ਨਵੀਂ ਦਿੱਲੀ, 19 ਜੂਨ, 2017 : ਬੀਐਸਐਨਐਲ ਨੇ ਜੀਓ ਨੂੰ ਟੱਕਰ ਦਿੰਦੇ ਨਵਾਂ ਪਲਾਨ ਲਾਂਚ ਕੀਤਾ ਹੈ। ਬੀਐਸਐਨਐਲ ਨੇ 444 ਰੁਪਏ ਵਾਲਾ ਨਵਾਂ ਪਲਾਨ ਪੇਸ਼ ਕੀਤਾ ਹੈ। ਕੰਪਨੀ ਨੇ ਇਸ ਨਵੇਂ ਪਲਾਨ ‘ਚੌਕਾ-444 ਪਲਾਨ’ ਦੀ ਵੈਧਤਾ 90 ਦਿਨਾਂ ਲਈ ਹੈ। ਇਹ ਕੰਪਨੀ ਦਾ ਸਪੈਸ਼ਲ ਟੈਰਿਫ਼ ਵਾਊਚਰ ਹੈ ਜੋ ਸਿਰਫ਼ ਪ੍ਰੀਪੇਡ ਗਾਹਕਾਂ ਲਈ ਹੋਵੇਗਾ। ਪਲਾਨ ਵਿੱਚ ਹਰ ਦਿਨ ਯੂਜ਼ਰ ਨੂੰ 4 ਜੀਬੀ ਡਾਟਾ ਮਿਲੇਗਾ।
ਬੀਐਸਐਨਐਲ ਨੇ ਆਪਣੇ ਬਿਆਨ ਵਿੱਚ ਆਖਿਆ ਹੈ ਕਿ ‘ਕੰਪਨੀ ਨੇ ਚੌਕਾ-444 ਇੱਕ ਸਪੈਸ਼ਲ ਟੈਰਿਫ਼ ਪਲਾਨ ਲਾਂਚ ਕੀਤਾ ਹੈ ਜੋ 90 ਦਿਨਾਂ ਦੀ ਮਿਆਦ ਨਾਲ ਆਵੇਗਾ ਤੇ ਇਹ ਪਲਾਨ ਅਨ ਲਿਮਟਿਡ ਡਾਟਾ ਵਾਲਾ ਹੋਵੇਗਾ। ਇਸ ਵਿੱਚ ਚਾਰ ਜੀਬੀ ਡਾਟਾ ਹਰ ਦਿਨ ਮਿਲੇਗਾ। ਬੀਐਸਐਨਐਲ ਨੇ ਆਪਣੇ 675 ਰੁਪਏ ਕੀਮਤ ਵਾਲੇ ਬ੍ਰਾਡਬੈਂਡ ਪਲਾਨ ਵਿੱਚ FUP ਲਿਮਟ ਤੋਂ ਬਾਅਦ ਮਿਲਣ ਵਾਲੇ ਡਾਟਾ ਦੀ ਸਪੀਡ ਵਿੱਚ ਵਾਧਾ ਕੀਤਾ ਹੈ। ਹੁਣ ਗਾਹਕਾਂ ਨੂੰ FUP ਲਿਮਟ ਬਾਅਦ ਵੀ 2Mbps ਡਾਊਨਲੋਡ ਸਪੀਡ ਮਿਲੇਗੀ। ਕੰਪਨੀ ਦਾ ਬੀਬੀਜੀ ਕੰਬੋ ਅਨ ਲਿਮਟਿਡ ਪਲਾਨ ਜਿਸ ਦੀ ਕੀਮਤ 675 ਰੁਪਏ ਹੈ। ਇਸ ਪਲਾਨ ਵਿੱਚ 5 ਜੀਬੀ ਤੱਕ 4 Mbps ਦੀ ਸਪੀਡ ਦਿੱਤੀ ਜਾ ਰਹੀ ਹੈ। ਇਸ ਦੇ ਪਲਾਨ ਦੀ FUP ਲਿਮਿਟ ਖ਼ਤਮ ਹੋਣ ਉੱਤੇ 1Mbpsਦੀ ਸਪੀਡ ਮਿਲਦੀ ਰਹੇਗੀ ਜੋ ਕੰਪਨੀ ਨੇ ਹੁਣ ਵਧਾਕੇ 2 Mbps ਕਰ ਦਿੱਤੀ ਹੈ। ਬੀਐਸਐਨਐਲ ਨੇ ਇਸ ਤੋਂ ਇਲਾਵਾ 1199 ਰੁਪਏ ਵਾਲਾ ਬ੍ਰਾਡਬੈਂਡ ਪਲਾਨ ਵਿੱਚ ਮਿਲਣ ਵਾਲਾ ਡੇਟੇ ਵਿੱਚ ਵੀ ਇਜ਼ਾਫਾ ਕੀਤਾ ਹੈ। ਇਸ ਪਲਾਨ ਵਿੱਚ ਕੰਪਨੀ 20 ਜੀਬੀ ਡਾਟਾ ਦੇ ਰਹੀ ਹੈ। ਇਸ ਵਿੱਚ ਵਾਧਾ ਕਰ ਕੇ ਇਸ ਨੂੰ 30 ਜੀਬੀ ਕਰ ਦਿੱਤਾ ਗਿਆ ਹੈ।
abp ਸਾਂਝਾ ਤੋਂ ਧੰਨਵਾਦ ਸਹਿਤ