ਸੁਖਾਲਾ ਅਤੇ ਤੇਜ਼ ਵੀਜ਼ਾ ਸਿਸਟਮ
ਇਮੀਗ੍ਰੇਸ਼ਨ ਨਿਊਜ਼ੀਲੈਂਡ ਨੇ ਗਰੁੱਪ ਅਤੇ ਟੂਰ ਐਸਕਾਰਟ ਵਿਜ਼ਟਰ ਵੀਜ਼ਾ ਅਰਜ਼ੀਆਂ ਨੂੰ ਕੀਤਾ ਆਨ ਲਾਈਨ
-ਪੁਰਾਣੇ ਡਰਾਫਟ ਫਾਰਮ ਜਮ੍ਹਾਂ ਕਰਵਾਉਣ ਲਈ 7 ਅਕਤੂਬਰ ਤੱਕ ਦਾ ਦਿੱਤਾ ਗਿਆ ਸਮਾਂ
ਹਰਜਿੰਦਰ ਸਿੰਘ ਬਸਿਆਲਾ-
ਔਕਲੈਂਡ, 27 ਅਗਸਤ 2026:-ਇਮੀਗ੍ਰੇਸ਼ਨ ਨਿਊਜ਼ੀਲੈਂਡ ਨੇ ਆਪਣੇ ਵੀਜ਼ਾ ਸਿਸਟਮ ਵਿੱਚ ਇੱਕ ਮਹੱਤਵਪੂਰਨ ਸੁਧਾਰ ਕਰਦਿਆਂ ਗਰੁੱਪ ਅਤੇ ਟੂਰ ਐਸਕਾਰਟ ਵਿਜ਼ਟਰ ਵੀਜ਼ਾ ਅਰਜ਼ੀਆਂ ਨੂੰ ਆਪਣੇ ਨਵੇਂ ਇਨਹਾਂਸਡ ਇਮੀਗ੍ਰੇਸ਼ਨ ਆਨਲਾਈਨ ਸਿਸਟਮ ਤੇ ਤਬਦੀਲ ਕਰ ਦਿੱਤਾ ਹੈ। ਇਸ ਕਦਮ ਨਾਲ ਵੀਜ਼ਾ ਅਪਲਾਈ ਕਰਨ ਵਾਲੇ ਯਾਤਰੀਆਂ ਅਤੇ ਟੂਰ ਏਜੰਸੀਆਂ ਨੂੰ ਪਹਿਲਾਂ ਨਾਲੋਂ ਜ਼ਿਆਦਾ ਤੇਜ਼ ਅਤੇ ਆਸਾਨ ਸੇਵਾਵਾਂ ਮਿਲਣਗੀਆਂ। 24 ਅਗਸਤ 2026 ਤੋਂ ਨਵੀਂ ਅਰਜ਼ੀ ਸ਼ੁਰੂ ਕਰਨ ਵਾਲੇ ਸਾਰੇ ਆਵੇਦਕਾਂ ਨੂੰ ਸਿੱਧਾ ਇਸ ਨਵੇਂ ਆਨਲਾਈਨ ਸਿਸਟਮ ਤੇ ਭੇਜਿਆ ਜਾ ਰਿਹਾ ਹੈ।
ਇਮੀਗ੍ਰੇਸ਼ਨ ਵਿਭਾਗ ਦੇ ਆਵਰ ਫਿਊਚਰ ਸਰਵਿਸਿਜ਼ ਪ੍ਰੋਗਰਾਮ ਤਹਿਤ ਇਹ ਬਦਲਾਅ ਕੀਤਾ ਗਿਆ ਹੈ। ਵਿਭਾਗ ਦਾ ਮੁੱਖ ਮਕਸਦ ਵੀਜ਼ਾ ਪ੍ਰੋਸੈਸਿੰਗ ਸਮੇਂ ਨੂੰ ਘਟਾਉਣਾ, ਸਪੱਸ਼ਟ ਜਾਣਕਾਰੀ ਦੇਣਾ ਅਤੇ ਗਾਹਕਾਂ ਲਈ ਸੈਲਫ ਸਰਵਿਸ ਦੀਆਂ ਸੁਵਿਧਾਵਾਂ ਵਧਾਉਣਾ ਹੈ। ਇਸ ਨਵੇਂ ਸਿਸਟਮ ਵਿੱਚ ਗਰੁੱਪ ਵੀਜ਼ਾ ਅਰਜ਼ੀਆਂ ਨੂੰ ਹੋਰ ਮੈਂਬਰਾਂ ਅਤੇ ਟੂਰ ਏਜੰਸੀ ਦੇ ਸਟਾਫ ਨਾਲ ਸਾਂਝਾ ਕਰਨ ਦੀ ਵਿਸ਼ੇਸ਼ ਸਹੂਲਤ ਵੀ ਦਿੱਤੀ ਗਈ ਹੈ।
ਜਿਨ੍ਹਾਂ ਆਵੇਦਕਾਂ ਨੇ ਪੁਰਾਣੇ ਸਿਸਟਮ ਵਿੱਚ ਪਹਿਲਾਂ ਹੀ ਆਪਣੀਆਂ ਅਰਜ਼ੀਆਂ ਜਮ੍ਹਾਂ ਕਰਵਾਈਆਂ ਹੋਈਆਂ ਹਨ, ਉਨ੍ਹਾਂ ਦੀਆਂ ਅਰਜ਼ੀਆਂ ਤੇ ਪ੍ਰੋਸੈਸਿੰਗ ਜਾਰੀ ਰਹੇਗੀ ਅਤੇ ਉਨ੍ਹਾਂ ਨੂੰ ਕੁਝ ਵੀ ਕਰਨ ਦੀ ਲੋੜ ਨਹੀਂ ਹੈ। ਹਾਲਾਂਕਿ, ਜਿਨ੍ਹਾਂ ਯਾਤਰੀਆਂ ਦੇ ਡਰਾਫਟ ਫਾਰਮ ਪੁਰਾਣੇ ਸਿਸਟਮ ਵਿੱਚ ਅਧੂਰੇ ਪਏ ਹਨ, ਉਨ੍ਹਾਂ ਕੋਲ 7 ਅਕਤੂਬਰ 2026 ਤੱਕ ਦਾ ਸਮਾਂ ਹੈ। 8 ਅਕਤੂਬਰ ਨੂੰ ਇਹ ਪੁਰਾਣੇ ਡਰਾਫਟ ਆਪਣੇ ਆਪ ਡਿਲੀਟ ਹੋ ਜਾਣਗੇ ਅਤੇ ਯੂਜ਼ਰਸ ਨੂੰ ਨਵੇਂ ਸਿਸਟਮ ਤੇ ਦੁਬਾਰਾ ਅਰਜ਼ੀ ਸ਼ੁਰੂ ਕਰਨੀ ਪਵੇਗੀ।
ਨਵੇਂ ਗਰੁੱਪ ਵੀਜ਼ਾ ਦੇ ਨਿਯਮਾਂ ਅਨੁਸਾਰ ਇਕੱਠੇ ਯਾਤਰਾ ਕਰਨ ਵਾਲੇ ਸਮੂਹ ਲਈ ਇੱਕ ਵਿਅਕਤੀ ਅਰਜ਼ੀ ਦੇਵੇਗਾ ਅਤੇ ਫੀਸ ਦਾ ਭੁਗਤਾਨ ਕਰੇਗਾ। ਇਸ ਵੀਜ਼ਾ ਦੀ ਫੀਸ 271 ਨਿਊਜ਼ੀਲੈਂਡ ਡਾਲਰ ਤੋਂ ਸ਼ੁਰੂ ਹੁੰਦੀ ਹੈ ਅਤੇ ਆਮ ਤੌਰ ਤੇ 80 ਪ੍ਰਤੀਸ਼ਤ ਅਰਜ਼ੀਆਂ ਦਾ ਨਿਪਟਾਰਾ 2 ਹਫ਼ਤਿਆਂ ਦੇ ਅੰਦਰ ਕਰ ਦਿੱਤਾ ਜਾਂਦਾ ਹੈ। ਵਿਭਾਗ ਨੇ ਸਾਰੇ ਯਾਤਰੀਆਂ ਨੂੰ ਨਵੇਂ ਸਿਸਟਮ ਰਾਹੀਂ ਹੀ ਅਰਜ਼ੀਆਂ ਭਰਨ ਦੀ ਅਪੀਲ ਕੀਤੀ ਹੈ ਤਾਂ ਜੋ ਦੇਰੀ ਤੋਂ ਬਚਿਆ ਜਾ ਸਕੇ।
ਇਮੀਗ੍ਰੇਸ਼ਨ ਨਿਊਜ਼ੀਲੈਂਡ ਅਨੁਸਾਰ ਆਮ ਵੀਜ਼ਾ, ਗਰੁੱਪ ਵੀਜ਼ਾ ਅਤੇ ਟੂਰ ਐਸਕਾਰਟ ਵੀਜ਼ਾ ਵਿਚਕਾਰ ਮੁੱਖ ਅੰਤਰ ਇਹ ਹਨ:
-
ਆਮ ਯਾਤਰੀ ਵੀਜ਼ਾ (7eneral Visitor Visa): ਇਹ ਵੀਜ਼ਾ ਇਕੱਲੇ ਯਾਤਰਾ ਕਰਨ ਵਾਲੇ ਵਿਅਕਤੀਆਂ ਜਾਂ ਪਰਿਵਾਰਾਂ ਲਈ ਹੈ, ਜੋ ਛੁੱਟੀਆਂ ਮਨਾਉਣ, ਰਿਸ਼ਤੇਦਾਰਾਂ ਨੂੰ ਮਿਲਣ ਜਾਂ ਛੋਟੀ ਮਿਆਦ ਦੀ ਪੜ੍ਹਾਈ ਲਈ ਨਿਊਜ਼ੀਲੈਂਡ ਆਉਂਦੇ ਹਨ। ਇਸ ਤਹਿਤ ਆਮ ਤੌਰ ’ਤੇ 18 ਮਹੀਨਿਆਂ ਦੇ ਅਰਸੇ ਵਿੱਚ 9 ਮਹੀਨੇ ਤੱਕ ਠਹਿਰਨ ਦੀ ਇਜਾਜ਼ਤ ਮਿਲਦੀ ਹੈ।
-
ਗਰੁੱਪ ਯਾਤਰੀ ਵੀਜ਼ਾ (7roup Visitor Visa): ਇਹ ਵੀਜ਼ਾ ਉਨ੍ਹਾਂ ਯਾਤਰੀਆਂ ਦੇ ਸਮੂਹ ਲਈ ਹੈ ਜੋ ਇੱਕੋ ਮਕਸਦ ਅਤੇ ਇੱਕੋ ਸਮੇਂ ਇਕੱਠੇ ਨਿਊਜ਼ੀਲੈਂਡ ਦੀ ਯਾਤਰਾ ਕਰਦੇ ਹਨ। ਇਸ ਦੀ ਠਹਿਰਨ ਦੀ ਮਿਆਦ ਆਮ ਤੌਰ ’ਤੇ 1 ਮਹੀਨੇ ਤੱਕ ਹੁੰਦੀ ਹੈ।
-
ਟੂਰ ਐਸਕਾਰਟ ਯਾਤਰੀ ਵੀਜ਼ਾ (“our 5scort Visitor Visa): ਇਹ ਵੀਜ਼ਾ ਵਿਦੇਸ਼ੀ ਟੂਰ ਕੰਪਨੀਆਂ ਦੇ ਉਨ੍ਹਾਂ ਕਰਮਚਾਰੀਆਂ ਜਾਂ ਪ੍ਰਬੰਧਕਾਂ ਲਈ ਹੈ ਜੋ ਕਿਸੇ ਟੂਰ ਗਰੁੱਪ ਦੀ ਦੇਖਭਾਲ, ਪ੍ਰਬੰਧਨ ਜਾਂ ਅਨੁਵਾਦ ਲਈ ਨਾਲ ਆਉਂਦੇ ਹਨ। ਇਸ ਦੀ ਮਿਆਦ ਆਮ ਤੌਰ ’ਤੇ 3 ਮਹੀਨੇ ਤੱਕ ਹੁੰਦੀ ਹੈ। ਧਿਆਨ ਰਹੇ ਕਿ ਟੂਰ ਐਸਕਾਰਟ ਸਿਰਫ਼ ਗਰੁੱਪ ਦੀ ਇੰਤਜ਼ਾਮੀ ਦੇਖਭਾਲ ਕਰ ਸਕਦਾ ਹੈ, ਉਹ ਨਿਊਜ਼ੀਲੈਂਡ ਵਿੱਚ ਸਥਾਨਕ ਜਾਣਕਾਰੀ ਦੇਣ ਵਾਲੇ ’ਟੂਰ ਗਾਈਡ’ ਵਜੋਂ ਕੰਮ ਨਹੀਂ ਕਰ ਸਕਦਾ (ਉਸ ਲਈ ਵੱਖਰਾ ਕੰਮ ਦਾ ਵੀਜ਼ਾ ਚਾਹੀਦਾ ਹੈ)।
- Download Babushahi App
-
-
