ਜੋਅ ਬਾਈਡੇਨ ਅਤੇ ਕਮਲਾ ਹੈਰਿਸ ਨੂੰ ਚੋਣਾਂ ਤੋਂ ਪਹਿਲਾਂ ਧਮਕੀ ਦੇਣ ਵਾਲਾ ਵਿਅਕਤੀ ਦੋਸ਼ੀ ਕਰਾਰ
ਗੁਰਿੰਦਰਜੀਤ ਨੀਟਾ ਮਾਛੀਕੇ,
ਫਰਿਜ਼ਨੋ (ਕੈਲੀਫੋਰਨੀਆ), 23 ਜੂਨ 2021: ਅਮਰੀਕਾ ਦੇ ਰਾਸ਼ਟਰਪਤੀ ਜੋਅ ਬਾਈਡੇਨ ਅਤੇ ਉਪ-ਰਾਸ਼ਟਰਪਤੀ ਕਮਲਾ ਹੈਰਿਸ ਨੂੰ ਚੋਣਾਂ ਤੋਂ ਪਹਿਲਾਂ ਇੱਕ ਪੱਤਰ ਰਾਹੀਂ ਧਮਕੀ ਦੇਣ ਵਾਲੇ ਮੈਰੀਲੈਂਡ ਦੇ ਇੱਕ ਵਿਅਕਤੀ ਨੂੰ ਮੰਗਲਵਾਰ ਨੂੰ ਫੈਡਰਲ ਅਦਾਲਤ ਵਿੱਚ ਇਸਦੇ ਲਈ ਦੋਸ਼ੀ ਪਾਇਆ ਗਿਆ ਹੈ। ਅਮਰੀਕੀ ਅਟਾਰਨੀ ਦੇ ਦਫਤਰ ਅਨੁਸਾਰ ਫਰੈਡਰਿਕ ਦੇ 42 ਸਾਲਾਂ ਜੇਮਜ਼ ਰੀਡ ਨੇ ਰਾਸ਼ਟਰਪਤੀ , ਉਪ-ਰਾਸ਼ਟਰਪਤੀ ਪਦ ਲਈ ਕਿਸੇ ਵੱਡੇ ਉਮੀਦਵਾਰ ਨੂੰ ਧਮਕੀਆਂ ਦੇਣ ਦੇ ਦੋਸ਼ਾਂ ਨੂੰ ਮੰਨ ਲਿਆ ਹੈ। ਉਸਨੂੰ ਸਟੇਟ ਦੇ ਸਬੰਧਤ ਦੋਸ਼ਾਂ ਵਿੱਚ ਦੋਸ਼ੀ ਠਹਿਰਾਇਆ ਗਿਆ ਸੀ। ਇਸ ਮਾਮਲੇ ਵਿੱਚ 4 ਅਕਤੂਬਰ ਨੂੰ, ਫਰੈਡਰਿਕ ਦੇ ਇੱਕ ਘਰ , ਜਿਸਦੇ ਉੱਪਰ ਬਾਈਡੇਨ ਦੀ ਸੁਪੋਰਟ ਲਈ ਨਿਸ਼ਾਨਦੇਹੀ ਕੀਤੀ ਸੀ, ਦੇ ਇੱਕ ਦਰਵਾਜ਼ੇ 'ਤੇ ਲੱਗੇ ਸੀ ਸੀ ਟੀ ਵੀ ਕੈਮਰੇ ਨੇ ਰੀਡ ਦੁਆਰਾ ਇੱਕ ਪੱਤਰ ਪੋਸਟ ਕਰਦੇ ਦੀ ਰਿਕਾਰਡਿੰਗ ਕੀਤੀ ਜਿਸ ਵਿੱਚ ਉਮੀਦਵਾਰਾਂ ਨੂੰ ਸਰੀਰਕ ਨੁਕਸਾਨ ਅਤੇ ਫਾਂਸੀ ਦੀ ਧਮਕੀ ਦਿੱਤੀ ਗਈ ਸੀ। ਪੱਤਰ ਵਿੱਚ ਡੈਮੋਕਰੇਟਸ ਵਿਰੁੱਧ ਹਿੰਸਾ ਦੀ ਧਮਕੀ ਵੀ ਦਿੱਤੀ ਗਈ ਸੀ ਅਤੇ ਕਿਹਾ ਗਿਆ ਸੀ ਕਿ ਗਰੈਂਡਪਾ ਬਾਈਡੇਨ ਅਤੇ ਹੈਰਿਸ ਦੋਵਾਂ ਉੱਤੇ ਹਮਲਾ ਕੀਤਾ ਜਾਵੇਗਾ । ਇਸਦੇ ਇਲਾਵਾ ਪੱਤਰ ਵਿੱਚ ਇਹ ਵੀ ਕਿਹਾ ਗਿਆ ਸੀ ਕਿ ਉਮੀਦਵਾਰਾਂ ਦੇ ਸਮਰੱਥਕਾਂ ਨੂੰ ਵੀ ਨਿਸ਼ਾਨਾ ਬਣਾਇਆ ਜਾਵੇਗਾ। ਜਾਂਚ ਅਧਿਕਾਰੀਆਂ ਅਨੁਸਾਰ ਰੀਡ ਕੋਲ ਰਜਿਸਟਰ ਹਥਿਆਰ ਸਨ। ਇੱਕ ਇੰਟਰਵਿਊ ਵਿੱਚ, ਰੀਡ ਨੇ ਮੰਨਿਆ ਕਿ ਉਸਨੇ ਪੱਤਰ ਲਿਖਿਆ ਅਤੇ ਪਹਿਲੇ ਉਸ ਘਰ ਵਿੱਚ ਪਹੁੰਚਾ ਦਿੱਤਾ ਜਿਸ 'ਤੇ ਕਈ ਡੈਮੈਕਰੇਟਸ ਰਾਜਨੀਤਿਕ ਨਿਸ਼ਾਨ ਸਨ। ਆਪਣੀ ਇਸ ਕਾਰਵਾਈ ਲਈ ਰੀਡ 27 ਜੁਲਾਈ ਨੂੰ ਸਜਾ ਸੁਣਵਾਈ ਦੌਰਾਨ ਫੈਡਰਲ ਜੇਲ੍ਹ ਵਿੱਚ ਪੰਜ ਸਾਲ ਦੀ ਸਜ਼ਾ ਦਾ ਸਾਹਮਣਾ ਕਰ ਰਿਹਾ ਹੈ।