ਥੈਂਕਸਗਿਵਿੰਗ: ਅਮਰੀਕੀ ਤਿਉਹਾਰ ਦੀ ਮਹੱਤਤਾ
ਥੈਂਕਸਗਿਵਿੰਗ ਅਮਰੀਕਾ ਵਿੱਚ ਮਨਾਇਆ ਜਾਣ ਵਾਲਾ ਇੱਕ ਮਹੱਤਵਪੂਰਨ ਤਿਉਹਾਰ ਹੈ, ਜੋ ਹਰ ਸਾਲ ਨਵੰਬਰ ਮਹੀਨੇ ਦੇ ਚੌਥੇ ਵੀਰਵਾਰ ਨੂੰ ਮਨਾਇਆ ਜਾਂਦਾ ਹੈ। ਇਹ ਤਿਉਹਾਰ ਮੁੱਖ ਤੌਰ ’ਤੇ ਆਪਣੇ ਪਿਆਰਿਆਂ ਨੂੰ ਧੰਨਵਾਦ ਕਹਿਣ ਲਈ ਮਨਾਇਆ ਜਾਂਦਾ ਹੈ ਹੈ। ਲੋਕ ਆਪਣੀ ਜ਼ਿੰਦਗੀ ਵਿੱਚ ਮਿਲੀਆ ਨੇਆਮਤਾਂ ਲਈ ਰੱਬ ਦਾ ਧੰਨਵਾਦ ਕਰਦੇ ਹਨ ਅਤੇ ਪਰਿਵਾਰ ਅਤੇ ਦੋਸਤਾਂ ਨਾਲ ਮਿਲਕੇ ਖੁਸ਼ੀਆਂ ਸਾਂਝੀਆਂ ਕਰਦੇ ਹਨ।
ਥੈਂਕਸਗਿਵਿੰਗ ਦਾ ਇਤਿਹਾਸ
ਥੈਂਕਸਗਿਵਿੰਗ ਦੀ ਸ਼ੁਰੂਆਤ 1621 ਵਿੱਚ ਹੋਈ ਸੀ, ਜਦੋਂ ਪਹਿਲੇ ਅੰਗਰੇਜ਼ ਯਾਤਰੀ (Pilgrims) ਨੇ ਮੈਸਾਚੂਸੇਟਸ ਵਿੱਚ ਪਹੁੰਚ ਕੇ ਆਪਣੇ ਪਹਿਲੇ ਕਾਮਯਾਬ ਫਸਲ ਦੀ ਕਟਾਈ ਲਈ ਪਾਰਟੀ ਕੀਤੀ। ਉਹਨਾਂ ਨੇ ਆਪਣੇ ਪੜੋਸੀ ਤੇ ਸਥਾਨਕ ਮੂਲਵਾਸੀ (Native Americans) ਨੂੰ ਵੀ ਸੱਦਿਆ, ਜਿਨ੍ਹਾਂ ਨੇ ਉਹਨਾਂ ਨੂੰ ਖੇਤੀਬਾੜੀ ਅਤੇ ਜੰਗਲਾਂ ਵਿੱਚ ਜਿੰਦੇ ਰਹਿਣ ਦੇ ਤਰੀਕੇ ਸਿਖਾਏ ਸਨ।
ਮੁੱਖ ਰਸਮ ਰਿਵਾਜ਼
ਥੈਂਕਸਗਿਵਿੰਗ ਦੇ ਦਿਨ ਪਰਿਵਾਰ ਦੇ ਮੈਂਬਰ ਇਕੱਠੇ ਹੋਕੇ ਵੱਡੇ ਖਾਣੇ ਦਾ ਆਯੋਜਨ ਕਰਦੇ ਹਨ। ਖਾਣੇ ਵਿੱਚ ਟਰਕੀ ਮੁੱਖ ਭਾਗ ਹੁੰਦਾ ਹੈ। ਇਸ ਤੋਂ ਇਲਾਵਾ, ਮੱਕੀ ਦੀ ਰੋਟੀ, ਮੱਖਣ ਵਾਲਾ ਸਵੀਟ ਪਟਾਟੋ, ਕਰੈਨਬੈਰੀ ਸੌਸ ਅਤੇ ਪੰਪਕਿਨ ਪਾਈ ਵੀ ਖਾਧੀ ਜਾਂਦੀ ਹੈ।
ਲੋਕ ਇਸ ਦਿਨ ਪਰੇਡ ਅਤੇ ਫੁਟਬਾਲ ਮੈਚ ਵੀ ਦੇਖਦੇ ਹਨ। ਨਿਊ ਯਾਰਕ ਸਿਟੀ ਦੀ ਮੈਸੀਜ਼ ਪਰੇਡ ਵਿਸ਼ੇਸ਼ ਤੌਰ ’ਤੇ ਪ੍ਰਸਿੱਧ ਹੈ।
ਅਜੋਕਾ ਦੌਰ
ਅੱਜ ਦੇ ਜ਼ਮਾਨੇ ਵਿੱਚ, ਥੈਂਕਸਗਿਵਿੰਗ ਸਿਰਫ਼ ਧਾਰਮਿਕ ਤਿਉਹਾਰ ਨਹੀਂ ਰਹਿ ਗਿਆ, ਬਲਕਿ ਇਹ ਸਮਾਜਿਕ ਅਤੇ ਸਾਂਸਕ੍ਰਿਤਕ ਤਿਉਹਾਰ ਵੀ ਬਣ ਚੁੱਕਾ ਹੈ। ਕਈ ਲੋਕ ਇਸ ਦਿਨ ਲੋੜਵੰਦ ਲੋਕਾਂ ਲਈ ਖਾਣਾ ਵੰਡਦੇ ਹਨ ਅਤੇ ਚੈਰੀਟੀ ਲਈ ਵੀ ਦਾਨ ਕਰਦੇ ਹਨ।
ਥੈਂਕਸਗਿਵਿੰਗ ਦੀ ਮਹੱਤਤਾ
ਥੈਂਕਸਗਿਵਿੰਗ ਸਾਨੂੰ ਸਿਖਾਉਂਦਾ ਹੈ ਕਿ ਸਾਨੂੰ ਆਪਣੀ ਜ਼ਿੰਦਗੀ ਵਿੱਚ ਮਿਲੀਆ ਨੇਅਮਤਾਂ ਦੀ ਕਦਰ ਕਰਨੀ ਚਾਹੀਦੀ ਹੈ ਅਤੇ ਸਾਂਝਾਂ ਨੂੰ ਹੋਰ ਮਜ਼ਬੂਤ ਕਰਨਾ ਚਾਹੀਦਾ ਹੈ। ਇਸ ਤੋਂ ਇਲਾਵਾ, ਇਹ ਦਿਨ ਸਾਡੇ ਲਈ ਪਰਿਵਾਰ ਨਾਲ ਗੁਜ਼ਾਰਨ ਦਾ ਇੱਕ ਖਾਸ ਮੌਕਾ ਹੁੰਦਾ ਹੈ।
ਥੈਂਕਸਗਿਵਿੰਗ ਸਿਰਫ ਇੱਕ ਦਿਨ ਨਹੀਂ, ਬਲਕਿ ਇੱਕ ਭਾਵਨਾ ਹੈ ਜੋ ਸਾਡੇ ਵਿੱਚ ਸਾਂਝੀਵਾਲਤਾ ਅਤੇ ਪਿਆਰ ਪੈਦਾ ਕਰਦੀ ਹੈ।
ਸਾਰਿਆ ਨੂੰ ਹੈਪੀ ਥੈਂਕਸਗਿਵਿੰਗ
-
ਲੇਖਕ- ਗੁਰਿੰਦਰਜੀਤ ਸਿੰਘ “ਨੀਟਾ ਮਾਛੀਕੇ, Writer
gptrucking134@gmail.com
Disclaimer : The opinions expressed within this article are the personal opinions of the writer/author. The facts and opinions appearing in the article do not reflect the views of Babushahi.com or Tirchhi Nazar Media. Babushahi.com or Tirchhi Nazar Media does not assume any responsibility or liability for the same.