ਸੈਸ਼ਨ ਵਿੱਚ ਪੰਜਾਬ ਸੰਸਦ ਮੈਂਬਰ ਇੱਕ ਮਤ ਪੰਜਾਬ ਮੁਦਿਆਂ ਦੀ ਗੱਲ ਰੱਖਣ।
ਬੀ,ਬੀ,ਐੱਮ,ਬੀ,ਚੰਡੀਗੜ੍ਹ,ਹੜ੍ਹਾਂ ਸਮੇਤ ਖੇਤੀ ਵਿਸ਼ੇਸ਼ ਪੈਕੇਜ ਜ਼ਰੂਰੀ:-ਐਡਵੋਕੇਟ ਪ੍ਰਭਜੀਤਪਾਲ ਸਿੰਘ।
ਗੁਰਪ੍ਰੀਤ ਸਿੰਘ ਜਖਵਾਲੀ
ਪਟਿਆਲਾ 29 ਨਵੰਬਰ 2025:- ਇਕ ਦਸੰਬਰ ਤੋ ਸਰਦ ਰੁੱਤ ਸੈਸ਼ਨ ਸ਼ੁਰੂ ਹੋਣ ਜਾ ਰਿਹਾ ਹੈ।ਜਿਸ ਸਬੰਧੀ ਪੰਜਾਬ ਦੇ ਅਤਿ ਜ਼ਰੂਰੀ ਵੱਖ ਵੱਖ ਮੁਦਿਆਂ ਪ੍ਰਤੀ ਧਿਆਨ ਕੇਂਦ੍ਰਿਤ ਕਰਦੇ ਹੋਏ ਸਮਾਜ ਸੇਵੀ ,ਕਿਸਾਨ ਆਗੂ ਅਤੇ ਸੀਨੀਅਰ ਵਕੀਲ ਪ੍ਰਭਜੀਤ ਪਾਲ ਸਿੰਘ ਨੇ ਕਿਹਾ ਕਿ ਪੰਜਾਬ ਦੇ ਸਾਰੇ ਸੰਸਦ ਮੈਂਬਰ ਸ਼ੁਰੂ ਹੋਣ ਜਾ ਰਹੇ, ਸੰਸਦ ਸੈਸ਼ਨ ਵਿੱਚ ਬਿਨਾ ਮਤ ਭੇਦ ਸੁਚੇਤ ਰਹਿੰਦੇ ਹੋਏ ਇਕ ਮੱਤ ਇਕ ਅਵਾਜ ਵਿੱਚ ਗੰਭੀਰਤਾ ਨਾਲ ਪੰਜਾਬ ਦੇ ਮੁਦਿਆਂ ਦੀ ਗੱਲ ਬੁਲੰਦ ਅਵਾਜ ਵਿੱਚ ਰੱਖਣ। ਪੰਜਾਬ ਯੂਨੀਵਰਸਿਟੀ ਦੀ ਗੱਲ,ਚੰਡੀਗੜ੍ਹ ਪੰਜਾਬ ਨੂੰ ਦੇਣ ਦੀ ਗੱਲ,ਬੀ,ਬੀ,ਐੱਮ,ਬੀ,ਉੱਪਰ ਪੰਜਾਬ ਦੇ ਹੱਕ ਦੀ ਗੱਲ,ਹੜ੍ਹਾਂ ਦੇ ਹੱਲ ਦੇ ਮੁੱਦੇ,ਪੰਜਾਬ ਦੇ ਪਾਣੀ ਦੇ ਹੱਕਾਂ ਦੀ ਗੱਲ,ਨਕਲੀ ਬੀਜ,ਨਕਲੀ ਖਾਦ,ਤੇ ਸਖ਼ਤ ਕਾਨੂੰਨ ਦੀ ਗੱਲ,ਪਰਾਲੀ ਦਾ ਮੁੱਦਾ,ਸਿੰਚਾਈ ਲਈ ਨਹਿਰੀ ਪਾਣੀ ਸਮੇਤ ਖੇਤੀ ਲਈ ਪੰਜਾਬ ਲਈ ਵਿਸ਼ੇਸ਼ ਪੈਕਜ਼ ਦੀ ਮੰਗ ਰੱਖਣ ਅਤੇ ਕੇਂਦਰ ਵੱਲ ਪੰਜਾਬ ਦੇ ਹਿੱਸੇ ਦੇ ਰਹਿੰਦੇ ਵਿਕਾਸ ਫੰਡ ਰੂਰਲ ਡਿਵੈਲਪਮੈਂਟ ਫੰਡ (ਆਰ,ਡੀ,ਐੱਫ,) ਨੈਸ਼ਨਲ ਹੈਲਥ ਮਿਸ਼ਨ ਫੰਡ,ਮਾਰਕੀਟ ਡਿਵੈੱਲਮੈਂਟ ਫੰਡ ਅਤੇ ਵਿਸ਼ੇਸ਼ ਸਹਾਇਕ ਫੰਡ ਤੁਰੰਤ ਦੇਣ ਦੀ ਮੰਗ ਰੱਖਣ।ਉਨ੍ਹਾ ਕਿਹਾ ਕਿ ਹਰ ਸਮੇਂ ਦੇਸ਼ ਲਈ ਹਮੇਸ਼ਾ ਪੰਜਾਬ,ਪੰਜਾਬੀ,ਕਿਸਾਨੀ ਹਿੱਕ ਢਾਹ ਕੇ ਦੇਸ਼ ਅਤੇ ਦੇਸ਼ ਵਾਸੀਆਂ ਨਾਲ ਖੜੇ ਹਨ, ਭਾਵੇ ਦੇਸ਼ ਦੀ ਸੁਰੱਖਿਆਂ ਲਈ ਕੁਰਬਾਨੀ ਦੀ ਗੱਲ ਹੋਵੇ, ਭਾਵੇ ਦੇਸ਼ ਵਿੱਚ ਲੋਕਾਂ ਲਈ ਅਨਾਜ ਭੰਡਾਰ ਦੀ।ਅੱਜ ਦੇਸ਼ ਅਤੇ ਕੇਂਦਰ ਦਾ ਵੀ ਫਰਜ਼ ਬਣਦਾ ਹੈ ਕਿ ਪੰਜਾਬ ਨੂੰ ਅਤੇ ਦੇਸ਼ ਲਈ ਵਰਦਾਨ ਕਿਸਾਨ ਅਤੇ ਕਿਸਾਨੀ ਨੂੰ ਵਿਸ਼ੇਸ਼ ਸਹੂਲਤਾਂ ਪ੍ਰਧਾਨ ਕਰੇ ਤਾ ਜੋ ਪੰਜਾਬ ਦੁਬਾਰਾ ਆਪਣੇ ਪੈਰਾਂ ਤੇ ਖੜ੍ਹਾ ਹੋਵੇ। ਉਨਾਂ ਪੰਜਾਬ ਦੇ ਲੋਕਾਂ ਨੂੰ ਵੀ ਸੁਚੇਤ ਰਹਿਣ ਲਈ ਕਿਹਾ ਕਿ ਲੋਕ ਵੀ ਧਿਆਨ ਰੱਖਣ ਕਿ ਤੁਹਾਡਾ ਚੁਣਿਆਂ ਹੋਇਆਂ ਨੁਮਾਇੰਦਾ ਤੁਹਾਡੇ ਹੱਕਾਂ ਦੀ ਕਿੰਨੀ ਗੱਲ ਸੰਸਦ ਵਿੱਚ ਰੱਖਦਾ ਹੈ।