ਖੂਬਸੂਰਤ ਆਰਟ ਗੈਲਰੀ ਅਤੇ ਕਲਾ ਮਿਊਜ਼ੀਅਮ ਤਿਆਰ ਕਰਕੇ ਦਿੱਤਾ ਜਾਵੇਗਾ। ਉਹਨਾਂ ਦੱਸਿਆ ਕਿ ਇਸ ਵਿੱਚ ਵੱਖ-ਵੱਖ ਚਿੱਤਰਕਾਰਾਂ ਦੀਆਂ ਕਲਾਕ੍ਰਿਤਾਂ ਪ੍ਰਦਰਸ਼ਤ ਕੀਤੀਆਂ ਜਾਣਗੀਆਂ ਅਤੇ ਇੱਥੇ ਬਠਿੰਡਾ ਅਤੇ ਮਾਲਵੇ ਦਾ ਇਤਿਹਾਸ ਵੀ ਦਰਸਾਇਆ ਜਾਵੇਗਾ।
ਸ. ਸੋਭਾ ਸਿੰਘ ਮੈਮੋਰੀਅਲ ਚਿੱਤਰਕਾਰ ਸੁਸਾਇਟੀ ਵਲੋਂ ਬਠਿੰਡਾ ਦੇ ਟੀਚਰ ਹੋਮ ਟਰਸਟ ਵਿਖੇ ਚਿੱਤਰਕਾਰਾਂ ਅਤੇ ਜੇਤੂ ਵਿਦਿਆਰਥੀਆਂ ਦੇ ਸਨਮਾਨ ਨਾਲ ਅੱਜ ਇਹ ਯਾਦਗਾਰ ਤੋਂ ਨਿਬੜਿਆ। ਵਿਸ਼ੇਸ਼ ਮਹਿਮਾਨ ਦੇ ਤੌਰ ਤੇ ਸੁਖਮੰਦਰ ਸਿੰਘ ਚੱਠਾ ਐਮਡੀ ਫਤਿਹ ਗਰੁੱਪ ਆਫ ਇੰਸਟੀਟਿਊਸ਼ਨ ਰਾਮਪੁਰਾ ਫੂਲ ਨੇ ਵਿਦਿਆਰਥੀਆਂ ਅਤੇ ਚਿੱਤਰਕਾਰਾਂ ਦਾ ਟਰਾਫ਼ੀਆਂ ਅਤੇ ਸਰਟੀਫਿਕੇਟ ਦੇ ਕੇ ਸਨਮਾਨ ਕੀਤਾ। ਇਸ ਮੌਕੇ ਸੰਜੇ ਮਲਹੋਤਰਾ ਐਮ.ਡੀ. ਕੀਰਤੀ ਪਬਲੀਕੇਸ਼ਨ ਗੁੜਗਾਉਂ ਅਤੇ ਸੂਰਜ ਪ੍ਰਕਾਸ਼ ਹਾਜ਼ਰ ਰਹੇ।ਇਸ ਵਾਰ ਦਾ ਕਲਾ ਮੇਲਾ ਸ. ਮਿਹਰ ਸਿੰਘ (ਵਿਸ਼ਵ ਪ੍ਰਸਿੱਧ ਚਿੱਤਰਕਾਰ) ਨੂੰ ਸਮਰਪਿਤ ਕੀਤਾ ਗਿਆ। ਇੱਥੇ ਜ਼ਿਕਰਯੋਗ ਹੈ ਕਿ ਇਸ ਵਾਰ ਇਹ ਕਲਾ ਮੇਲਾ ਬਠਿੰਡਾ ਦੀ ਟਰੀ ਲਵਰ ਸੋਸਾਇਟੀ, ਬਠਿੰਡਾ ਫਲਾਵਰ ਫੈਸਟੀਵਲ ਸੰਗਠਨ ਅਤੇ ਕੀਰਤੀ ਪਬਲੀਕੇਸ਼ਨ, ਗੁੜਗਾਓ ਦੇ ਸਹਿਯੋਗ ਨਾਲ ਇਹ ਸਾਂਝਾ ਉਦਮ ਕੀਤਾ ਗਿਆ।
ਇਸ ਸਬੰਧੀ ਸੁਸਾਇਟੀ ਦੇ ਪ੍ਰਧਾਨ ਡਾ. ਅਮਰੀਕ ਸਿੰਘ, ਜਨਰਲ ਸਕੱਤਰ ਆਰਟਿਸਟ ਗੁਰਪ੍ਰੀਤ ਬਠਿੰਡਾ, ਸਰਪ੍ਰਸਤ ਅਮਰਜੀਤ ਸਿੰਘ ਪੇਂਟਰ ਅਤੇ ਪ੍ਰੈਸ ਸਕੱਤਰ ਸੰਦੀਪ ਸ਼ੇਰਗਿਲ ਦੁਆਰਾ ਪ੍ਰੈਸ ਮੀਡੀਆ ਨਾਲ ਇਹ ਜਾਣਕਾਰੀ ਸਾਂਝੀ ਕੀਤੀ ਗਈ ਕਿ ਇਸ ਪ੍ਰਦਰਸ਼ਨੀ ਵਿੱਚ 80 ਤੋਂ ਜਿਆਦਾ ਕਲਾਕਾਰਾਂ ਦੀਆਂ ਪੇਂਟਿੰਗਾਂ ਅਤੇ ਹੋਰ ਆਰਟ ਵਰਕ ਪ੍ਰਦਰਸ਼ਿਤ ਕੀਤੇ ਗਏ ਹਨ। ਜਿਨਾਂ ਵਿੱਚ ਵਿਦਿਆਰਥੀ ਆਰਟਿਸ ਵੀ ਸ਼ਾਮਿਲ ਹਨ। ਉਹਨਾਂ ਕਿਹਾ ਕਿ ਇਸ ਚਿੱਤਰਕਲਾ ਸੁਸਾਇਟੀ ਦੇ ਬਹੁਤ ਸਾਰੇ ਹੋਣਹਾਰ ਆਰਟਿਸਟ ਅੱਜ ਦੁਨੀਆ ਅਤੇ ਦੇਸ਼ ਦੇ ਕੋਨੇ ਕੋਨੇ ਵਿੱਚ ਆਪਣੀ ਕਲਾ ਦਾ ਪ੍ਰਦਰਸ਼ਨ ਕਰ ਰਹੇ ਹਨ।ਇਸ ਸਾਲ ਇਸ ਪ੍ਰੋਗਰਾਮ ਤਹਿਤ ਲਾਈਫ ਟਾਈਮ ਅਚੀਵਮੈਂਟ ਅਵਾਰਡ ਸ. ਹਰਦਰਸ਼ਨ ਸਿੰਘ ਸੋਹਲ ਅਤੇ ਸਲਾਨਾ ਸਨਮਾਨ ਸ. ਜਸਪ੍ਰੀਤ ਸਿੰਘ ਚੰਡੀਗੜ੍ਹ, ਤਰਸੇਮ ਸਿੰਘ ਚੰਡੀਗੜ੍ਹ, ਸ੍ਰੀਮਤੀ ਹਰਸ਼ ਇੰਦਰ ਲੂੰਬਾ ਦਿੱਲੀ, ਰੂਬੀ ਰਾਣੀ,ਗੁਰਦੀਪ ਸਿੰਘ ਮੰਡੀ ਕਲਾਂ ਹੋਰਾਂ ਨੂੰ ਦੇ ਕੇ ਸਨਮਾਨਿਤ ਕੀਤਾ ਗਿਆ।
ਇਸ ਕਲਾ ਮੇਲੇ ਵਿੱਚ ਚਿੱਤਰਕਾਰ ਸੋਹਨ ਸਿੰਘ, ਅਮਰਜੀਤ ਪੇਂਟਰ, ਡਾਕਟਰ ਅਮਰੀਕ ਸਿੰਘ, ਗੁਰਪ੍ਰੀਤ ਆਰਟਿਸਟ, ਹਰਦਰਸ਼ਨ ਸੋਹਲ, ਬਲਰਾਜ ਬਰਾੜ ਮਾਨਸਾ,ਯਸ਼ਪਾਲ ਜੈਤੋ, ਜਸਪਾਲ ਪਾਲਾ, ਬਸੰਤ ਸਿੰਘ, ਕੇਵਲ ਕ੍ਰਿਸ਼ਨ, ਸੁਰੇਸ਼ ਮੰਗਲਾ, ਹਰੀ ਚੰਦ, ਪਰਸ਼ੋਤਮ ਕੁਮਾਰ, ਸੁਰੀਲ ਕੁਮਾਰ ਗਿੱਦੜਬਾਹਾ, ਕ੍ਰਿਸ਼ਨ ਰਤੀਆ, ਮਾਧੋਦਾਸ, ਭਾਵਨਾ ਗਰਗ, ਹਰਦੀਪ ਸਿੰਘ ਰਾਜਗੜ੍ਹ ਕੁੱਬੇ, ਸੰਦੀਪ ਸ਼ੇਰਗਿੱਲ, ਸੁਰੇਸ਼ ਮੰਗਲਾ, ਕੇਵਲ ਕ੍ਰਿਸ਼ਨ, ਮਿਥੁਨ ਮੰਡਲ,ਪਰਮਿੰਦਰ ਪੈਰੀ, ਚਿੰਤਨ ਸ਼ਰਮਾ, ਪੁਨੀਤ ਸ਼ਰਮਾ, ਅਮਰੀਕ ਮਾਨਸਾ, ਗੁਰਪ੍ਰੀਤ ਮਾਨਸਾ, ਹਰਜਿੰਦਰ ਮਾਨਸਾ,ਅਮਿਤ, ਲਖਵਿੰਦਰ ਲੱਕੀ, ਰੇਖਾ ਕੁਮਾਰੀ, ਸਾਬੀਆ ਅਗਰਵਾਲ, ਅੰਮ੍ਰਿਤਾ ਨੰਦਨ, ਗੁਰਜੀਤ ਪਲਾਹਾ, ਰਮਨਦੀਪ ਕੌਰ, ਬਬੀਤਾ ਸਿੰਗਲਾ, ਆਸ਼ਿਮਾ, ਮਨਪ੍ਰੀਤ ਕੌਰ, ਨਵਪ੍ਰੀਤ ਸਿੰਘ, ਸਰਗਮ, ਭਜਨ ਲਾਲ, ਟੇਕ ਚੰਦ, ਇੰਦਰਜੀਤ ਸਿੰਘ, ਜੀਵਨ ਜੋਤੀ, ਰਿਤੇਸ਼ ਕੁਮਾਰ, ਹਰਪ੍ਰੀਤ ਰਿੰਕੂ, ਭੂਮਿਕਾ, ਮਨਪ੍ਰੀਤ ਕੌਰ, ਰੂਪਾਂਸ਼ੀ, ਪਰਨੀਤ ਕੌਰ ਸੰਗਰੂਰ, ਆਦਿ ਤੋਂ ਇਲਾਵਾ ਅਨੇਕਾਂ ਹੋਰ ਚਿੱਤਰਕਾਰਾਂ ਨੇ ਇਸ ਪ੍ਰਦਰਸ਼ਨੀ ਵਿੱਚ ਹਿੱਸਾ ਲਿਆ।