ਕੈਨੇਡਾ ਵਾਸੀ ਵੱਲੋਂ ਸਕੂਲ ਨੂੰ RO ਕੀਤਾ ਭੇਟ
ਪ੍ਰਮੋਦ ਭਾਰਤੀ
ਨਵਾਂਸ਼ਹਿਰ 28 ਮਾਰਚ 2026- ਸਰਕਾਰੀ ਸੀਨੀਅਰ ਸੈਕੰਡਰੀ ਸਕੂਲ ਕਰਿਆਮ ਵਿੱਚ ਪਿੰਡ ਦੇ ਪ੍ਰਸਿੱਧ ਦਾਨੀ ਦਲਬੀਰ ਸਿੰਘ ਪਾਬਲਾ (ਕੈਨੇਡਾ ਵਾਸੀ) ਵੱਲੋਂ RO (ਪਾਣੀ ਸ਼ੁੱਧ ਕਰਨ ਵਾਲਾ ਸਿਸਟਮ) ਭੇਟ ਕੀਤਾ ਗਿਆ, ਜਿਸ ਦੀ ਕੀਮਤ 19500 ਰੁਪਏ ਹੈ। ਇਸ ਦੇ ਨਾਲ ਹੀ ਉਨ੍ਹਾਂ ਵੱਲੋਂ ਸਕੂਲ ਲਈ 5000 ਰੁਪਏ ਨਕਦ ਰਾਸ਼ੀ ਬੱਚਿਆਂ ਲਈ ਕਾਪੀਆਂ ਤੇ ਪੈਨ ਲਈ ਭੇਟ ਕੀਤੀ ।
ਇਸ ਮੌਕੇ ਸਕੂਲ ਪ੍ਰਬੰਧਕਾਂ ਅਤੇ ਸਟਾਫ ਵੱਲੋਂ ਦਲਬੀਰ ਸਿੰਘ ਪਬਲਾ ਦਾ ਦਿਲੋਂ ਧੰਨਵਾਦ ਕੀਤਾ ਗਿਆ। ਸਕੂਲ ਦੀ ਇੰਚਾਰਜ ਸ੍ਰੀਮਤੀ ਸੰਤੋਸ਼ ਕੁਮਾਰੀ ਨੇ ਉਨ੍ਹਾਂ ਦੀ ਇਸ ਨੇਕ ਸੇਵਾ ਦੀ ਸਰਾਹਨਾ ਕਰਦਿਆਂ ਕਿਹਾ ਕਿ ਇਸ ਨਾਲ ਵਿਦਿਆਰਥੀਆਂ ਨੂੰ ਸਾਫ਼ ਅਤੇ ਸੁੱਧ ਪੀਣ ਯੋਗ ਪਾਣੀ ਪ੍ਰਾਪਤ ਹੋਵੇਗਾ ਅਤੇ ਸਕੂਲ ਦੀਆਂ ਹੋਰ ਜ਼ਰੂਰਤਾਂ ਵਿੱਚ ਵੀ ਮਦਦ ਮਿਲੇਗੀ।
ਉਨ੍ਹਾਂ ਨੇ ਕਿਹਾ ਕਿ ਇਸ ਤਰ੍ਹਾਂ ਦੇ ਉਪਰਾਲੇ ਹੋਰ ਲੋਕਾਂ ਲਈ ਵੀ ਪ੍ਰੇਰਣਾ ਸਾਬਤ ਹੁੰਦੇ ਹਨ ਅਤੇ ਸਮਾਜ ਵਿੱਚ ਸੇਵਾ ਭਾਵਨਾ ਨੂੰ ਵਧਾਉਂਦੇ ਹਨ। ਉਨ੍ਹਾਂ ਨੇ ਆਸ ਪ੍ਰਗਟ ਕੀਤੀ ਕਿ ਭਵਿੱਖ ਵਿੱਚ ਵੀ ਦਲਬੀਰ ਸਿੰਘ ਪਾਬਲਾ ਸਕੂਲ ਨਾਲ ਇਸੇ ਤਰ੍ਹਾਂ ਜੁੜੇ ਰਹਿਣਗੇ। ਅੰਤ ਵਿੱਚ, ਸਕੂਲ ਪਰਿਵਾਰ ਵੱਲੋਂ ਇਕ ਵਾਰ ਫਿਰ ਦਲਬੀਰ ਸਿੰਘ ਪਾਬਲਾ ਦਾ ਵਿਸ਼ੇਸ਼ ਧੰਨਵਾਦ ਕੀਤਾ ਗਿਆ।
Click to Follow Babushahi Facebook page →