ਸਵ : ਦੀਪਕ ਬਾਂਸਲ ਦੀ ਯਾਦ 'ਚ ਸ਼ੁਰੂ ਕਰਵਾਈ ਗਈ ਠੰਡੇ ਪਾਣੀ ਦੀ ਸੇਵਾ
ਮਨਜੀਤ ਸਿੰਘ ਢੱਲਾ
ਜੈਤੋ, 16 ਮਈ 2024-ਗਰਮੀ ਦੀ ਮੌਸਮ ਨੂੰ ਦੇਖਦੇ ਹੋਏ ਮਾਂ ਵੈਸ਼ਨੂੰ ਸੇਵਾ ਦਲ (ਰਜਿ:) ਜੈਤੋ ਵੱਲੋਂ ਆਰ.ਓ. ਦੇ ਠੰਡੇ ਪਾਣੀ ਦੀ ਸੇਵਾ ਸ਼ੁਰੂ ਕੀਤੀ ਗਈ । ਜੈਤੋ ਸ਼ਹਿਰ ਵਿੱਚ ਮਾਂ ਵੈਸ਼ਨੂੰ ਸੇਵਾ ਦਲ (ਰਜਿ:) ਜੈਤੋ ਵੱਲੋਂ ਦੋ ਠੰਡੇ ਫਿਲਟਰ ਪਾਣੀ ਦੀਆਂ ਟੈਕੀਆਂ ਚਲਾਈਆਂ ਗਈਆਂ। ਜਿਸ ਵਿੱਚ ਇੱਕ ਟੈਂਕੀ ਸਾਡੇ ਸਵ: ਦੀਪਕ ਬਾਂਸਲ ਦੀ ਯਾਦ ਵਿੱਚ ਦਿੱਤੀ ਗਈ ਹੈ । ਦੂਜੀ ਟੈਂਕੀ ਕਿਸੇ ਹੋਰ ਦਾਨੀ ਸੱਜਣ ਵੱਲੋਂ ਦਾਨ ਕੀਤੀ ਗਈ ਹੈ । ਸਮਾਜ ਸੇਵੀ ਪ੍ਰਿੰਸ ਗਰਗ ਨੇ ਦੱਸਿਆ ਕਿ ਦੋਵੇ ਟੈਕੀਆਂ ਮੰਡੀ ਵਾਸੀਆਂ ਦੇ ਸਹਿਯੋਗ ਨਾਲ ਹੀ ਚਲਾਈਆਂ ਗਈਆਂ ਹਨ, ਜਦਕਿ ਇਨ੍ਹਾਂ ਟੈਂਕੀਆਂ ਜ਼ਰੀਏ ਆਉਂਦੇ ਜਾਂਦੇ ਰਾਹਗੀਰਾਂ ਨੂੰ ਠੰਢਾ ਪਾਣੀ ਪਿਆਇਆ ਜਾਵੇਗਾ। ਇਨ੍ਹਾਂ ਠੰਡੇ ਪਾਣੀ ਦੀਆਂ ਟੈਂਕੀਆਂ ਦੀ ਸ਼ੁਰੂਆਤ ਸਵ: ਦੀਪਕ ਬਾਂਸਲ ਦੀ ਮਾਤਾ ਸ਼੍ਰੀਮਤੀ ਰੇਖਾ ਰਾਣੀ ਵੱਲੋਂ ਰੀਬਨ ਕੱਟ ਕੇ ਕੀਤੀ ਗਈ । ਇਸ ਮੌਕੇ ਅਭੀ ਮਿੱਤਲ, ਸਚਿਨ ਗਰਗ, ਅਨਿਲ ਮਿੱਤਲ, ਹਰਸ਼ ਬਾਂਸਲ,ਸੌਰਵ ਬਾਂਸਲ, ਬਿਸੂ ਆਦਿ ਹਾਜ਼ਰ ਸਨ।