← Go Back
ਔਕਲੈਂਡ 14 ਦਸੰਬਰ 2017 (ਹਰਜਿੰਦਰ ਸਿੰਘ ਬਸਿਆਲਾ)-ਨਿਊਜ਼ੀਲੈਂਡ ਵਿਖੇ ਆਪਣੀ ਜ਼ਿੰਦਗੀ ਦੇ ਸੁਪਨਿਆਂ ਨੂੰ ਸਾਕਾਰ ਕਰਨ ਪਹੁੰਚੇ ਹੋਏ ਇਕ ਹੋਰ ਪੰਜਾਬੀ ਨੌਜਵਾਨ ਦਾ ਜੀਵਨ ਸਫਰ ਅੱਜ ਇਕ ਦੁਰਘਟਨਾ ਬਾਅਦ ਸਦਾ ਲਈ ਬੰਦ ਹੋ ਗਿਆ। 25-26 ਸਾਲਾ ਕਮਲ ਸਿੰਘ ਨਾਂਅ ਦਾ ਨੌਜਵਾਨ ਕੂੜਾਦਾਨ (ਰੱਬਿਸ਼ ਬਿਨ) ਚੁੱਕਣ ਵਾਲਾ ਟਰੱਕ ਚਲਾਉਂਦਾ ਸੀ। ਮਿਲੀ ਜਾਣਕਾਰੀ ਅਨੁਸਾਰ ਅੱਜ ਦੁਪਹਿਰ 12.30 ਵਜੇ ਟੂਆਕਾਊ ਨਗਰ ਜੋ ਕਿ ਆਕਲੈਂਡ ਤੋਂ 60 ਕੁ ਕਿਲੋਮੀਟਰ ਦੀ ਦੂਰੀ ਉਤੇ ਹੈ, ਵਿਖੇ ਇਹ ਨੌਜਵਾਨ ਟਰੱਕ ਤੋਂ ਡਿਗ ਕੇ ਉਸੇ ਟਰੱਕ ਦੇ ਹੇਠਾਂ ਆ ਗਿਆ, ਜਿਸ ਕਾਰਨ ਉਸਦੀ ਜਾਨ ਚਲੇ ਗਈ। ਇਸ ਨੌਜਵਾਨ ਮੁੰਡੇ ਦੀ ਭੈਣ ਨਿਊਜ਼ੀਲੈਂਡ ਹੋਣ ਦਾ ਪਤਾ ਲੱਗਾ ਹੈ। ਪਰਿਵਾਰ ਨਾਲ ਸੰਪਰਕ ਕਰਨ ਦੀ ਬਹੁਤ ਕੋਸ਼ਿਸ ਕੀਤੀ ਪਰ ਜਿਆਦਾ ਜਾਣਕਾਰੀ ਪ੍ਰਾਪਤ ਨਹੀਂ ਹੋ ਸਕੀ। ਇਹ ਨੌਜਵਾਨ ਬਹੁਤ ਹੀ ਧਾਰਮਿਕ ਵਿਚਾਰਾਂ ਦਾ ਸੀ ਅਤੇ ਅਕਸਰ ਗੁਰਦੁਆਰਾ ਸਾਹਿਬ ਵਿਖੇ ਆ ਕੇ ਸੇਵਾ ਕਰਿਆ ਕਰਦਾ ਸੀ।
Total Responses : 189